Ester 6:6 - Tupanaarü Ore

⁶ Rü yexguma ga nüma ga Amáü̃ rü nixücu rü ãẽ̱xgacüpe̱xegu nayachi. Rü nüma ga ãẽ̱xgacü rü nüxna naca rü ñanagürü: —¿Ñuxãcü chi i nüxü̃ quicua̱xüxü̃xü̃ i wüxi i yatü i cuma cunaxwa̱xexü̃ nax nüxü̃ quicua̱xüxü̃xü̃? —ñanagürü. Rü nüma ga Amáü̃ rü nügüãẽwa nagu narüxĩnü: —¿Texéxü̃ tá nicua̱xüxü̃ ya ãẽ̱xgacü? ¿Rü taux ẽ̱xna i choxü̃ tátama yixĩxü̃? —ñaxü̃gu narüxĩnü.

Ester 6:6 Iomraidhean Croise

Abdía 1:3

Rü pemax, Pa Edóü̃anecüã̱xgüx, rü pegütama pewomüxẽxẽ, erü perü poramaxã pegü picua̱xüxü̃. Pema rü ínanutaanexü̃wa pengẽxmagü i ma̱xpǘneanewa. Rü ngẽmaca̱x nagu perüxĩnüe rü taxúetama pexü̃ tarüporamae.

Ucu̱xẽgüchiga 16:18

Ngẽma nax yigü icua̱xüü̃güxü̃gagu, rü guxchaxü̃gu tayi. Rü ngẽma nax inuexü̃gagu rü chixexü̃gu tayi.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Yeremía 32:41

Rü choma rü tá chataãẽãcüma nüxü̃ charüngü̃xẽxẽxü̃. Rü aixcümaxü̃chi guxü̃ma i chorü ngúchaü̃maxã tá ñaa naanewa chanangexmagüxẽxẽ” —ñanagürü.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Ucu̱xẽgüchiga 1:32

Ngẽma tama nayauxgüchaü̃xü̃ i ucu̱xẽ i mexü̃, rü tá düxwa norü chixexü̃gagu nayue, rü ngẽma naechitamare maxẽxü̃, rü ngẽma nax taxuguma naxĩnüexü̃gagu rü tá narütauxe.

Wiyaegü 35:27

Natürü yíxema naxwa̱xegüxe nax chorü uanügüxü̃ charüporamaegüxü̃, rü name nixĩ i taãẽãcü guxü̃guma tagaãcü ñatarügügü: —Nüma ya Cori ya Tupana rü namecümaxüchi. Rü namaxã nataãxẽ i ngẽxguma norü duü̃xü̃ mexü̃ nüxü̃ ngupetügu —ñatarügügü.

Ester 6:11

Rü yexguma ga Amáü̃ rü nanayaxu ga yema ãẽ̱xgacüchiru rü ga cowaru ga ãẽ̱xgacü natagu tonagüxü̃, rü Maduquéuxü̃ nicu̱xcuchi rü yema cowarutagu nayaga. Rü ĩanemaü̃gu namaxã nanaxũane rü namaxã nicaechigü rü ñanagürü: —Rü ñaãcü nixĩ i namaxã naxüaxü̃ i ngẽma yatü i ãẽ̱xgacü nüxü̃ icua̱xüü̃xü̃ —ñanagürü.

Ester 6:9

Rü chi chorü ngü̃xẽẽruü̃güeruxü̃ chamu nax nagu yacu̱xẽẽãxü̃ca̱x i ngẽma naxchiru rü chi cowaruétügu chanaxaunagüxẽxẽ nax ngẽmaãcü ĩanemaü̃gu namaxã chicaechigüxü̃ca̱x: “Ñaãcü nixĩ ya ãẽ̱xgacü i nüxü̃ yacua̱xüü̃xü̃ i wüxi i duü̃xü̃ i namaxã nataãẽxü̃”, ñachagürü chi —ñanagürü ga Amáü̃.

Ester 6:7

Rü yemaca̱x ga nüma ga Amáü̃ rü ãẽ̱xgacüxü̃ nangãxü̃ rü ñanagürü: —Ngẽxguma chi nüxü̃ chicua̱xüxü̃chaü̃gu i wüxi i yatü rü naxchiru i ãẽ̱xgacü nagu icúxü̃gu chi chayacu̱xẽxẽ, rü ñu̱xũchi norü cowaru i ãẽ̱xgacü nagu ixũxü̃gu chi chayaxũxẽxẽ rü nga̱xcueruxü̃ i ãẽ̱xgacü namaxã nga̱xcueruü̃maxã chi chananga̱xcueru.

Ester 5:11

Rü yema namücügüpe̱xewa inanaxügü ga nügü nax yacua̱xüü̃xü̃. Rü nüxü̃ nixu nax ñuxãcü namuarü ngẽmaxü̃ã̱xü̃chixü̃ rü namuxacüxüchixü̃ rü ñuxãcü ãẽ̱xgacü nüxü̃ icua̱xüü̃xü̃ natanüwa ga yema norü ngü̃xẽẽruü̃gü, rü yemaca̱x yema togüétüwa nanaxǘxẽxẽ ga ãẽ̱xgacü.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ester 6:5

Rü yema norü ngü̃xẽẽruü̃gü rü nanangãxü̃ rü ñanagürügü: —Amáü̃ nixĩ i ngéma ngẽxmaxü̃ —ñanagürügü. Rü nüma ga ãẽ̱xgacü rü ñanagürü: —¡Namaxã nüxü̃ pixu rü nua naxũ! —ñanagürü.

Ester 1:15

Rü nüma ga ãẽ̱xgacü ga Achuéru rü yema yatügüna naca rü ñanagürü: —¿Ta̱xacü tá chaxü i ñu̱xmax? ¿Rü ta̱xacürü poxcu nixĩ i ümatüxü̃ i mugüwa ngĩxca̱x i wüxi i ãẽ̱xgacüma̱x i tama ãẽ̱xgacüga ĩnücü ega norü ngü̃xẽẽruü̃güxü̃ namugügu nax ngĩxca̱x yacagüxü̃ca̱x? —ñanagürü.

Ore i mexü̃ ga Luca ümatüxü̃ 14:9

Rü ngẽma petaarü yora i pexna uxü̃, rü tá cumaxã nüxü̃ nayarüxu nax icuchixü̃ca̱x i ngẽma nachicawa nax ngéma natoxẽẽãxü̃ca̱x i ngẽma to i curü yexera ixĩxü̃. Rü ngẽxguma i cumax rü poraãcü cuxãneãcüma rü nawa iyacuáxü̃ i naxma̱xwe̱xewa tá cuyarüto.