Ester 5:3 - Tupanaarü Ore

³ Rü nüma ga ãẽ̱xgacü rü ngĩxna naca rü ñanagürü: —¿Ta̱xacü cuxü̃ nangupetü, Pa Itéx? ¿Rü ta̱xacü cunaxwa̱xe? ¡Rü woo chi ngãxü̃gu i chauchixü̃aneca̱x choxna cuca̱xgu rü chi cuxna chanaxã! —ñanagürü. Rü Ité rü inangãxü̃ rü ngĩgürügü:

Ester 5:3 Iomraidhean Croise

Nüxíraxü̃xü̃ ga popera ga ãẽ̱xgacügüchiga 2:20

Rü nüxü̃ ngĩgürügü: —Rü íxraxü̃ i ngü̃xẽẽca̱x cuxna chaca rü tama chanaxwa̱xe i choxna cunachu̱xu —ngĩgürügü. Rü yexguma nüma ga ãẽ̱xgacü rü ngĩxü̃ nangãxü̃ rü ñanagürü: —¡Choxna naxca̱x naca i ngẽma cuma cunaxwa̱xexü̃, Pa Mamax! Rü choma rü taxũtáma cuxna chanachu̱xu —ñanagürü.

Nüxíraxü̃xü̃ ga popera ga ãẽ̱xgacügüchiga 3:5

Rü wüxi ga chütaxü̃gu rü Gabóü̃wa rü Cori ya Tupana rü Charomóü̃ca̱x nango̱x ga nanegüwa, rü ñanagürü nüxü̃: —¡Choxna naxca̱x naca i ngẽma cunaxwa̱xexü̃ rü choma rü tá cuxna chanaxã! —ñanagürü.

Neemía 2:4

Rü nüma ga ãẽ̱xgacü rü choxna naca rü ñanagürü: —¿Ta̱xacüwa i cuxü̃ charüngü̃xẽxẽxü̃? —ñanagürü. Rü yexguma ga choma rü Tupaname̱xẽgu chaugü chaxǘ.

Ester 5:4

—Rü ngẽxguma chi curü me yixĩxgu, Pa Ãẽ̱xgacüx, rü cuxna chaxu nax chauxü̃tawa cuxũxü̃ca̱x erü cuxca̱x rü Amáü̃ca̱x chanaxü i wüxi i õna i mexü̃ i ñu̱xmax —ngĩgürügü.

Ester 5:6

Rü yexguma ínachibüeyane rü nüma ga ãẽ̱xgacü rü Itéxü̃ ñanagürü: —¡Choxna naxca̱x naca i ta̱xacü i cuma cunaxwa̱xexü̃ rü tá cuxna chanaxã woo chitama ngãxü̃gu i chauchixü̃aneca̱x choxna cuca̱xgu! —ñanagürü.

Ester 7:2

Rü yexguma norü bínu íyaxaxgüyane rü nüma ga ãẽ̱xgacü rü wena ngĩxna naca ga Ité, rü ñanagürü: —¿Ta̱xacü nixĩ i naxca̱x ícuca̱xchaü̃xü̃, Pa Cho̱xma̱x, Pa Itéx? ¡Rü choxna naxca̱x naca i ngẽma cunaxwa̱xexü̃ rü choma rü tá cuxna chanaxã woo chi naxca̱x ícuca̱xgu i ngãxü̃gu i chauchixü̃ane! —ñanagürü.

Ore i mexü̃ ga Márcu ümatüxü̃ 6:23

Rü aixcümaxü̃chi ngĩmaxã inaxuneta, rü ñanagürü: —Ngexü̃rüüxü̃ i ta̱xacü i choxna naxca̱x cucaxü̃ rü tá cuxna chanaxã, woo ngãxü̃gu i chorü naane yixĩxgu —ñanagürü.

Ore i mexü̃ ga Luca ümatüxü̃ 18:41

—¿Ta̱xacü i cunaxwa̱xexü̃ nax cuxca̱x chanaxüxü̃? —ñanagürü. Rü gumá ngexetücü nanangãxü̃ rü ñanagürü: —Pa Corix, chanaxwa̱xe nax choxü̃ quidauuchixẽẽxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 23:19

Rü naxme̱xgu yayauxãchiãcüma tóxnamana nanaga ga ãẽ̱xgacü, rü yéma nüxna naca rü ñanagürü: —¿Ta̱xacü yixĩxü̃ i ngẽma chomaxã nüxü̃ quixuxchaü̃xü̃? —ñanagürü.