Ester 4:3 - Tupanaarü Ore

³ Rü yexgumarüxü̃ ta ga wüxichigü ga ĩanewachigü ga ngextá íyanguchigüxü̃wa ga yema mu ga ãẽ̱xgacü üxü̃, rü ga Yudíugü rü poraãcü nanaxĩ̱xãchiãẽtanü. Rü poraãcü nangechaü̃gü rü tama nachibüe rü naxauxe. Rü muxü̃ma ga nümagü rü tanimacate̱xegu napegü rü naxchiru ga témüxü̃gu nicu̱xgü.

Ester 4:3 Iomraidhean Croise

Ester 1:1

Rü nüma ga Achuéru rü ãẽ̱xgacü nixĩ ga Médiaanewa rü Pérchiaanewa. Rü yema norü naane rü 127 gu nixüye. Rü Índiaanewa inaxügü rü ñu̱xmata Etiopíaanewa nangu ga norü ta.

Ester 3:12

Rü gumá taunecüarü nüxíraü̃cü ga tauemacüarü 13 ga ngunexü̃gu rü nüma ga Amáü̃ rü nanangutaque̱xexẽxẽ ga ãẽ̱xgacüarü poperaarü ümatüruü̃gü. Rü namaxã nüxü̃ nixu nax naxümatügüãxü̃ca̱x ga wüxi ga mu naxca̱x ga guxü̃ma ga ãẽ̱xgacügü ga namaxã icuáxü̃ ga yema 127 ga nachixü̃anegü ga Achuérume̱xẽwa yexmagüxü̃. Rü wüxichigü ga yema nachixü̃anecüã̱xgügawa naxümatü ga yema mu, rü ãẽ̱xgacüéga nagu naxü rü norü ãneraéga nawa nango̱x.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Ester 4:2

Rü yemaacü inixũ rü ñu̱xmata ãẽ̱xgacüpataa̱xwa nangu rü yéma nayachaxãchi, yerü nachu̱xu ga ngechaü̃chirugu icúxe ãẽ̱xgacüpatagu nax ücuxü̃.

Ester 4:4

Rü yema ngĩxü̃taxü̃gü ga Ité rü yema yatügü ga ngĩrü dauruü̃gü ixĩgüxü̃ rü ngĩmaxã nüxü̃ nixugü ga yema Maduquéuxü̃ ngupetüxü̃. Rü yemaxü̃ naxĩnügu ga ngĩmax rü yexeraãcü inaxi̱xãchiãxẽ. Rü yemaca̱x Maduquéuca̱x yéma inamu ga mexü̃ ga naxchiru nax ínacuxuchixü̃ca̱x ga yema témüxü̃ ga naxchiru ga nagu yacúxü̃. Natürü ga nümax rü tama ínacuxuchichaü̃.

Ester 9:31

Nüma ga Maduquéu rü ngĩma ga Ité rü guxü̃ma ga Yudíugüxü̃ rü nanegüxü̃ rü nataagüxü̃ namu nax naxüchigagüãxü̃ca̱x ga yema Puríü̃ ga yexguma nawa nanguxgu ga yema ngunexü̃gü ga nagu naxunetagüxü̃. Rü yexgumarüxü̃ ta nanaxümatügü ga ucu̱xẽgü nax ñuxãcü tá naxaureãcü nayumüxẽgüxü̃ rü Tupanape̱xewa nüxü̃ yaxugüxü̃ i norü guxchaxü̃gü.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Ichaía 22:4

Rü ngẽmaca̱x i choma rü pemaxã nüxü̃ chixu rü ñachagürü: “¡Choxna pixĩgachitanü, erü chorü ngechaü̃maxã tá chaxaxu nagagu i ngẽma taxü̃ i guxchaxü̃ i chorü ĩanemaxã ngupetüxü̃! Rü tama chanaxwa̱xe nax texé choxü̃ taãẽxẽẽxü̃”, ñachagürü.

Ichaía 58:5

Rü ngẽxguma ngẽmaãcü pexauregu rü choma rü tama namaxã chataãxẽ. Pema rü peyangücuchitanü ñoma wüxi ya dexne ya taxtüpechinüwa rüxücürüxü̃. Rü ngechaü̃chirugu picu̱xgü rü tanimacawa perütogü. Rü ñu̱xũchi pema nüxü̃ pixu nax ngẽma yixĩxü̃ i aurearü ngunexü̃ i choma namaxã chataãẽxü̃.

Echequié 27:30

Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Yoná 3:6

Rü yexguma Nínibearü ãẽ̱xgacüxü̃tawa nanguxgu ga yema dexa, rü nüma rü norü tochicaxü̃wa inachi rü ínacuxuchi ga norü ãẽ̱xgacüchiru rü témüxü̃ ga naxchirugu nicu̱x rü waixü̃müarü ãte̱xexü̃wa narütomare.

Ore i mexü̃ ga Matéu ümatüxü̃ 13:42

Rü tá üxüxétüwa nayawocu. Rü ngéma tá naxauxe rü tá nixü̃́xchapütagü.

Ore i mexü̃ ga Matéu ümatüxü̃ 22:13

Rü yexguma ga gumá ãẽ̱xgacü rü ñanagürü nüxü̃ ga yema norü duü̃xü̃gü: “¡Mea peyana̱ĩ̱xpara rü peyana̱i̱xchacüxügü i ñaa yatü, rü yéama düxétüwa i ínaxẽanexü̃wa peyatá! Rü ngéma tá narüdoxü rü tá nixü̃́xchapüta erü poraãcü tá nüxü̃́ nangu̱x”, ñanagürü.

Ore i mexü̃ ga Matéu ümatüxü̃ 25:30

¡Rü yéama düxétüwa poraãcü ínaxẽanexü̃wa peyatá i ñaa chorü duü̃xü̃ i taxuwama mexü̃! Rü ngéma tá narüdoxü rü tá nixü̃́xchapüta” —ñanagürü.

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

1 Chamué 11:4

Rü ñuxre ga yema Yabécüã̱x rü guma ĩane ga Guibeá ga Chaú nawa yexmanewa nanangegü ga yema ore. Rü duü̃xü̃gümaxã nüxü̃ nixugüe ga yema Yabéwa ngupetüxü̃. Rü yexguma nüxü̃ naxĩnüegu rü guxü̃ma ga duü̃xü̃gü rü poraãcü naxauxe.