Ester 4:16 - Tupanaarü Ore

¹⁶ —¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Ester 4:16 Iomraidhean Croise

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Naanearü ügüchiga 43:14

Rü chanaxwa̱xe ya Tupana ya Guxü̃étüwa Ngẽxmacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimeóü̃, rü taxuxü̃ma nüxü̃ ngupetüxü̃ca̱x ya Bẽyamíü̃. Natürü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —ñanagürü ga Acóbu.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

Norü taxre ga popera ga ãẽ̱xgacügüchiga 7:4

Rü ngẽxguma chi ĩanegu ichocuxgu rü chi tayue erü ngéma aixepewa rü poraãcü taiya nangu̱x. Rü ngẽxguma chi nua rütogüechagu rü ngẽxgumarüxü̃ chitama tayue. Rü ngĩxã rü Chíriaarü churaragü íngẽxmagüxü̃wa taxĩ. Rü ngẽxguma taxũtáma tüxü̃ nadaixgu rü tá tamaxẽ. Rü ngẽxguma tüxü̃ nadaixgu rü tayueama tátama —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 20:3

Rü yexguma nüma ga Yochapáx rü poraãcü namuü̃, rü yemaca̱x Tupanaarü ngü̃xẽẽca̱x ínaca. Rü nanaxunagü nax nayumüxẽgüxü̃ca̱x rü tama nachibüexü̃ca̱x ga duü̃xü̃gü ga guxü̃ma ga Yudáarü naanewa.

Édra 8:21

Rü yemawena rü chanaxunagü nax aureãcü tayumüxẽgüxü̃ natü ga Aabácutüwa nax Tupanamaxã nüxü̃ tixugüxü̃ca̱x ga torü chixexü̃gü, rü Tupanana naxca̱x taca̱xaxü̃ca̱x nax mea toxü̃ naxüpetüxü̃ca̱x i namawa, rü toxna rü toxocügüna nadauxü̃ca̱x wüxigu namaxã i guxü̃ma i torü ngẽmaxü̃gü i namaxã itaxĩxü̃.

Ester 4:15

Rü yexguma ga ngĩma ga Ité rü ñaãcü Maduquéuca̱x yéma imuga:

Ester 4:17

Rü yexguma ga nüma ga Maduquéu rü nanaxü ga yema Ité namaxã nüxü̃ ixuxü̃.

Ester 4:3

Rü yexgumarüxü̃ ta ga wüxichigü ga ĩanewachigü ga ngextá íyanguchigüxü̃wa ga yema mu ga ãẽ̱xgacü üxü̃, rü ga Yudíugü rü poraãcü nanaxĩ̱xãchiãẽtanü. Rü poraãcü nangechaü̃gü rü tama nachibüe rü naxauxe. Rü muxü̃ma ga nümagü rü tanimacate̱xegu napegü rü naxchiru ga témüxü̃gu nicu̱xgü.

Ester 5:1

Rü tomaepü̱x ga ngunexü̃guwena rü ngĩma ga Ité rü nagu iyacu̱x ga ngĩrü ãẽ̱xgacüma̱xchiru rü ñu̱xũchi ãẽ̱xgacüpatagu ixücu. Rü yema ucapu ga ãẽ̱xgacü nawa rütoxü̃arü ĩã̱xarü we̱xgu iyachi ga ãẽ̱xgacü mea ngĩxü̃ ídauxü̃wa.

Ester 9:31

Nüma ga Maduquéu rü ngĩma ga Ité rü guxü̃ma ga Yudíugüxü̃ rü nanegüxü̃ rü nataagüxü̃ namu nax naxüchigagüãxü̃ca̱x ga yema Puríü̃ ga yexguma nawa nanguxgu ga yema ngunexü̃gü ga nagu naxunetagüxü̃. Rü yexgumarüxü̃ ta nanaxümatügü ga ucu̱xẽgü nax ñuxãcü tá naxaureãcü nayumüxẽgüxü̃ rü Tupanape̱xewa nüxü̃ yaxugüxü̃ i norü guxchaxü̃gü.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Yeremía 36:9

Rü yexguma Yoaquíü̃ ga Yochía nane rü marü 5 ga taunecü Yudáanearü ãẽ̱xgacü yixĩxgu, rü gumá taunecüarü 9 ga tauemacügu nanaxunagü nax naxauregüxü̃ ga guxü̃ma ga Yerucharéü̃cüã̱x wüxigu namaxã ga yema togü ga duü̃xü̃gü ga naigü ga Yudáanearü ĩanegüwa ne ĩxü̃.

Ore i mexü̃ ga Matéu ümatüxü̃ 12:40

Rü yexgumarüxü̃ ga Yoná ga tomaepü̱x ga ngunexü̃ rü tomaepü̱x ga chütaxü̃ choxni ga taxü̃ãnüwa nax nayexmaxü̃ rü ngẽxgumarüxü̃ tá ta nixĩ ya Tupana Nane ya duü̃xü̃xü̃ ixĩcü i tomaepü̱x i ngunexü̃ rü tomaepü̱x i chütaxü̃ naxma̱xü̃ i nagu yaxǘcuchixü̃wa nangẽxmaxü̃.

Ore i mexü̃ ga Luca ümatüxü̃ 9:24

Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.

Ore i mexü̃ ga Cuáü̃ ümatüxü̃ 19:22

Natürü Pirátu nanangãxü̃ rü ñanagürü: —Ngẽma chaxümatüxü̃ rü marü ngẽxma naxümatü —ñanagürü.

Ngechuchuarü ngúexü̃gü ga yamugüxü̃arü puracüchiga 10:7

Rü yexguma nüxna iyanataxuxgu ga yema orearü ngeruxü̃ ga namaxã yéma idexaxü̃, rü Cornériu rü naxca̱x naca ga taxre ga norü puracütanüxü̃ rü wüxi ga churara ga mea naga ĩnüxü̃ rü aixcüma Tupanaaxü̃́ yaxõxü̃.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Ngechuchuarü ngúexü̃gü ga yamugüxü̃arü puracüchiga 21:13

Natürü nüma ga Pauru rü toxü̃ nangãxü̃ rü ñanagürü: —¿Tü̱xcüü̃ pexauxe rü choxü̃ pengechaü̃xẽxẽ? Choma rü íchamemare nax chinaíxü̃. Rü íchamemare ta nax Yerucharéü̃gu chayuxü̃ naxca̱x ya Cori ya Ngechuchu —ñanagürü.

Ngechuchuarü ngúexü̃gü ga yamugüxü̃arü puracüchiga 27:33

Rü yexguma marü yangunechaü̃gu, rü Pauru nayaxucu̱xẽgü ga guxü̃ma nax nachibüexü̃ca̱x, rü ñanagürü: —Taxre i yüxü nixĩ i ñu̱xma nax taguma aixrügumarüxü̃ pechibüexü̃, rü bai i ta̱xacü nax pengṍxü̃ yerü poraãcü pexoegaãẽgü.

Ngechuchuarü ngúexü̃gü ga yamugüxü̃arü puracüchiga 9:9

Rü tomaepü̱x ga ngunexü̃ yéma nayexma, rü nangexetü, rü tama nachibü, rü tama naxaxe.

Romanos 16:4

Rü nümagü rü ãũcümaxü̃wa nichocu nax chauétüwa nachogüexü̃ca̱x nax tama chayuxü̃ca̱x ga chomax. Rü ngẽmaca̱x moxẽ nüxna chaxã. Rü tama chaxicatama moxẽ naxca̱x nüxna chaxã, natürü moxẽ nüxna naxãgü ta i guxü̃ma i taenexẽgü i yaxõgüxü̃ i tama Yudíugü ixĩgüxü̃.

Filipenses 2:30

Yerü nüma ga Epaporudítu rü yema nax poraãcü Cristuarü puracüwa napuracüxü̃ rü wixguxüchi taa̱x nayu. Rü ãũcümaxü̃wa nügü nayexmaxẽxẽ nax pechicüxü choxü̃ nangü̃xẽẽxü̃ca̱x.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

1 Chamué 19:5

¿Ẽ̱xna marü nüxü̃ curüngü̃ma ga yexguma norü maxü̃ ãũcümaxü̃wa nayexmaxẽẽgu ga Goriáxü̃ yama̱xgu, rü yemaacü ga Cori ya Tupana rü Iraéanecüã̱xgüxü̃ guxchaxü̃wa ínanguxü̃xẽxẽ? Cumax, Pa Ãẽ̱xgacüx, rü nüxü̃ cudau ga yema, rü cutaãxẽ. ¿Rü tü̱xcüü̃, Pa Ãẽ̱xgacüx, i cuyamáxchaü̃xü̃ i wüxi i duü̃xü̃ i taxuxü̃ma i chixexü̃ cumaxã üxü̃? ¿Rü ta̱xacüca̱x tá cuyama̱x ya Dabí? —ñanagürü.