Ester 4:1 - Tupanaarü Ore

¹ Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.

Ester 4:1 Iomraidhean Croise

Naanearü ügüchiga 27:34

Rü yexguma ga Echaú yema nanatü namaxã nüxü̃ ixuxü̃xü̃ naxĩnügu, rü poraãcü naxaxu, rü aita naxüãcüma ñanagürü: —Pa Papax ¡chomaxã rü ta mexü̃ naxuegu! —ñanagürü.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

2 Chamué 1:11

Rü nüma ga Dabí rü yema norü duü̃xü̃gü rü yexguma yema orexü̃ naxĩnüegu rü norü ngechaü̃maxã nügüchirugu nagáugüe.

2 Chamué 13:19

Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.

Ester 4:2

Rü yemaacü inixũ rü ñu̱xmata ãẽ̱xgacüpataa̱xwa nangu rü yéma nayachaxãchi, yerü nachu̱xu ga ngechaü̃chirugu icúxe ãẽ̱xgacüpatagu nax ücuxü̃.

Ester 4:3

Rü yexgumarüxü̃ ta ga wüxichigü ga ĩanewachigü ga ngextá íyanguchigüxü̃wa ga yema mu ga ãẽ̱xgacü üxü̃, rü ga Yudíugü rü poraãcü nanaxĩ̱xãchiãẽtanü. Rü poraãcü nangechaü̃gü rü tama nachibüe rü naxauxe. Rü muxü̃ma ga nümagü rü tanimacate̱xegu napegü rü naxchiru ga témüxü̃gu nicu̱xgü.

Yox 1:20

Rü yexguma ga nüma ga Yox rü inachi rü norü ngechaü̃maxã nügüchirugu nagáugü rü nügü rü waixü̃müanegu nayangücuchi rü Tupanaxü̃ nicua̱xüxü̃.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Ichaía 15:4

Rü duü̃xü̃gü i Ebóü̃cüã̱xgü rü Erarécüã̱xgü rü tagaãcü ngü̃xẽẽca̱x ínacagü, rü ĩane ya Yaáchagu nüxü̃ naxĩnügagü. Rü ngẽmaca̱x i Moátanüxü̃arü churaragü rü poraãcü ínayamuü̃ãchitanü.

Ichaía 22:4

Rü ngẽmaca̱x i choma rü pemaxã nüxü̃ chixu rü ñachagürü: “¡Choxna pixĩgachitanü, erü chorü ngechaü̃maxã tá chaxaxu nagagu i ngẽma taxü̃ i guxchaxü̃ i chorü ĩanemaxã ngupetüxü̃! Rü tama chanaxwa̱xe nax texé choxü̃ taãẽxẽẽxü̃”, ñachagürü.

Ichaía 37:1

Rü yexguma yemaxü̃ naxĩnügu ga gumá ãẽ̱xgacü ga Echequía rü nügü narügáutechiru. Rü norü ĩ̱xãchiãẽmaxã nagu nicu̱x ga wüxi ga naxchiru ga témüxü̃ rü yemaacü Tupanapata ga taxü̃newa naxũ.

Ichaía 37:2

Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã nüxü̃ yanaxugüexü̃ca̱x ga yema guxchaxü̃.

Ichaía 58:5

Rü ngẽxguma ngẽmaãcü pexauregu rü choma rü tama namaxã chataãxẽ. Pema rü peyangücuchitanü ñoma wüxi ya dexne ya taxtüpechinüwa rüxücürüxü̃. Rü ngechaü̃chirugu picu̱xgü rü tanimacawa perütogü. Rü ñu̱xũchi pema nüxü̃ pixu nax ngẽma yixĩxü̃ i aurearü ngunexü̃ i choma namaxã chataãẽxü̃.

Echequié 21:11

Rü marü nawaixmagu rü marü nanaitachinü rü marü ínamemare nax ngẽma máetawa̱xexü̃na ngĩxü̃ chaxãxü̃ca̱x.

Echequié 21:6

Rü cumax, Pa Yatüx, ¡curü ngechaü̃maxã poraãcü naxaxu nape̱xewa i guxü̃ma i Iraétanüxü̃ nax ngẽmaãcü nüxü̃ nacua̱xgüxü̃ca̱x nax ngúxü̃ quingexü̃ i curü maxü̃newa!

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Miquéa 1:8

Rü Miquéa rü ñanagürü ta: —Ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü ngẽma abetrúxacürüxü̃ aita tá chaxü.

Chofonía 1:14

¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ngechuchuarü ngúexü̃gü ga yamugüxü̃arü puracüchiga 14:14

Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.