Ester 3:9 - Tupanaarü Ore

⁹ Rü ngẽmaca̱x Pa Ãẽ̱xgacüx, ega curü me yixĩxgu i ngẽma nüxü̃ chixuxü̃ ¡rü ẽcü naxunagü i wüxi i mu i nüxü̃ ixuxü̃ nax noxtacüma nada̱i̱xü̃ i ngẽma Yudíugü! Rü choma rü tá 330,000 quíru nagúxü̃ i diẽrumü ichaxã nax ngẽmamaxã naxütanüxü̃ca̱x nüxü̃́ i ngẽma nada̱i̱xü̃ —ñanagürü.

Ester 3:9 Iomraidhean Croise

Naanearü ügüchiga 23:16

Rü nüma ga Abraáü̃ rü norü me nixĩ ga ngĩxü̃ naxütanüxü̃ ga yema diẽru ga Efróü̃ Itítanüxü̃pe̱xewa ngĩgu unetacü. Rü yemaca̱x noxtacüma wüxicana ngĩxü̃ naxütanü ga yema diẽru.

Ester 3:10

Rü yexguma ga nüma ga ãẽ̱xgacü rü ñanagürü nüxü̃: —¡Rü ngẽma diẽru rü cuxrütama yixĩ! ¡Rü ngẽma Yudíugü rü namaxã naxü i ta̱xacü i cuma cunaxwa̱xexü̃! —ñanagürü. Rü ñu̱xũchi nügüme̱xẽwa ngĩxü̃ nayaxu ga norü ãnera rü Amáü̃na ngĩxü̃ naxã nax yemaacü ãẽ̱xgacüéga nawa ngóxü̃ca̱x ga yema mu ga Amáü̃ unagüxü̃.

Ester 3:8

Rü nüma ga Amáü̃ rü ãẽ̱xgacü ga Achuéruxü̃tawa naxũ nax namaxã nüxü̃ yanaxuxü̃ca̱x nachiga ga yema. Rü ñanagürü: —Pa Ãẽ̱xgacüx, rü natanüwa i guxü̃ma i ngẽma togü i nachixü̃anecüã̱xgü rü nangẽxma i wüxitücumü i tama togümaxã wüxiguchaü̃xü̃. Erü ngẽma nacümagü rü nanatoraxü̃ rü tama naga naxĩnüe i ngẽma curü mugü, Pa Ãẽ̱xgacüx. Rü ngẽmaca̱x, Pa Ãẽ̱xgacüx, rü tama name nax ñaa naane i namaxã icucuáxü̃wa namaxẽxü̃.

Ester 4:7

Rü nüma ga Maduquéu rü namaxã nüxü̃ nixu ga guxü̃ma ga yema ngupetüxü̃ rü ñuxre ga diẽru ngĩxü̃ nax inaxãxü̃ ga Amáü̃ nax yemaacü guxü̃ma ga Yudíugüxü̃ nada̱i̱xü̃ca̱x.

Ester 7:4

Erü choma rü chautanüxü̃ rü marü toxü̃ naxüpane nax ngẽmaãcü toxü̃ nada̱i̱xü̃ca̱x ya guxãma. Rü ngẽxguma chi tomaxã nataxegügu nax togüarü puracütanüxü̃ tixĩgüxü̃ca̱x, rü choma rü chi taxṹ ñachagürümare, woo i ngẽma rü ta rü wüxi i chixexü̃ i taxü̃ nixĩ i cuxca̱x, Pa Ãẽ̱xgacüx —ngĩgürügü.

Danié 3:8

Natürü ñuxre ga Cadéuanecüã̱xgü rü ãẽ̱xgacü ga Nabucudonochóxü̃tawa naxĩ nax Yudíugüxü̃ ínaxuaxü̃güxü̃ rü ñanagürügü:

Ore i mexü̃ ga Matéu ümatüxü̃ 18:24

Rü yexguma inaxügüãgu ga mea nüxü̃ nax yadaugüxü̃ ga yema nüxü̃́ nangetanügüxü̃pane, rü naxü̃tawa nanagagü ga wüxi ga norü duü̃xü̃ ga taxüchicü ga diẽru nüxü̃́ ngĩxü̃ ngetanüxü̃.