Ester 2:5 - Tupanaarü Ore

⁵ Rü Chúchawa ga ãẽ̱xgacüpatawa napuracü ga wüxi ga Yudíu ga Bẽyamíü̃tanüxü̃ ga Maduquéu ga naéga. Rü nüma rü Yaí nane nixĩ, rü Chimí rü Chíx tixĩ ga norü o̱xigü.

Ester 2:5 Iomraidhean Croise

2 Chamué 16:5

Rü yexguma Bauríü̃wa nanguxgu ga ãẽ̱xgacü ga Dabí, rü yexma nüxü̃ nangau ga wüxi ga yatü ga Chaútanüxü̃. Rü nüma rü Guerá nane nixĩ rü Chimígu naxãéga. Rü woo nax duü̃xü̃gü rü norü churaragü nüxna daugüxü̃ ga Dabí, rü nüma ga Chimí rü inanaxügü nax chixexü̃ Dabímaxã yaxugüchigüxü̃ rü nutamaxã Dabíxü̃ rü guxü̃ma ga norü churaragüerugüxü̃ ínamuxũchixü̃.

Norü taxre ga popera ga ãẽ̱xgacügüchiga 24:12

Rü yexguma nüma ga Yoaquíü̃ ga Yudáanearü ãẽ̱xgacü rü wüxigu ngĩmaxã ga naé, rü namaxã ga norü churaragüerugü, rü norü ngü̃xẽẽruü̃gü, rü togü ga ãẽ̱xgacügü, rü Babiróniaanearü ãẽ̱xgacüna nügü nana. Rü nüma ga yema Babiróniaanearü ãẽ̱xgacü rü ínanayauxü̃. Rü yexguma yema ngupetügu rü 8 ga taunecü ninge nax ãẽ̱xgacü yixĩxü̃ ga Nabucudonochó.

Norü taxre ga popera ga ãẽ̱xgacügüchiga 24:15

Rü Nabucudonochó rü nayagagü ga Yoaquíü̃, rü naé, rü naxma̱xgü, rü norü churaragüerugü, rü guxü̃ma ga yema yatügü ga Yudáanewa tachigagüxü̃ ga mexü̃ ügüxü̃. Rü Yerucharéü̃wa ínanagaxü̃ rü Babiróniawa nanagagü.

Ester 1:2

Rü guma ãẽ̱xgacüpata rü ĩane ga Chúchawa nixĩ ga nayexmaxü̃.

Ester 10:3

Rü nüma ga Maduquéu rü ãẽ̱xgacü ga Achuérutüxü̃wa nayexma, rü naeru nixĩ ga guxü̃ma ga yema ãẽ̱xgacüarü ngü̃xẽẽruü̃gü. Rü nüma ga Maduquéu rü guxü̃ma ga Yudíugütanüwa rü ãẽ̱xgacü ga naãẽxü̃ cuácü nixĩ. Rü guxü̃ma ga natanüxü̃ rü nüxü̃ nangechaü̃gü yerü meama namaxã inacua̱x rü guxü̃guma naxca̱x nadau nax ñuxãcü nüxü̃ nangü̃xẽẽxü̃.

Ester 2:3

¡Ẽcü nüxü̃ naxuneta i duü̃xü̃gü i wüxichigü i naane i namaxã icucuáxü̃wa nax ngẽma pacügü i mexẽchicü i taguma yatüxü̃ cua̱xcü ngĩxü̃ idexechixü̃ca̱x rü nua curü ngexü̃güpata i Chúchawa ngĩxü̃ nagagüxü̃ca̱x! Rü ñu̱xũchi name nixĩ ya yima ngexü̃güpataarü dauruxü̃ ya Egái ngĩxna nadau i ngẽma pacügü nax ngĩxü̃ yanga̱xãẽgüxü̃ca̱x.

Ester 2:4

Rü ngẽma pacü i yexera curü me ixĩcü, Pa Ãẽ̱xgacüx, rü ngẽma tá iyixĩ i cuxma̱x ixĩcü ngĩchicüxü i Báti —ñanagürügü. Rü yema ĩnü rü norü me nixĩ ga ãẽ̱xgacü, rü yemaacü nanaxü.

Ester 5:1

Rü tomaepü̱x ga ngunexü̃guwena rü ngĩma ga Ité rü nagu iyacu̱x ga ngĩrü ãẽ̱xgacüma̱xchiru rü ñu̱xũchi ãẽ̱xgacüpatagu ixücu. Rü yema ucapu ga ãẽ̱xgacü nawa rütoxü̃arü ĩã̱xarü we̱xgu iyachi ga ãẽ̱xgacü mea ngĩxü̃ ídauxü̃wa.

1 Chamué 9:1

Rü Bẽyamíü̃tanüxü̃wa nayexma ga wüxi ga yatü ga Chíxgu ãégacü. Rü nüma rü Abié nane nixĩ rü Cherótaxa nixĩ. Rü guxema toguxe ga norü o̱xi rü Becoráx ga Afía nane tixĩ. Rü nüma ga Chíx rü wüxi ga yatü ga guxãma nüxü̃ ngechaü̃cü nixĩ.