Ester 2:21 - Tupanaarü Ore

²¹ Rü wüxi ga ngunexü̃ ga yexguma Maduquéu ãẽ̱xgacüpataarü ĩã̱xwa dauxü̃taegu rü nüxü̃ naxĩnü ga taxre ga ĩã̱xarü dauruü̃gü ga Bigatáü̃ rü Tére ga nugaãcü nügümaxã idexagüxü̃ nachigagu nax ñuxãcü tá ãẽ̱xgacü ga Achuéruxü̃ yama̱xgüxü̃.

Ester 2:21 Iomraidhean Croise

2 Chamué 16:11

Rü nüma ga Dabí rü yexgumatama Abicháixü̃ rü guxü̃ma ga norü churaragüeruxü̃ ñanagürü: —Rü ñu̱xma nax chaunetamachire̱x choxü̃ imáxchaxü̃xü̃ rü yexera ñaa yatü i Bẽyamíü̃tanüxü̃ nüxü̃́ nangẽxma i ta̱xacüca̱x choxü̃ yamáxchaü̃xü̃. Rü nüetama nax ta̱xacü chomaxã yaxugüxü̃. Rü bexmana woetama ngẽmaãcü nixĩ i Cori ya Tupana namuxü̃.

Nüxíraxü̃xü̃ ga popera ga ãẽ̱xgacügüchiga 16:9

Natürü Zimrí ga churaragüeru ga ngãxü̃tücumü ga Eráarü carugümaxã icuáxü̃ rü Eráchi naxai rü naxca̱x nadau nax ñuxãcü yamáaxü̃. Rü wüxi ga ngunexü̃gu ga yexguma ãẽ̱xgacü ga Erá rü Tircháwa nayexmagu napatawa ga Arüchá ga norü yemaxü̃gümaxã icuáxü̃, rü yéma naxaxe ñu̱xmata nangãxü̃.

Norü taxre ga popera ga ãẽ̱xgacügüchiga 12:20

Rü yema norü churaragüerugütama rü bexma nagu narüxĩnüe nax yama̱xgüchaü̃ãxü̃. Rü yema nama ga Chiláwa daxü̃wa yexmane ga napata ga Bex-milógu nayama̱xgü.

Norü taxre ga popera ga ãẽ̱xgacügüchiga 21:23

Rü yema Amóü̃arü churaragüerugü rü nagu narüxĩnüe nax ñuxãcü yama̱xgüãxü̃. Rü napata ga nawa ãẽ̱xgacü yixĩnegu nayama̱xgü.

Édra 4:6

Rü yexguma gumá taunecü ga Achuéru nagu inaxügücü nax ãẽ̱xgacü yixĩxü̃ ga Pérchiaanewa rü yema uanügü rü wüxi ga popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ naxümatügü. Rü ñu̱xũchi yema popera rü ãẽ̱xgacü ga Achuéruxü̃tawa nanamugü.

Ester 2:19

Rü ngĩma ga Ité rü yexguma nabuxgucürüwatama Maduquéuga ixĩnü. Rü taxúema ngĩxü̃ tacua̱x nax Nge̱xtácüã̱x yixĩxü̃ rü texétanüxü̃ yixĩxü̃, yerü ga Maduquéu rü yemaacü ngĩxü̃ naxuxcu̱xẽ nax tama ngĩgü yaxuxü̃ca̱x. Rü yexguma guma ngexü̃güpataarü tochiãwa ngĩxü̃ nagagügu ga yema pacügü, rü nüma ga Maduquéu rü guma ãẽ̱xgacüpataarü ĩã̱xü̃tawa narüto.

Ester 6:1

Rü yema chütaxü̃gu ga ãẽ̱xgacü rü tama nape rü inadauecha. Rü yemaca̱x naxca̱x nangema ga yema napane ga nagu naxümatüxü̃ ga guxü̃ma ga yema ãẽ̱xgacü üxü̃ nax naxca̱x nüxü̃ nadaumatügüxü̃ca̱x.

Ester 6:2

Rü yexguma nüxü̃ nadaumatügügu ga yema popera rü yexma nüxü̃ nayangaugü ga ore ga Maduquéuchiga ga ñuxãcü ãẽ̱xgacü ga Achuéruxü̃ ínapoxü̃xü̃ ga yexguma yema ãẽ̱xgacüpataarü dauruü̃gü ga Bigatáü̃ rü Tére nügü ucu̱xẽgügu nax ãẽ̱xgacüxü̃ yama̱xgüchaxü̃xü̃.

Wiyaegü 144:10

Rü cuma nixĩ i nachixü̃anegüarü ãẽ̱xgacügüxü̃ curüngü̃xẽẽxü̃ nax norü uanügüxü̃ naporamaegüxü̃ca̱x. Rü cuma nixĩ ga curü duü̃ ga Dabíxü̃ ícunguxũchixẽẽxü̃ naxme̱xwa ga norü uanügü. ¡Rü ñu̱xma rü choxü̃ ínapoxü̃ nax tama norü taramaxã choxü̃ yama̱xgüxü̃ca̱x i chorü uanügü! ¡Rü choxü̃ napu naxme̱xwa i ñaa chorü uanügü i dorata̱a̱xgüxü̃ i norü doramaxã choxü̃ íxuaxü̃güxü̃!

Danié 2:49

Rü nüma ga Danié rü ãẽ̱xgacüna naca nax nüxü̃ naxunetaxü̃ca̱x ga namücügü ga Chadrá rü Mechá rü Abex-negó nax yemagü norü ngü̃xẽẽruü̃gü yixĩgüxü̃ca̱x ga Babiróniaanewa. Rü nüma ga Danié rü ãẽ̱xgacüpatawatama nayexma nax yéma nüxü̃ nangü̃xẽẽxü̃ca̱x.