Ester 10:3 - Tupanaarü Ore

³ Rü nüma ga Maduquéu rü ãẽ̱xgacü ga Achuérutüxü̃wa nayexma, rü naeru nixĩ ga guxü̃ma ga yema ãẽ̱xgacüarü ngü̃xẽẽruü̃gü. Rü nüma ga Maduquéu rü guxü̃ma ga Yudíugütanüwa rü ãẽ̱xgacü ga naãẽxü̃ cuácü nixĩ. Rü guxü̃ma ga natanüxü̃ rü nüxü̃ nangechaü̃gü yerü meama namaxã inacua̱x rü guxü̃guma naxca̱x nadau nax ñuxãcü nüxü̃ nangü̃xẽẽxü̃.

Ester 10:3 Iomraidhean Croise

Naanearü ügüchiga 41:40

Rü cuma tá nixĩ i chopatamaxã icucuáxü̃. Rü guxü̃táma i chorü duü̃xü̃gü rü tá cuga naxĩnüe. Rü chaxica tátama nixĩ i cuxü̃ charüyexeraxü̃ erü choma rü ñaa nachixü̃anearü ãẽ̱xgacü chixĩ.

Naanearü ügüchiga 45:10

Rü Gochéü̃anewa tá cungu wüxigu namaxã i cunegü rü cutaagü rü cuxü̃nagü rü guxü̃ma i ngẽma cuxü̃́ ngẽxmaxü̃. Rü ngẽmaãcü tá chorü ngaicamana cungexma.

Naanearü ügüchiga 45:11

Rü nua rü tá õna pexna chaxã i cuma rü guxü̃ma i cutanüxü̃ nax taxuxü̃ma pexü̃́ taxuxü̃ca̱x. Erü 5 ya taunecüama ínayaxü nax taiya tá ngúxü̃’ ”, ñapegü tüxü̃ ya papa.

Norü taxre ga to ga popera ga ãẽ̱xgacügüchiga ümatüxü̃ 28:7

Rü Chicrí ga wüxi ga Efraíü̃tanüxü̃ ga tama muü̃wa̱xexü̃ rü ãẽ̱xgacü ga Acháx nane ga Maachíaxü̃ nima̱x. Rü yexgumarüxü̃ ta nayama̱x ga Aricáü̃ ga Acháxpatamaxã icuácü. Rü nayama̱x ta ga Ercaná ga Acháxarü ngü̃xẽẽruü̃gümaxã icuácü.

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Ester 2:5

Rü Chúchawa ga ãẽ̱xgacüpatawa napuracü ga wüxi ga Yudíu ga Bẽyamíü̃tanüxü̃ ga Maduquéu ga naéga. Rü nüma rü Yaí nane nixĩ, rü Chimí rü Chíx tixĩ ga norü o̱xigü.

Ester 3:2

Rü guxü̃ma ga yema ãẽ̱xgacüpatawaarü puracütanüxü̃ rü Amáü̃pe̱xegu nacaxã́pü̱xügü rü narümaachitanü ga yexguma Amáü̃ nape̱xewa üpetügu rüe̱xna nape̱xewa nayexmagügu. Yerü yemaacü nixĩ ga ãẽ̱xgacü ga naxunagüãxü̃. Natürü nüma ga Maduquéu rü tama naga naxĩnüchaü̃ ga yema mu, rü yemaca̱x tama narümaãchi ga yexguma Amáü̃ nape̱xewa üpetügu.

Danié 5:16

Rü nüxü̃ chaxĩnüchiga rü cuma rü cuxü̃́ natauxcha nax cunango̱xẽẽxü̃ i wüxi i nanegü rü cunamexẽẽxü̃ i taxü̃ i guxchaxü̃gü. Rü ngẽxguma chi cha̱u̱xca̱x nüxü̃ cudaumatügu i ngẽma ore i ĩxtapü̱xgu ümatüxü̃ rü chomaxã nüxü̃ quixuxgu nax ta̱xacüchiga yixĩxü̃, rü choma rü naxchiru i dauxracharaxü̃gu tá cuxü̃ chicu̱xẽxẽ, rü úirunaxca̱x ya cadénamaxã tá cuxü̃ chaxüchagü, rü cuma tá quixĩ i chautüü̃wa norü tomaepü̱xwa cuxüxü̃ nax ãẽ̱xgacü quixĩxü̃ —ñanagürü.

Danié 5:29

Rü yexgumatama ga nüma ga ãẽ̱xgacü ga Berchachá rü norü duü̃xü̃güxü̃ namu nax Daniéxü̃ dauxracharaxü̃ ga naxchirugu yacu̱xẽẽgüaxü̃ca̱x, rü wüxi ga cadéna ga úirunaxca̱xmaxã naxüchagügüãxü̃ca̱x. Rü guxãmaxã nüxü̃ nixu nax nüma ya Danié yixĩxü̃ ga norü tomaepü̱xwa naxüxü̃ nax ãẽ̱xgacü yixĩxü̃.

Danié 6:3

Rü nüma ga Danié rü guxü̃ma ga yema togü ga ãẽ̱xgacügüarü yexera nüxü̃ nacua̱xüchi. Rü yemaca̱x ga nüma ga ãẽ̱xgacü rü nagu narüxĩnü nax namücüxü̃ nüxü̃ naxunetaxü̃ nax yema Babiróniaanemaxã inacuáxü̃ca̱x.

Romanos 10:1

Pa Chauenexẽgüx, ngẽma poraãcü chanaxwa̱xexü̃ rü chorü yumüxẽwa Tupanana naxca̱x chacaxü̃ nixĩ nax guxü̃ma i chautanüxü̃ i Yudíugü yaxõgüxü̃ rü ngẽmaãcü aixcüma Tupanaarü duü̃xü̃gü nax yixĩgüxü̃ca̱x.

Romanos 14:18

Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

1 Chamué 18:16

Natürü guxü̃ma ga duü̃xü̃gü ga Iraéanewa rü Yudáanewa rü Dabíxü̃ nangechaü̃gü, yerü nüma nixĩ ga namaxã inacuáxü̃ ga yexguma daiwa naxĩĩxü̃gu rü nawoeguxü̃gu.

1 Chamué 23:17

Rü Dabíxü̃ ñanagürü: —Taxuca̱xma cumuü̃ erü chaunatü ya Chaú rü tagutáma cuxü̃ itayangau. Cuma rü tá Iraéanecüã̱xgüarü ãẽ̱xgacü quixĩ, rü choma rü tá cutüü̃wa chaxü. Rü ngẽma rü chaunatü ya Chaú rü marü nüxü̃ tacua̱x —ñanagürü.