Ester 1:8 - Tupanaarü Ore

⁸ Natürü nüma ga ãẽ̱xgacü rü yema napataarü dauruü̃gümaxã nüxü̃ nixu nax taxúexü̃ma namaxã nachixewegüxü̃ca̱x nax taxaxegüxü̃, natürü name nax tüxna naxãgüãxü̃ ga yema tüma tanaxwa̱xexü̃ nax tayaxaxgüxü̃ ga wüxichigü ga guxema tüxna naxue.

Ester 1:8 Iomraidhean Croise

Ester 1:7

Rü yema norü axepáxü̃gü rü úirunaxca̱x nixĩgü rü wüxichigü rü nanatoraxü̃gü. Rü yemagu nixĩ ga namaxã nabaegüxü̃ ga guma ãẽ̱xgacüarü bínu ga taxüchicü.

Ester 1:9

Rü napatawa ga Achuéru naxma̱x ga Báti rü ta, wüxi ga õna ga taxü̃ ixü naxca̱x ga naxma̱xgü ga yema nüxna naxugüxü̃.

Yeremía 35:8

Rü toma rü mea naga taxĩnüe i guxü̃ma ga yema mugü ga torü o̱xi ga Yonadá tomaxã nüxü̃ ixuxü̃ nax nagu taxĩxü̃ca̱x, rü taguma tayaxaxü ga bínu rü bai i toma rü bai i toxma̱xgü rü bai i tonegü rü toxocügü.

Yeremía 51:7

Rü Babirónia rü cho̱xme̱xwa rü ñoma wüxi ga copu ga úirunaxca̱x ga bínumaxã ããcuxü̃rüxü̃ nixĩ. Rü Babirónia rü guxü̃ma ga yema togü ga nachixü̃anegüxü̃ narüporamae ñoma bínu i ngúxü̃maxã duü̃xü̃güxü̃ rüporamaexü̃rüxü̃. Rü guxü̃ma ga yema togü ga nachixü̃anegü rü Babiróniaanecüã̱xme̱xẽwa nügü nayexmagüxẽxẽ ñoma duü̃xü̃gü i ngãexü̃rüxü̃.

Ore i mexü̃ ga Cuáü̃ ümatüxü̃ 2:8

Rü Ngechuchu ñanagürü nüxü̃: —Rü ñu̱xma chanaxwa̱xe i íxraxü̃ peyaxu, rü petaarü yoraxü̃tawa penange —ñanagürü. Rü yemaacü nanaxügü ga yema baegüxü̃.