Ester 1:4 - Tupanaarü Ore

⁴ Rü yemaacü nanaxü ga yema peta, yerü ga nüma rü nügü inawéxchaü̃ nax ñuxãcü naporaxü̃ rü ñuxãcü namuxũchixü̃ ga nachixü̃anearü yemaxü̃gü rü ñuxãcü namexẽchixü̃ ga norü ĩane. Rü yema peta rü natai ga ngãxü̃ ga taunecü.

Ester 1:4 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:25

Rü nüma ga Cori rü poraãcü Charomóü̃xü̃ natachigaxẽxẽ ga guxü̃ma ga Iraéanewa. Rü yexeraãcü namuarü yemaxü̃ã̱x rü nanatüarü yexera nüxü̃ nicua̱xü̃gü.

Ester 1:3

Rü yexguma marü tomaepü̱x ga taunecü ãẽ̱xgacü yixĩxgu ga Achuéru rü nanaxü ga wüxi ga taxü̃ma ga peta. Rü nüxna naxu ga guxü̃ma ga norü ngü̃xẽẽruü̃gü ga ãẽ̱xgacügü rü churaragüerugü ga Médiaanecüã̱x rü Pérchiaanecüã̱x, rü yema ãẽ̱xgacügü ga wüxichigü ga norü naanearü üyewa yexmagüxü̃.

Ester 1:5

Rü yema petawena rü nüma ga ãẽ̱xgacü rü to ga peta naxü ga ãẽ̱xgacüpataa̱xtüwa ga 7 ga ngunexü̃ taixü̃. Rü yema petawa rü nüxna naxu ga guxü̃ma ga yema duü̃xü̃gü ga Chúchacüã̱x ga ãẽ̱xgacüarü ngü̃xẽẽruü̃gü rü norü puracütanüxü̃ ixĩgüxü̃.

Yox 40:10

Rü ngẽxguma ngẽmaãcü yixĩxgu ¡rü ẽcü choxü̃ nawe̱x nax guxü̃arü yexera cuporaxüchixü̃, rü guxü̃ i ãẽ̱xgacügüétüwa nax cuxüxü̃! ¡Rü choxü̃ nawe̱x nax guxü̃arü yexera cutachigaxü̃ rü guxü̃arü yexera taxü̃ i mexü̃wa cungexmaxü̃!

Wiyaegü 145:5

Rü choma rü tá nüxü̃ chixu nax ñuxãcü torü ãẽ̱xgacü ya üünecü nax quixĩxü̃ i cumax. Rü tá nüxü̃ chixu i ngẽma mexü̃gü i toxca̱x cuxüxü̃.

Wiyaegü 21:5

Rü cuma rü norü uanügüxü̃ cunaporamaexẽxẽ, rü ngẽmaca̱x natachiga ya yimá ãẽ̱xgacü. Rü cuma rü nüxü̃ curüngü̃xẽxẽ rü ngẽmaca̱x namaxã nataãẽgü i duü̃xü̃gü.

Wiyaegü 45:3

Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.

Wiyaegü 93:1

Rü nüma ya Cori ya Tupana rü ãẽ̱xgacü nixĩ. Rü norü üüne nicuxcuchi rü naporaxüchi. Rü nüma rü nachicagu nanaxǘ i ñoma i naane nax tama ngéma yaxũgachixü̃ca̱x.

Ichaía 39:2

Rü nüma ga Echequía rü meama nanayaxu ga yema ãẽ̱xgacüarü duü̃xü̃gü. Rü nüxü̃ nanawe̱x ga guxü̃ma ga norü yemaxü̃gü ga nüxü̃́ yexmaxü̃ ga diẽrumü, rü úiru, rü pumaragü, rü chíxü̃gü i mexẽchixü̃. Rü yexgumarüxü̃ ta nüxü̃ nanawe̱x ga naxnegüpataxü̃. Rü guxü̃ma ga norü yemaxü̃gü ga ãẽ̱xgacüpatawa yexmagüxü̃ rü nachixü̃anewa yexmagüxü̃ rü nüxü̃ nanawe̱x. Rü taxuxü̃ma inicu̱x.

Echequié 28:5

Rü ngẽma nüxü̃ nax cucuáxü̃ nax ñuxãcü cutaxexü̃ rü ngẽmagagu nimu i curü ngẽmaxü̃gü. Rü ñu̱xma rü ngẽma curü ngẽmaxü̃gümaxã cugü quicua̱xüxü̃.

Danié 4:36

Rü yexgumatama chauãẽxü̃ chicua̱xãchi rü wenaxarü Tupana choxü̃ narüngü̃xẽxẽ rü chauchicaca̱xtama choxü̃ nataeguxẽxẽ nax ãẽ̱xgacü chixĩxü̃. Rü duü̃xü̃gü rü chomaxã nataãẽgü, rü noxrirüü̃tama namaxã ichacua̱x rü chapora. Rü yema chorü ucu̱xẽruü̃gü rü chorü ngü̃xẽẽruü̃gü rü cha̱u̱xca̱x nayadaugü nax wenaxarü chauchixü̃anearü ãẽ̱xgacüxü̃ choxü̃ yangucuchixẽẽgüxü̃ca̱x. Rü noxriarü yexera pora choxü̃́ nayexma.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Ore i mexü̃ ga Matéu ümatüxü̃ 4:8

Rü yexguma ga nüma ga ngo̱xo ga Chataná rü wüxi ga ma̱xpǘne ga máchanexü̃chinewa nanaga. Rü yéma Ngechuchuxü̃ nanawe̱x ga guxü̃nema ga ñoma ga naanecüã̱x ga nachixü̃anegü nax ñuxãcü yamexẽchixü̃.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Romanos 9:23

Natürü ga Tupana rü inanawéxchaü̃ nax poraãcü tamaxã namecümaxü̃ i yixema nax yaxõgüxü̃. Rü ngẽmaca̱x nixĩ i nüxü̃́ ingechaü̃tümüxü̃güxü̃, rü nũxcümamatama tüxü̃ nadexü̃ nax naxü̃tawa ingexmagüxü̃ca̱x i daxũguxü̃ i naanewa i ngextá ínamexechixü̃wa.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.