Ester 1:13 - Tupanaarü Ore

¹³ Rü norü numaxã norü ucu̱xẽruü̃gü ga meama yema naanearü mugüxü̃ icuáxü̃na naca nax ta̱xacü tá naxüxü̃ ngĩmaxã ga naxma̱x. Yerü nüma ga ãẽ̱xgacü rü nacüma nixĩ nax norü ucu̱xẽruü̃gü ga meama mugüxü̃ icua̱xgüxü̃na nacaxíraxü̃ naxü̃pa nax ta̱xacürü mu naxunagüxü̃.

Ester 1:13 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:32

Rü yema Ichacátanüxü̃ rü 200 ga ãẽ̱xgacügü nixĩ. Rü nümagü rü guxü̃ma ga natanüxü̃ ga churaragümaxã yéma Dabíxü̃tawa nangugü. Rü nüma ga yema churaragüarü ãẽ̱xgacügü rü meama nüxü̃ nacua̱xgü i ñuxgu tá rü ñuxãcü tá namexü̃ nax Iraétanüxü̃ norü uanügümaxã nügü nada̱i̱xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:33

Rü yema Chaburóü̃tanüxü̃ ixĩgüxü̃ rü 50,000 nixĩ ga norü mu. Rü nümagü rü churaragü ga daixca̱x ímemarexü̃ nixĩgü rü nüxü̃́ nayexmagü ga naguxü̃raü̃xü̃ ga naxnegü. Rü ínamemaregü nax Dabíxü̃ nangü̃xẽẽgüxü̃.

Ester 1:12

Natürü ngĩma ga naxma̱x rü tama naga ixĩnü ga yema ãẽ̱xgacüarü duü̃xü̃gü ngĩmaxã nüxü̃ ixuxü̃. Rü yemaca̱x ga nüma ga ãẽ̱xgacü rü poraãcü nanu.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Danié 2:12

Rü yemaxü̃ naxĩnügu ga ãẽ̱xgacü rü poraãcü nanu rü nanamu nax nadaiaxü̃ca̱x ga guxü̃ma ga yema norü ucu̱xẽruü̃gü ga Babiróniaanecüã̱x.

Danié 2:2

Rü yemaca̱x naxca̱x nangema ga norü ucu̱xẽruü̃gü ga iyuüxü̃ rü yema ẽxü̃guxü̃xü̃ cua̱xgüxü̃ rü nape̱xexü̃ cua̱xgüxü̃ rü yema cua̱x nüxü̃́ yexmagüxü̃. Rü nüma ga yema iyuüxü̃ rü ãẽ̱xgacüxü̃tawa naxĩ. Rü nüma ga ãẽ̱xgacü rü yemagüna naca nax nüxü̃ yaxugüexü̃ca̱x nax ta̱xacüchiga yixĩxü̃ ga yema nagu naxãnegüxü̃.

Danié 2:27

Rü nüma ga Danié nanangãxü̃ rü ñanagürü: —Pa Ãẽ̱xgacüx, nataxuma i wüxi i duü̃xü̃ i nüxü̃ cuáxü̃ rü bai i wüxi i ẽxü̃guxü̃xü̃ cuáxü̃, rüe̱xna yuüxü̃, rüe̱xna woramacuriwa ngúexü̃ i nüxü̃ cuáxü̃ i ngẽma cunegü i cuma nüxü̃ cucuáxchaü̃xü̃.

Danié 5:7

Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Ore i mexü̃ ga Matéu ümatüxü̃ 16:3

Rü ngẽxguma pa̱xmama nadáutüweanegu rü nacaixanegu, rü: “Tá nachixeane i ñaa ngunexü̃”, ñaperügügü. Rü pema nüxü̃ pecua̱x nax penangugüxü̃ i ñuxgu tá nameanexü̃ rü ñuxgu tá nachixeanexü̃. ¿Rü ñuxãcü i tama nüxü̃ pecuáxü̃ nax ta̱xacüchiga yixĩxü̃ i ngẽma cua̱xruü̃gü i ñu̱xma chauxü̃tawa nüxü̃ pedauxü̃? —ñanagürü.

Ore i mexü̃ ga Matéu ümatüxü̃ 2:1

Rü Ngechuchu rü Yudéaanewa yexmane ga ĩane ga Beréü̃gu nabu ga yexguma Eróde ãẽ̱xgacü ixĩxgu ga yema nachixü̃anewa. Rü yexguma nixĩ ga ĩane ga Yerucharéü̃wa nangugüxü̃ ga ñuxre ga yatügü ga nüxü̃ cua̱xüchigüxü̃ ga woramacuriwa ngúexü̃ ga éstewa ne ĩxü̃.