Efesios 5:3 - Tupanaarü Ore3 Rü ñu̱xma nax Tupanaarü duü̃xü̃gü pixĩgüxü̃ rü penaxwa̱xe nax norü duü̃xü̃gü i üünexü̃rüxü̃ mea pemaxẽxü̃. Rü ngẽmaca̱x tama name nax to i ngẽxü̃maxã pemaxẽxü̃, rü ẽ̱xna penaxüxü̃ i ta̱xacürü to i chixexü̃, rü ẽ̱xna pexaüexü̃. Rü bai tá nachiga pidexagüxü̃ i ngẽma chixexü̃gü. Faic an caibideil |
Efesios 5:3
58 Iomraidhean Croise
¡Rü Iraégütanüxü̃wa yadexechi i yatügü nax curü ngü̃xẽẽruü̃gü yaxĩgüxü̃ca̱x! ¡Rü naxca̱x nadau i duü̃xü̃gü i nüxü̃ cua̱xgüxü̃ rü Tupanaga ĩnüexü̃, rü tama idorata̱xagüxü̃, rü tama diẽruca̱xmare daugüxü̃! Rü nüxü̃ naxuneta i ñuxre nax 1,000 i duü̃xü̃gümaxã inacúachigüxü̃ca̱x, rü togü i 100 i duü̃xü̃gümaxã inacúachigüxü̃ca̱x, rü togü i 50 i duü̃xü̃gümaxã inacúachigüxü̃ca̱x, rü togü i 10 i duü̃xü̃gümaxã inacúachigüxü̃ca̱x.
Rü ngẽmaca̱x ya yíxema naxma̱xgü rü togü i yatügüna tá tüxü̃ chamugü, rü ñu̱xũchi ngẽma norü naanegü rü togüna tá chanana. Erü guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü woo ngẽma orearü uruü̃gü, rü ngẽma chacherdótegü rü guxü̃ma womüxẽẽgu namaxẽ.
Rü narümemae nixĩ i naxca̱x tanaxümatü i popera, rü ngẽmawa namaxã nüxü̃ tixu: – Tama name nax nangõ̱xgüãxü̃ i naxü̃nagümachi i duü̃xü̃gü norü tupananetachicüna̱xãgüca̱x daixü̃. – Rü tama name nax nai i ngexü̃maxã rü ẽ̱xna nai ya yatümaxã inapexü̃. – Rü tama name nax nangõ̱xgüãxü̃ i namachi i ngẽma naeü̃ rüe̱xna naxü̃na i wẽxnaxãxü̃ rüe̱xna natügu nguxü̃. – Rü tama name nax nangõ̱xgüãxü̃ ya nagü. Rü ngexicatama nixĩ i inaxwa̱xexü̃ nax naxca̱x naxümatüxü̃ i ngẽma yaxõgüxü̃ i Antioquíawa ngẽxmagüxü̃.
Rü düxwa ga yema duü̃xü̃gü rü guxü̃raü̃xü̃ ga chixexü̃gu narüxĩnüe. Rü tama aixcüma mea naxma̱xmaxã rü natemaxã namaxẽ. Rü naxaü rü nügüna nananugüchaü̃ i guxü̃ma. Rü chixexü̃gu namaxẽ. Rü nixãũxãchiwa̱xegü, rü namáetagü, rü nanuewa̱xegü, rü nawomüxẽẽwa̱xegü, rü naxü̃nearü ngúchaü̃ nüxü̃ napora, rü Taxúegama naxĩnüe, rü nixoregüta̱a̱xgü.
Rü ngẽxgumarüxü̃ ta rü ñuxre i duü̃xü̃gü rü ñanagürügü: “Õna rü taxü̃neca̱x nixĩ, rü taxü̃ne rü õnaca̱x nixĩ”, ñanagürügü. Rü aixcüma ngẽmaãcü nixĩ, natürü ya Tupana rü tá inayanaxoxẽxẽ i guxü̃ma i ngẽma. Rü taxü̃ne rü tama nai i ngexü̃maxã namaxã nax ingẽãẽmarexü̃ca̱x nixĩ. Erü taxü̃nemaxã nixĩ i inaxüxü̃ i tórü Coriarü ngúchaü̃. Rü tórü Cori nixĩ ya taxü̃nearü yora.
Rü chaxoegaãxẽ erü ngẽxguma wena petanüwa chaxũxgu, rü ngürüãchi Tupana tá pegagu choxü̃ naxãnexẽxẽ rü choxü̃ naxauxẽxẽ nagagu nax muxü̃ma i pemax rü marü ñuxgumama pecadu pexügüechaxü̃, rü tama nüxü̃ perüxoechaü̃xü̃ nax Tupanape̱xewa chixexü̃ pexügüxü̃, rü nai i ngexü̃maxã nax pemaxẽxü̃, rü togü i chixexü̃ nax pexügüxü̃.
Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.
Rü ngẽma guxü̃arü yexera rümemaexü̃ nixĩ nax naxca̱x pedauxü̃ nax mea pemaxẽxü̃, ngẽma Cristuarü ore pemaxã nüxü̃ ixuxü̃rüxü̃. Rü ngẽxguma petanüwa chaxũxgu rü ẽ̱xna woo tama ngéma chaxũxgu, natürü nüxü̃ chaxĩnüchaü̃ nax guxãma wüxigu pegü peporaexẽẽxü̃ nax taguma nüxü̃ perüchauxü̃ca̱x nax peyaxõgüxü̃, rü ngẽmaãcü Tupanaaxü̃́ pepuracüexü̃ nax yexeraãcü yaxũchigüxü̃ca̱x i norü ore.
Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.
Rü duü̃xü̃gü rü tá nügüguxicatama narüxĩnüe, rü norü diẽruguama tá narüxĩnüe. Rü tá nügü nicua̱xüü̃gü, rü chixexü̃gu tá namaxẽ. Rü chixri Tupanachiga tá nidexagü, rü taxũtáma nanatüga rü naéga naxĩnüe. Rü taxũtáma moxẽ inaxã i ngẽxguma Tupana nüxü̃ rüngü̃xẽẽgu, rü ngẽmaãcü tá nüxü̃ naxo i Tupanaarü ore.
Natürü ngẽma duü̃xü̃gü i ngẽmaãcü chixri ngu̱xẽẽtaegüxü̃, rü chanaxwa̱xe i noxtacüma icuyanangea̱xgüxẽxẽ. Erü muxü̃ma i duü̃xü̃güxü̃ nachixexẽẽgü rü ñu̱xmata ñuxre ya ĩpatawachigü rü nanachixexẽxẽ i guxü̃ma i duü̃xü̃gü nax tama aixcüma Tupanaaxü̃́ yaxõgüãxü̃ca̱x. Rü ngẽma ore i taxuwama mexü̃maxã duü̃xü̃güxü̃ nangúexẽxẽ nax ngẽmaãcü tüxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.
Rü Yericúwa nüxü̃ chadau ga wüxi ga mexẽchixü̃ ga naxchiru ga Babiróniacüã̱xarü ü rü 200 tachinü ga diẽru, rü wüximena̱xã ga úiru ga ngãxü̃ ga quíruarü yexera yaxü̃. Rü choxü̃́ nangúchaü̃ ga yema yemaxü̃gü, rü yemaca̱x chaugüxü̃́ chanade, rü chauchiü̃machiãgu chanata̱xgü. Rü ngẽma diẽrutachinügü rü aixepeguama chananu —ñanagürü.
Rü Tupana rü aixcüma tá nanapoxcue i ngẽma ngu̱xẽẽruü̃netagü i naxü̃nearü ngúchaü̃gu ĩxü̃ i tama naga ĩnüechaü̃xü̃ ya tórü Cori. Rü ngẽma ngu̱xẽẽruü̃netagü rü taxúegama naxĩnüechaü̃, rü nadauxcüraxü̃wa̱xegü. Rü tama namuü̃e nax namaxã naguxchigagüxü̃ i ngẽma ãẽ̱xgacügü i daxũcüã̱x. Rü ngẽmaãcü namaxẽ i ngẽma ngu̱xẽẽruü̃netagü. Natürü woo Tupanaarü orearü ngeruü̃gü i daxũcüã̱x i ngẽma ngu̱xẽẽruü̃netagüxü̃ rüyexeraxüchichiréxü̃, rü namuü̃e nax ngẽmaãcü namaxã naguxchigagüxü̃ i ngẽma ãẽ̱xgacügü i daxũcüã̱x.
Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.
Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.
Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.
Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.
Sanasan