Efesios 2:9 - Tupanaarü Ore

⁹ Rü tama ta̱xacü i mexü̃ i pexüxü̃gagu nixĩ i pexü̃́ nangẽxmaxü̃ i ngẽma maxü̃, natürü Tupana nixĩ ya pexna naxãmarecü nax ngẽmaãcü taxúema tügü icua̱xüxü̃xü̃ca̱x.

Efesios 2:9 Iomraidhean Croise

Romanos 11:6

Rü ñu̱xma nax Tupana tüxü̃ ngechaü̃xü̃gagu tüxü̃ nadexü̃, rü taxucürüwama texé nüxü̃ tixu nax ta̱xacürü mexü̃ nax ixügüxü̃gagu yixĩxü̃ i tüxü̃ nadexü̃. Erü ngẽxguma chi ta̱xacürü mexü̃ ixügüxü̃gagu yixgu nax tüxü̃ nadexü̃, rü natüca̱xmamare chi nixĩ nax nüxü̃́ ingechaü̃tümüxü̃güxü̃.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Romanos 4:2

Rü dücax, yexguma chi ta̱xacürü mexü̃ nax naxüxü̃ca̱x Tupanape̱xewa namexgu ga Abraáü̃ rü chi yemaca̱x nügü nicua̱xüxü̃, natürü tama yemaca̱x Tupanape̱xewa name. Erü Tupanaarü ore i ümatüxü̃wa rü ñanagürü: “Abraáü̃ rü Tupanaaxü̃́ nayaxõ, rü yemaca̱x Tupana nüxü̃ nixu nax namexü̃”, ñanagürü i ngẽma ore.

Romanos 9:11

Natürü yexguma tauta nabuegu rü taxuxü̃ma ga mexü̃ rü ẽ̱xna chixexü̃ naxüegu ga yema ngĩnegü, rü Rebécamaxã nidexa ga Tupana, rü ñanagürü: “Rü ngẽma nüxíra buxü̃ i cune, rü ngẽma wixweama buxü̃arü duü̃xü̃ tá nixĩ”, ñanagürü ngĩxü̃. Rü yema dexa rü namaxã nawüxigu i Tupanaarü ore i ümatüxü̃ i ñaxü̃: “Marü chanayaxu ya Acóbu, natürü nüxü̃ chaxo ya Echaú”, ñaxü̃. Rü yemaacü ga Tupana rü ngĩmaxã nanango̱xẽxẽ nax naxme̱xwa nangẽxmaxü̃ nax tüxü̃ nayaxuxü̃ ya yíxema woetama nüxü̃́ ngúchaü̃xẽ nax tümaca̱x naca̱xaxü̃, tama nagu naxĩnüãcüma i ta̱xacürü mexü̃ rü ẽ̱xna ta̱xacürü chixexü̃ nax taxüxü̃.

Romanos 9:16

Rü ngẽmaãcü tama ngẽma tümatama tanaxwa̱xexü̃gagu rü ẽ̱xna ngẽma taxüxü̃gagu nixĩ ya Tupana tüxü̃ yaxuxü̃ ya texé. Natürü tüxü̃ nayaxu erü nüxü̃́ tangechaü̃tümüxü̃.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.