Efesios 2:5 - Tupanaarü Ore

⁵ Rü yemaca̱x, woo tórü pecadugagu ñoma iyuexü̃rüxü̃ tixĩgü, natürü ga Tupana rü tüxna nanaxã ga maxü̃ ga yexguma Cristuxü̃ ínadaxẽẽgu. Rü ñu̱xma rü pexü̃́ nangẽxma i maxü̃ i taguma gúxü̃, erü Tupana pemaxã namecüma.

Efesios 2:5 Iomraidhean Croise

Ore i mexü̃ ga Luca ümatüxü̃ 15:24

Erü daa chaune rü cha̱u̱xca̱x rü marü nayu, natürü maxü̃cü cha̱u̱xca̱x ínangu. Rü marü inayarütauxchire̱x, rü wenaxarü nango̱x”, ñanagürü. Rü yexguma inanaxügüe nax napetaegüxü̃.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Cuáü̃ ümatüxü̃ 6:63

Tupanaãxẽ ya Üünecü nixĩ i inaxãxü̃ i maxü̃ i taguma gúxü̃. Rü tama pexene nixĩ i pexü̃ maxẽxẽẽxü̃. Rü ngẽma ore i pemaxã nüxü̃ chixuxü̃ rü peãxẽca̱x nixĩ, rü ngẽma orewa nangẽxma i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 15:11

Natürü yixema rü tayaxõgü nax tórü Cori ya Ngechuchuarü ngechaxü̃gagu yixĩxü̃ nax tüxü̃́ nangẽxmaxü̃ i maxü̃ i taguma guxü̃. Rü ngẽxgumarüxü̃ ta nixĩ naxca̱x i tama Yudíugü ixĩgüxü̃ —ñanagürü ga Pedru.

Romanos 16:20

Rü ngẽxguma ngẽmaãcü mea pemaxẽgu rü nüma ya Tupana ya tüxü̃ taãẽxẽẽcü rü tá pexü̃ naporaexẽxẽ nax aixcüma nüxü̃ perüyexeraxü̃ca̱x i Chataná. Rü chanaxwa̱xe i tórü Cori ya Ngechuchu ya Cristu pemaxã inarüxã̱ũ̱x rü pexü̃ narüngü̃xẽxẽ.

Romanos 3:24

Natürü Tupana rü tamaxã namecüma rü yemaca̱x tüxü̃́ nangetanüãcüma tüxü̃ nimexẽẽgü nax nape̱xewa imexü̃ca̱x. Erü Ngechuchu ya Cristu marü tüxü̃́ nanaxütanü ga tórü pecadugü nax tama ipoxcuexü̃ca̱x.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Romanos 5:10

Rü yexguma norü uanügü ixĩgügu, rü nümatama ga Tupana rü nügümaxã tüxü̃ inarüngü̃xmüexẽxẽ ga yexguma nayu̱xgu ga Nane. Rü ñu̱xma nax marü namaxã irüngüxmüexü̃, rü yexeraãcü nüxü̃ tacua̱x nax tüxü̃́ nangẽxmaxü̃ i maxü̃ i taguma gúxü̃ nagagu nax namaxü̃xü̃ i nüma ya Nane.

Romanos 5:6

Rü yexguma taxucürüwama yigütama imaxẽxẽẽgu, rü nawa nangu nax Tupana yanguxẽẽxü̃ ga yema norü uneta. Rü yexguma nixĩ ga ñoma ga naanewa namuaxü̃ ga Cristu nax pecaduã̱xgüxü̃ca̱x nayuxü̃ca̱x.

Romanos 5:8

Natürü Tupana tüxü̃ nüxü̃ nadauxẽxẽ nax tüxü̃ nangechaü̃xü̃ yerü yexguma ipecaduã̱xgügu nixĩ ga taxca̱x nayuxü̃ ga Cristu.

Romanos 8:2

Erü Tupanaãxẽ ya Üünecü ya Ngechuchu ya Cristugagu tüxü̃ maxẽxẽẽxü̃, rü nüxna tüxü̃ ínanguxü̃xẽxẽ i pecadu nax tama yuwa tüxü̃ nagagüxü̃ca̱x.

2 Corintios 13:14

Rü ñu̱xma rü chanaxwa̱xe i tórü Cori ya Ngechuchu ya Cristu pexü̃ narüngü̃xẽxẽ, rü Tanatü ya Tupana rü pexü̃ nangechaü̃, rü Naãxẽ ya Üünexü̃ rü guxü̃guma pemaxã inarüxã̱ũ̱x.

Efesios 2:1

Rü ü̃pa ga pema rü perü chixexü̃gagu rü perü pecadugagu ñoma peyuexü̃rüxü̃ pixĩgü.

Efesios 2:8

Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

Efesios 5:14

Erü guxü̃ma rü ngẽxguma ngóonexü̃wa nangẽxmagu, rü meama nango̱x nax nañuxraxü̃xü̃. Rü ngẽmaca̱x i Tupanaarü orewa rü ñanagürü: “¡Naba̱i̱xãchi i cuma nax cupexü̃, rü írüda i cumax nax icuyarütaxuxü̃! Rü Cristu tá cuxca̱x nanangóonexẽxẽ”, ñanagürü i ngẽma ore.

Colosenses 2:13

Rü ü̃pa ga pema rü tama pexü̃́ nayexma ga maxü̃ i taguma gúxü̃ yerü pepecaduã̱xgü rü pexenearü ngúchaü̃ i chixexü̃gu pemaxẽ. Natürü i ñu̱xma rü Cristuxü̃ namaxẽẽxü̃rüxü̃ pexü̃ namaxẽxẽxẽ ya Tupana, erü Cristuarü duü̃xü̃gü pixĩgü. Rü Tupana rü marü Cristugagu pexü̃́ nüxü̃ narüngüma ga guxü̃ma ga perü pecadugü.

Popera ga Títoca̱x naxümatüxü̃ ga Pauru 2:11

Tupana rü poraãcüxüchima tamaxã namecüma, rü yemaca̱x núma nanamu ga Nane nax guxü̃ma i duü̃xü̃güaxü̃́ nangẽxmaxü̃ca̱x i maxü̃ i taguma gúxü̃.

Popera ga Títoca̱x naxümatüxü̃ ga Pauru 3:5

Rü woo tama ta̱xacürü mexü̃ nax ixügüxü̃, natürü tüxü̃ namaxẽxẽxẽ yerü nüxü̃́ tangechaü̃tümüü̃gü. Rü Naãxẽ ya Üünexü̃arü poramaxã tüxü̃ namaxẽxẽxẽ, rü tüxü̃́ nanayauxgü i tórü pecadugü, rü tüxna nanaxã i ngexwaca̱xü̃xü̃ i tórü maxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:21

Rü chanaxwa̱xe i tórü Cori ya Ngechuchu ya Cristu poraãcü pexü̃ narüngü̃xẽxẽ i guxãma i pemax. Rü ngẽmaãcü yixĩ.