Efesios 2:3 - Tupanaarü Ore

³ Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Efesios 2:3 Iomraidhean Croise

Naanearü ügüchiga 5:3

Rü nüma ga Adáü̃ rü nüxü̃́ nayexma ga 130 ga taunecü ga yexguma nabuxgu ga nane ga nanaraü̃xü̃chicü. Rü Chéxgu nanaxüéga.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Yox 14:4

Rü taxúema tümamaxã nanguxü̃ nax wüxi i chixexü̃wa tanayaxuxü̃ i ta̱xacü i mexü̃.

Yox 25:4

¿Rü wüxi i duü̃xü̃ rü ñuxãcü tá Tupanape̱xewa nügü nixu nax nangearü pecaduã́xü̃? ¿Rü wüxi i duü̃xü̃ i wüxi ya ngexewa buxü̃ rü ñuxãcü tá nügü nixu nax nataxuxũma i norü chixexü̃?

Wiyaegü 51:5

Rü aixcüma nixĩ nax noxritama chabuxgu rü wüxi i chixexü̃ chixĩxü̃. Rü woetama pecaduwa chayaxĩxĩchi ga chauéanüwa.

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Ore i mexü̃ ga Cuáü̃ ümatüxü̃ 1:13

Rü ñu̱xma rü Tupanaxacügü tixĩgü ya guxema yaxõgüxe. Rü tama ñoma ga naanewa nax tabuexü̃gagu nixĩ nax Tupanaxacügü tixĩgüxü̃ rü tama tümanatügüarü ngúchaü̃gagu nixĩ. Natürü i ñu̱xma rü Tupanaxacügü tixĩgü yerü Naneaxü̃́ tayaxõgü rü yemaca̱x ga Tupana rü naxacügüxü̃ tüxü̃ nixĩgüxẽxẽ.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Ngechuchuarü ngúexü̃gü ga yamugüxü̃arü puracüchiga 14:16

Rü nũxcüma nixĩ ga Tupana ga yáxna namaxã naxĩnüxü̃ ga duü̃xü̃gü ga woo nümagü nanaxwa̱xegüxü̃ naxügügu.

Romanos 1:24

Rü yemaca̱x ga Tupana rü düxwa nüxna nixũgachi ga yema duü̃xü̃gü nax naxügüã̱xü̃ca̱x ga guxü̃ma ga yema chixexü̃ ga nüxü̃́ ngúchaü̃güxü̃ rü nügümaxã nax naxügüã̱xü̃ca̱x ga naxü̃nearü ngúchaü̃gü i ãne tüxna ãxü̃.

Romanos 11:30

Rü pema nax tama Yudíugü pixĩgüxü̃, rü ü̃pa rü tama Tupanaga pexĩnüe. Natürü i ñu̱xma nax tama Tupanaga naxĩnüexü̃ i ngẽma Yudíugü, rü ngẽmaca̱x Tupanaaxü̃́ pengechaü̃tümüxü̃gü erü peyaxõgü i pemax.

Romanos 13:14

Rü name i nacüma pexĩ i tórü Cori ya Ngechuchu ya Cristu. Rü tama name i naxca̱x pedau nax pexenearü ngúchaü̃gu pexĩxü̃.

Romanos 2:14

Dücax, i ngẽma duü̃xü̃gü i tama Yudíugü ixĩgüxü̃. Nümagü rü tama nüxü̃ nacua̱xgü i Tupanaarü mugü. Natürü ngẽxguma nüechamatama naxügümareãgu i ngẽma Tupana tüxü̃ muxü̃, rü tüxü̃ nüxü̃ nadauxẽxẽ nax nüxü̃ nacua̱xgüxü̃ i ta̱xacü nax yixĩxü̃ i mexü̃ rü ta̱xacü nax yixĩxü̃ i chixexü̃, woo tama nüxü̃ nax nacua̱xgüchiréxü̃ i Tupanaarü mugü.

Romanos 5:10

Rü yexguma norü uanügü ixĩgügu, rü nümatama ga Tupana rü nügümaxã tüxü̃ inarüngü̃xmüexẽxẽ ga yexguma nayu̱xgu ga Nane. Rü ñu̱xma nax marü namaxã irüngüxmüexü̃, rü yexeraãcü nüxü̃ tacua̱x nax tüxü̃́ nangẽxmaxü̃ i maxü̃ i taguma gúxü̃ nagagu nax namaxü̃xü̃ i nüma ya Nane.

Romanos 5:9

Rü ñu̱xma rü Tupanape̱xewa time yerü taxca̱x nayu ga Cristu. Rü ngẽmaca̱x meama nüxü̃ tacua̱x nax nüma rü aixcüma tá tüxü̃ ínanguxü̃xẽxẽxü̃ nax tama ipoxcuexü̃ca̱x.

Romanos 6:12

Rü ngẽmaca̱x rü tama name i pecadutüü̃wa pegü pengẽxmagüxẽxẽ nax pemaxã inacuáxü̃ca̱x. Rü tama name i penaxüchica i pecadu nax pexenearü ngúchaü̃gü i chixexü̃ pexü̃ naxüxẽẽxü̃ca̱x.

Romanos 7:18

Rü choma nüxü̃ chacua̱x rü wüxi i pecaduã́xü̃ i duü̃xü̃mare chixĩ, rü ngẽmaca̱x chowa rü nataxuma i ta̱xacü i mexü̃. Rü woo chanaxwa̱xe nax mexü̃ chaxüxü̃, natürü tama chomaxã nanguxü̃ nax chanaxüxü̃.

Romanos 9:22

Rü Tupana rü woo tüxü̃ nanawéxchaü̃ nax naporaxü̃ rü napoxcueãxü̃ i ngẽma chixexü̃ ügüxü̃, natürü poraãcü yáxna namaxã naxĩnü, rü ngẽmaca̱x tama paxa nanapoxcue i ngẽma ímemaregüxü̃ nax napoxcuexü̃.

1 Corintios 4:7

Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Gálatas 3:22

Natürü tama ngẽmaãcü nixĩ. Erü Tupanaarü ore i ümatüxü̃wa nüxü̃ tadau nax guxü̃ma i duü̃xü̃gü rü pecadutüü̃wa nangẽxmagüxü̃. Rü ngẽmaca̱x i ñu̱xma rü yíxema Ngechuchu ya Cristuaxü̃́ yaxõgüxexicatama tixĩ ya nayauxgüxe i ngẽma maxü̃ i aixcüma mexü̃ ya Tupana tamaxã ixunetaxü̃.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

Colosenses 1:21

Rü pema ga ü̃pa rü Tupanana peyaxü̃gugü rü norü uanügü pixĩgü, yerü naxchi pexaie nagagu ga perü chixexü̃gü ga nagu perüxĩnüexü̃ rü nagu pemaxẽxü̃.

1 Tesalonicenses 4:13

Pa Chauenexẽgüx, tanaxwa̱xe nax nüxü̃ pecuáxü̃ i ta̱xacü tá namaxã naxüpetüxü̃ i ngẽma yuexü̃ nax tama pengechaü̃güxü̃ca̱x naxrüxü̃ i ngẽma togü i duü̃xü̃gü i taxuxü̃ma ínangu̱xuxẽẽgüxü̃ nax wena tá namaxẽxü̃ i ngẽma yuexü̃.

1 Tesalonicenses 5:6

Rü ngẽmaca̱x tama name i taechita tamaxẽmare naxrüxü̃ i ngẽma duü̃xü̃gü i tama yaxõgüxü̃. Rü name nixĩ i taxããẽgü, rü mea taãxẽgu tarüxĩnüe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:9

Natürü ngẽma duü̃xü̃gü i diẽruã̱xgüchaü̃xü̃, rü tama yáxna namaxã naxĩnüe i ngẽxguma ngẽma diẽruarü ngúchaü̃ nüxü̃ poragu. Rü ngẽmaca̱x nagu nayi i muxü̃ma i ngúchaü̃gü i taxuwama nüxü̃́ mexü̃ i chixexü̃wa nagagüxü̃. Rü ngẽmaca̱x düxwa i ngẽma duü̃xü̃gü rü poraãcü nachixe rü norü guxü̃maãma inayarütauxe.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Nüxíraxü̃xü̃ ga popera ga Pedru ümatüxü̃ 1:14

Rü ñu̱xma nax Tupanaxacügü pixĩgüxü̃, rü penaxwa̱xe nax naga pexĩnüexü̃. Rü tama name i nagu pexĩ ga yema perü ngúchaü̃ ga ü̃pa nagu pexĩxü̃ ga yexguma tauta Tupanaxü̃ pecua̱xgu.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Nüxíraxü̃xü̃ ga popera ga Cuáü̃ ümatüxü̃ 2:16

Erü guxü̃ma i ngúchaü̃gü i ñoma i naanewa ngẽxmagüxü̃ rü ñoma i naanearütama nixĩ rü tama Tupanaarü nixĩ. Rü ngẽma nixĩ i taxü̃nearü ngúchaü̃gü, rü taxetüarü ngúchaü̃gü, rü diẽrumaxã yigü icua̱xüü̃güxü̃.

Nüxíraxü̃xü̃ ga popera ga Cuáü̃ ümatüxü̃ 2:8

Natürü ñaa Tupanaarü mu i pexca̱x chaxümatüxü̃ rü nangexwacaxü̃. Rü ñaa mu i aixcüma ixĩxü̃ rü Cristuwa nangẽxma rü ngẽxgumarüxü̃ ta pewa nangẽxma. Rü yema ẽanexü̃ ga noxri nawa peyexmagüxü̃ rü narüxochigü rü ñu̱xma rü ngẽma ngóonexü̃ i aixcüma ixĩxü̃wa pengẽxmagü.