Efesios 1:4 - Tupanaarü Ore

^4-5 Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

Efesios 1:4 Iomraidhean Croise

2 Chamué 22:24

Rü nape̱xewa rü taguma ta̱xacürü chixexü̃ chaxü rü nüxna chixũgachi i ngẽma chixexü̃.

Wiyaegü 135:4

Rü nüma rü nüxü̃ naxuneta ga Acóbu ga Iraégu ãégacü nax norü meruxü̃ yixĩxü̃ca̱x.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Lebítanüxü̃arü puracüchiga 20:7

Rü name nixĩ i aixcüma mea cha̱u̱xca̱x pemaxẽxü̃ rü pixüünegüxü̃, erü choma nixĩ i perü Cori ya Tupana.

Ore i mexü̃ ga Matéu ümatüxü̃ 24:22

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana tá nananoxrexẽxẽ i ngẽma ngunexü̃gü tümaca̱x ya yíxema nüma tüxü̃ nadexe.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ngechuchuarü ngúexü̃gü ga yamugüxü̃arü puracüchiga 13:48

Rü yexguma yema orexü̃ naxĩnüegu ga yema duü̃xü̃gü ga tama Yudíugü ixĩgüxü̃, rü nataãẽgü rü ñanagürügü: —Namexẽchi nixĩ i ñaa Cori ya Tupanaarü ore —ñanagürügü. Rü nayaxõgü ga guxü̃ma ga yema duü̃xü̃gü ga Tupana marü nüxü̃ unetaxü̃ nax nayauxgüãxü̃ca̱x i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 15:18

Rü yemaacü nüxü̃ nixu ga nüma ga Cori ya Tupana ga nũxcümama tüxü̃ nüxü̃ cua̱xẽẽcü ga yema” —ñanagürü ga yema ore ga nũxcüma ümatüxü̃.

Ngechuchuarü ngúexü̃gü ga yamugüxü̃arü puracüchiga 18:10

Erü choma rü cuxü̃tagu changẽxma. Rü taxúetama chixexü̃ cumaxã taxü erü daa ĩanewa rü choxü̃́ nangẽxma i muxü̃ma i chorü duü̃xü̃gü —ñanagürü ga Tupana.

Romanos 8:33

¿Rü ñu̱xma rü texé tá Tupanape̱xewa tüxü̃ tixugü nax ichixexü̃? Erü Tupanatama nixĩ ya nügüpe̱xewa tüxü̃ imexẽẽcü.

1 Corintios 1:8

Rü Tupana rü tá pexna nadau ñu̱xmatáta nawa nangu i ngẽma ngunexü̃ i Cristu nagu núma ũxü̃. Rü tá pexü̃ narüngü̃xẽxẽ nax taxúema chixexü̃maxã pexü̃ ixugüxü̃ca̱x i ngẽxguma wenaxarü núma naxũxgu ya tórü Cori ya Ngechuchu ya Cristu.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Efesios 4:2

Rü tama name i pegü íperütagü. Rü name nixĩ i pemecümagü rü yáxna pegümaxã pexĩnüe rü pegü pengechaü̃gü.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Efesios 5:27

Rü yemaacü tüxü̃ nimexẽxẽ nax nügütama tüxü̃ nawéxü̃ca̱x nax aixcüma guxü̃wama imexü̃ rü nax nataxuxü̃ma i ta̱xacü i tórü chixexü̃ rü bai i írarüwa. Rü yemaacü tüxü̃ nade nax ixüünegüxü̃ca̱x rü guxü̃wama nape̱xewa imexü̃ca̱x.

Filipenses 2:15

Rü name i ngẽmaãcü mea pemaxẽ nax taxúema ta̱xacürü chixexü̃xü̃ pewa iyanga̱u̱xü̃ca̱x. Rü penaxwa̱xe i Tupanaxacügü i mea maxẽxü̃ pixĩgü i natanüwa i ngẽma duü̃xü̃gü i chixexü̃ rü chixeãẽgümarexü̃. Rü ngẽxguma ngẽma duü̃xü̃gümaxã nüxü̃ pixugüyane i ngẽma ore i mexü̃ i tüxü̃ maxẽxẽẽxü̃, rü natanüwa rü ñoma woramacurigü ya ẽanexü̃wa ibáixgücürüxü̃ tá pixĩgü. Rü ngẽmaãcü i ngẽxguma wena núma naxũxgu ya Cristu rü choma rü tá chataãxẽ, erü tá nüxü̃ chadau nax tama natüca̱xmamare yixĩxü̃ ga yema puracü ga petanüwa chaxüxü̃.

Colosenses 1:22

Natürü nüma ya Cristu rü yexguma curuchagu nayu̱xgu rü Tupanamaxã pexü̃ inarüngü̃xmüexẽxẽ. Rü yemaacü nanaxü ga Cristu nax nügüxü̃tawa pexü̃ nagagüxü̃ca̱x rü nape̱xewa pimexü̃ca̱x rü nataxuxü̃ca̱x i perü chixexü̃.

Colosenses 2:2

Rü ngẽmaãcü poraãcü chapuracü nax ngẽma duü̃xü̃güaxü̃́ chanangúchaü̃xẽẽxü̃ca̱x. Erü chanaxwa̱xe i guxü̃guma nügü nangechaü̃gü rü nüxü̃́ nangẽxma i ngẽma cua̱x i aixcüma ixĩxü̃ nax ngẽmaãcü meama nüxü̃ nacua̱xgüxü̃ca̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü yimá rü Cristutama nixĩ.

Colosenses 3:12

Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.

1 Tesalonicenses 3:12

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax yexeraãcü pegü pengechaü̃güxü̃ca̱x rü guxü̃ i duü̃xü̃güxü̃ nax pengechaü̃güxü̃ca̱x, ngẽxgumarüxü̃ i toma rü poraãcü pexü̃ nax tangechaü̃güxü̃rüxü̃.

1 Tesalonicenses 4:7

Erü Tupana tüxü̃ nade nax mea imaxẽxü̃ca̱x rü tama chixexü̃ ixügüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.

Norü taxre ga popera ga Timutéuca̱x naxümatüxü̃ ga Pauru 2:10

Rü ngẽmaca̱x yáxna namaxã chaxĩnü i ngẽma ngúxü̃ i chingexü̃ naxca̱x i ngẽma duü̃xü̃gü ya Tupana dexü̃. Erü chanaxwa̱xe i nümagü rü ta Ngechuchu ya Cristuaxü̃́ nayaxõgü, rü ngẽmaãcü nax nayauxgüãxü̃ca̱x i ngẽma maxü̃ i mexü̃ i taguma gúxü̃.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Nüxíraxü̃xü̃ ga popera ga Pedru ümatüxü̃ 1:2

Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Nüxíraxü̃xü̃ ga popera ga Cuáü̃ ümatüxü̃ 4:16

Rü ngẽmaãcü nüxü̃ tacua̱x rü tayaxõgü nax Tupana rü poraãcü tüxü̃ nangechaü̃xü̃. Rü nüma nixĩ i guxãxü̃ nangechaü̃xü̃. Rü yíxema tümaenexẽxü̃ ngechaü̃xe, rü Tupanaarü duü̃xü̃ tixĩ, rü nüma ya Tupana rü tümawa namaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:8

Rü ngẽma ngo̱xo i nüxü̃ cudauxü̃, rü yema nixĩ ga nũxcüma maxü̃xü̃ natürü marü yuxü̃ rü ngẽma ãxmaxü̃ i taxuguma iyacuáxü̃wa ngẽxmaxü̃. Natürü tá ínaxũxũ nawa i ngẽma ãxmaxü̃ naxü̃pa nax ngẽma nachica i guxü̃gutáma nagu napoxcuxü̃wa naxũxü̃. Rü ngẽma ngo̱xomaxã tá naba̱i̱xãchiãẽgü i ngẽma duü̃xü̃gü i ñoma i naanewa maxẽxü̃ i noxritama naane ixügügu tama nawa ngo̱xégagüxü̃ i Tupanaarü popera i nagu naxümatüxü̃ i naéga i ngẽma maxü̃ nüxü̃ ngẽxmagüxü̃. Rü ngẽmaãcü i ngẽma duü̃xü̃gü i tama nawa ngo̱xégagüxü̃ i Tupanaarü popera rü tá naba̱i̱xãchie i ngẽxguma nüxü̃ nada̱u̱xgu i ngẽma ngo̱xo ga nũxcüma maxü̃xü̃ rü marü yuxü̃, natürü wena tá ínguxü̃.