Efesios 1:10 - Tupanaarü Ore

¹⁰ Rü ngẽxguma norü ngunexü̃ nawa nanguxgu i ngẽma Tupana nagu rüxĩnüxü̃, rü tá Cristume̱xẽwa nanangexmaxẽxẽ i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Efesios 1:10 Iomraidhean Croise

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Ore i mexü̃ ga Matéu ümatüxü̃ 25:32

Rü guxü̃ i nachixü̃anecüã̱x i duü̃xü̃gü rü tá nape̱xegu nangutaque̱xegü. Rü nüma rü tá nayadexechi, ñoma wüxi i carnéruarü dauruxü̃ i norü carnérugü rü chíbugü nüxrüguma mugüxü̃rüxü̃.

Ore i mexü̃ ga Márcu ümatüxü̃ 1:15

Rü ñanagürü: —Marü nawa nangu i ngunexü̃ ga Tupana nagu unetaxü̃. Rü marü pexna nangaicama nax perü ãẽ̱xgacü yixĩxü̃. ¡Rü nüxü̃ perüxoe i pecüma i chixexü̃ rü peyaxõgü i norü ore i mexü̃! —ñanagürü.

1 Corintios 10:11

Rü guxü̃ma ga yema nũxcümaü̃güxü̃ ga tórü o̱xigüxü̃ ngupetüxü̃, rü tórü cua̱xruxü̃ nixĩ. Rü naxümatü nax ngẽmawa nüxü̃ icuáxü̃ca̱x nax ñuxãcü Tupana naxwa̱xexü̃ nax imaxẽxü̃ i yixema i ñomaü̃cüü.

1 Corintios 11:3

Natürü chanaxwa̱xe i nüxü̃ pecua̱x nax Cristu rü wüxichigü i yatüeru nax yixĩxü̃, rü nüma ya yatü rü naxma̱xeru nax yixĩxü̃ ngẽxgumarüxü̃ ya Tupana rü Cristueru nax yixĩxü̃.

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

Efesios 1:22

Rü yemaacü ga Tupana rü marü Cristume̱xẽwa nanayexmagüxẽxẽ ga guxü̃ma. Rü yexgumarüxü̃ ta Cristuxü̃ ningucuchixẽxẽ nax guxü̃ma i yaxõgüxü̃eru nax yixĩxü̃ca̱x.

Efesios 2:15

Rü nüma ya Cristu rü nayacua̱xẽxẽ ga yema nũxcümaü̃güxü̃ ga mugü ga noxri natüü̃wa tayexmagüxü̃. Rü nümatama rü wüxitama i duü̃xü̃gü i ngexwaca̱xü̃xü̃ tüxü̃ nixĩgüxẽxẽ i toma i Yudíugü nax tixĩgüxü̃ rü pema i tama Yudíugü nax pixĩgüxü̃. Rü yemaacü yigümaxã tüxü̃ inarüngü̃xmü̃exẽxẽ.

Efesios 3:15

Rü nüma nixĩ i Tanatü yixĩxü̃ i guxãma i yixema nax norü duü̃xü̃gü ixĩgüxü̃ i ñoma i naanewa rü daxũguxü̃ i naanewa ngẽxmagüxü̃.

Efesios 3:2

Rü pemax, rü marü nüxü̃ pecuáchiga nax Tupana rü choxü̃ nangechaü̃xü̃ca̱x choxü̃ namuxü̃ nax pemaxã nüxü̃ chixuxü̃ca̱x ga norü ore i mexü̃.

Colosenses 1:16

Rü nüma ga Tupana rü wüxigu Nanemaxã nanango̱xẽxẽ ga guxü̃ma i daxũguxü̃ i naanewa rü ñoma i naanewa ngẽxmagüxü̃, rü guxü̃ma i ngẽma nüxü̃ idauxü̃ rü ngẽma tama nüxü̃ idauxü̃. Rü yemaacü nanaxü ga guxü̃ma ga naãẽgü rü norü ãẽ̱xgacügü i poraexü̃ i tama nüxü̃ idauxü̃. Rü yemaacü Nanemaxã rü Naneca̱x nanaxü ga guxü̃ma.

Colosenses 1:20

Rü Tupana rü ñoma ga naanewa nanamu ga Cristu nax curuchagu nayuxü̃ca̱x rü nagü inabaxẽãxü̃ca̱x. Rü gumá nagümaxã nixĩ ga Tupana ga nügümaxã inangüxmüexẽẽãxü̃ ga guxü̃ma i ñoma i naanewa ngẽxmaxü̃ rü guxü̃ma i daxũguxü̃ i naanewa ngẽxmaxü̃.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Popera ga Yudíugü ga yaxõgüxü̃ca̱x ümatüxü̃ 1:2

Natürü i ñomaü̃cüxü ya Tupana rü Nanewatama nixĩ i tamaxã yadexaxü̃. Rü Nanemaxã nixĩ ga naxüaxü̃ ga ñoma ga naane rü daxũguxü̃ ga naane rü üa̱xcü rü tauemacü rü woramacurigü. Rü ñu̱xũchi gumá Nanena nanana ga guxü̃ma ga yema nax noxrü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:40

Rü yemaacü namaxã nangupetü ga yema duü̃xü̃gü, yerü ga Tupana rü tagu narüxĩnü rü tama nanaxwa̱xe nax yema nũxcümaü̃güxü̃ ga duü̃xü̃güxíra nüxica yamexẽẽgüãxü̃, natürü nanaxwa̱xe nax tamaxã wüxigu yamexẽẽgüãxü̃. Rü yemaacü ga Tupana rü taxca̱x nanamexẽxẽ ga wüxi ga ngü̃xẽxẽ ga yexera rümemaexü̃.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.