Echequié 4:4 - Tupanaarü Ore

⁴ ¡Rü curü to̱xwecüwamaxã ínaca nax ngẽmaãcü cuyangéxü̃ca̱x i ngẽma Iraéanecüã̱xgüarü chixexü̃gü! Rü ngẽxguma curü to̱xwecüwamaxã icucaxgu rü cugüétü tá cuyange i norü chixexü̃gü i ngẽma Iraéanecüã̱xgü.

Echequié 4:4 Iomraidhean Croise

Echequié 4:5

Rü 390 i ngunexü̃ tá nixĩ i curü to̱xwecüwamaxã icucaxü̃. Rü ngẽma 390 i ngunexü̃ i nagu ngẽxma cucaxü̃ rü nachiga nixĩ ga guma 390 ga taunecü ga Iraéanecüã̱xgü pecadu nagu ügücü.

Echequié 4:8

Rü dücax, cuxü̃ tá naxpanaxãmaxã china̱i̱x nax ngẽmaãcü tama nu ne cunaxũxü̃ca̱x, ñu̱xmatáta yangu i ngẽma ngunexü̃ i nagu tá ngúxü̃ quingexü̃.

Lebítanüxü̃arü puracüchiga 10:17

—¿Tü̱xcüü̃ tama wüxi i nachica i üünexü̃wa penangõ̱x i ngẽma chíbu i pecaduarü ütanüca̱x imáxü̃? Erü ngẽma rü wüxi i ãmare i poraãcü üünexü̃ nixĩ. Rü nüma ya Cori ya Tupana rü marü pexna nanaxã i ngẽma chíbu nax namaxã peyanaxoxẽẽxü̃ca̱x i ngẽma Iraétanüxü̃arü chixexü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü.

Lebítanüxü̃arü puracüchiga 16:22

Rü ngẽma chianexü̃gu tá inayarütaxu i ngẽma chíbu namaxã i guxü̃ma i Iraétanüxü̃arü chixexü̃gü.

Iraétanüxü̃arü muxchiga 14:34

Rü pemax rü 40 ga ngunexü̃ pinge nax penangugügüxü̃ i ngẽma nachixü̃ane. Rü ngẽmaca̱x rü 40 ya taunecü tá nixĩ i ñaa chianexü̃gu ipexĩĩxü̃ nax ngẽmaãcü peyangutanüxẽẽxü̃ca̱x i perü poxcu. Rü ngẽma 40 i ngunexü̃ca̱x rü 40 ya taunecü tá nixĩ. Rü ngẽmawa tá nixĩ i nüxü̃ picua̱xãchitanü nax ta̱xacü tüxü̃ nangupetüxü̃ ya yíxema tama chauga ĩnüxe.

Iraétanüxü̃arü muxchiga 18:1

Cori ya Tupana rü Aróü̃xü̃ ñanagürü: —Cuma rü cunegü rü wüxigu namaxã i ngẽma togü i Lebítanüxü̃ tá nixĩ i choxna naxca̱x pecaxü̃ nax nüxü̃́ nüxü̃ icharüngümaxü̃ca̱x i ngẽma Iraétanüxü̃arü chixexü̃gü i chope̱xewa naxügüxü̃. Natürü ngẽma chixexü̃ i cuma rü cunegü chope̱xewa pexügüxü̃, rü pemax i chacherdótegü tátama nixĩ i chauxü̃tawa naxca̱x ípecaxü̃ nax pexü̃́ nüxü̃ icharüngümaxü̃ca̱x i ngẽma chixexü̃gü i chope̱xewa pexügüxü̃.

Ore i mexü̃ ga Matéu ümatüxü̃ 8:17

Rü yemaacü Ngechuchu nayanguxẽxẽ ga yema ore ga nũxcümaü̃cü ga Tupanaarü orearü uruxü̃ ga Ichaía nüxü̃ ixuxü̃ ga ñaxü̃: “Nüma rü tüxü̃ naporaexẽxẽ i ngẽxguma ituraegu, rü tüxü̃ narümeexẽxẽ i ngẽxguma ida̱xaweegu”, ñaxü̃.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.