Echequié 26:3 - Tupanaarü Ore

³ Rü ngẽmaca̱x i choma ya Iraétanüxü̃arü Cori ya Tupana rü ñacharügü: “Pa Ĩane ya Tírux, choma rü tá cumaxã charüxuanü. Rü muxü̃tama i nachixü̃anegü rü tá cumaxã narüxuanügü. Rü ñoma már arü yuapegürüxü̃ tá cuxca̱x ínayaxüãchi.

Echequié 26:3 Iomraidhean Croise

Wiyaegü 107:25

Rü nüma ga Cori ya Tupana rü nanamu nax inaxüxü̃ca̱x ga buanecü rü yexguma rü tacü ga yuape inaxǘ.

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Yeremía 25:22

Rü yema copuwa chayaxaxexẽẽgü ga guxü̃ma ga Tíruanearü ãẽ̱xgacügü rü Chidóü̃anearü ãẽ̱xgacügü, rü norü ãẽ̱xgacügü ga yema nachixü̃anegü ga Már Mediteráneuwa ügüxü̃ ga Dedáü̃tanüxü̃, rü Temátanüxü̃, rü Búxtanüxü̃, rü ñu̱xũchi guxü̃ma ga yema duü̃xü̃gü ga nügü ibáixpü̱xüerugüxü̃.

Yeremía 50:31

Rü nüma ya Cori ya Tupana ya Guxãétüwa Ngẽxmacü rü ñanagürü: —Pema nax pegü íperüporaexü̃ nax chomaxã penuexü̃, rü choma rü marü pemaxã charüxuanü. Rü marü nawa nangu i ngunexü̃ rü ora nax pexü̃ chapoxcuexü̃.

Yeremía 50:42

Rü würagümaxã rü wocaegümaxã naxãxne. Rü nidürae rü taxúema nüxü̃́ tangechaxü̃tümüü̃gü. Rü ngẽxguma aita naxüegu rü ñoma már arü yuapegügarüxü̃ nixĩ nax natagaxü̃. Rü cowarugüétügu naxĩ. Rü ínamemaregü nax Babiróniacüã̱xmaxã nügü nada̱i̱xü̃.

Yeremía 51:42

Rü Babiróniaanearü uanügü rü ñoma már arü yuaperüxü̃ guxü̃wama Babiróniaanegu nachocu, rü norü churaragümaxã nanapa i ngẽma nachixü̃ane.

Yeremía 6:23

Nümagü rü würamaxã, rü wocaemaxã nixãxne, rü taxúexü̃ma nangechaxü̃gü, rü taxúexü̃ma nüxü̃́ tangechaxü̃tümüü̃gü. Rü ngẽxguma yacaetanügu rü ñoma már arü yuaperüxü̃ nixĩ nax natagaxü̃. Rü nümagü rü cowaruétügu naxĩ. Rü marü ínamegümare nax Chióü̃cüã̱xgümaxã nügü nada̱i̱xü̃ca̱x —ñanagürü.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.

Echequié 26:19

Rü choma ya Cori ya Tupana rü ñachagürü cuxü̃: “Pa Ĩane ya Tírux, choma rü ñoma wüxi ya ĩane ya nagu pogüne tá cuxü̃ chixĩxẽxẽ. Rü ñoma ĩanegü ya taxúema nawa maxẽnerüxü̃ tá quixĩ. Rü choma rü tá már arü dexágu cuxü̃ changuxẽxẽ.

Echequié 27:26

Rü yema cuxü̃ ixũxẽẽgüxü̃ rü már arü ngãxü̃tüwa cumaxã naxãgü. Natürü gumá taxüchicü ga buanecü ga éstewaama ne ũcü rü yexma cugu napogü.

Echequié 28:22

¡Rü namaxã nüxü̃ ixu i ñaa ore rü ñacurügü! “Cori ya Tupana rü ñanagürü cuxü̃: ‘Pa Chidóü̃, choma rü cumaxã nüxü̃ chixu nax curü uanü chixĩxü̃. Rü ngẽxguma cuxü̃ chapoxcugu rü cuwa ichanawe̱xgu i chorü pora, rü ngẽma duü̃xü̃gü rü tá choxü̃ nicua̱xüü̃gü rü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana

Echequié 29:10

Rü ngẽmaca̱x i chomax, rü cumaxã nüxü̃ chixu nax curü uanü chixĩxü̃ rü ngẽma curü taxtüarü uanü chixĩxü̃. Rü guxü̃ma i Equítuane rü tá ãũcümaxü̃ i chianexü̃xü̃ chayaxĩxẽxẽ. Rü Midóxwa tá inaxügü rü ñu̱xmatáta Achuáü̃wa nangu rü Etiopíaanearü üyeanewa nangu rü tá nachianemare.

Echequié 38:3

¡Rü namaxã nüxü̃ ixu i ñaa ore: —Cori ya Tupana rü ñanagürü cuxü̃: “Pa Góx, Pa Ãẽ̱xgacü ya Guxü̃ma ya Mécheanemaxã rü Tubáxanemaxã Icuácüx, choma rü cumaxã charüxuanü!

Echequié 5:8

Rü ngẽmaca̱x i choma ya Cori ya Tupana rü nüxü̃ chixu rü ñachagürü: ‘Choma rü tá ta pemaxã chanu, Pa Yerucharéü̃cüã̱xgüx, rü tá pexü̃ chapoxcue nape̱xewa i ngẽma togü i nachixü̃anecüã̱xgü.

Miquéa 4:11

Ñu̱xma rü marü muxü̃ i nachixü̃anecüã̱xgü cuxca̱x nügü nanutaque̱xegü rü ñanagürügü: —Rü tá tataãxẽgü i ngẽxguma nüxü̃ idaugügu nax guxchaxü̃gu nanguxü̃ i Yerucharéü̃ —ñanagürügü.

Naúü̃ 2:12

¿Rü ñu̱xma rü ngexü̃ yixĩxü̃ i ngẽma perü pora ga noxri namaxã perü uanügüxü̃ pedaixü̃, ñoma leóü̃ naeü̃xü̃ imáxü̃rüxü̃? Rü pema rü pegü peyanu ga norü yemaxü̃gü ga yema duü̃xü̃gü ga peda̱i̱xü̃ ñoma leóü̃ naxma̱xmaxã rü naxacügümaxã nügü yanuxü̃rüxü̃ i ngẽma naeü̃machi. Rü pema rü peyapaxẽxẽ ya pepatagü namaxã ga yema yemaxü̃gü ga perü uanügüna pepuxü̃xü̃ ñoma leóü̃ rü ngẽma naeü̃machi i nüxü̃́ íyaxüxü̃maxã naxma̱xü̃ yapaxẽẽxü̃rüxü̃.

Naúü̃ 3:5

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü cuchiwegu tá cuxü̃ changenagüpa̱x nax nangóxü̃ca̱x i curü chixexü̃ rü ngẽma togü i nachixü̃anegü nüxü̃ dauxü̃ca̱x i ngẽma ãne i chixexü̃ i cuwa ngẽxmaxü̃.

Chacaría 14:2

¡Rü dücax! Pa Yerucharéü̃cüã̱xgüx, rü ngẽma ngunexü̃gu rü nüma ya Cori ya Tupana rü tá guxü̃ i nachixü̃anecüã̱xgüxü̃ nangutaque̱xexẽxẽ nax pemaxã nügü nada̱i̱xü̃ca̱x. Rü nagu tá nachocu ya yima perü ĩane, rü wüxichigü ya ĩpatagü rü tá nanadeãcu. Rü ngea̱xgü rü tá tüxü̃ ínayauxü̃ rü tá tümamaxã namaxẽ. Rü ngãxü̃ i petanüxü̃ rü tá nayagagü. Rü ngẽma norü to i ngãxü̃xica tá ngéma nayaxügü.

Chacaría 9:4

Natürü guxü̃ma i ngẽma nanutaque̱xegüxü̃ rü Cori ya Tupana rü tá nüxna nanade. Rü márwa tá nanawoü̃ i guxü̃ma i norü ngẽmaxü̃gü rü ñu̱xũchi tá nayagu ya norü ĩane.

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.