Echequié 2:3 - Tupanaarü Ore

³ Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Echequié 2:3 Iomraidhean Croise

Norü taxre ga popera ga ãẽ̱xgacügüchiga 17:14

Natürü woo Tupana rü norü orearü uruü̃güwa nayaxucu̱xẽgü, natürü ga nüma ga Iraéanecüã̱xgü rü tama inaxĩnüechaü̃ naxrüxü̃ ga norü o̱xigü ga tama aixcüma Cori ya Tupanaaxü̃́ yaxõgüxü̃.

Norü taxre ga popera ga ãẽ̱xgacügüchiga 17:15

Rü yemaacü ga yema duü̃xü̃gü rü nüxü̃ naxoe ga Tupanaarü mugü rü yema uneta ga nũxcüma norü o̱xigümaxã Tupana nüxü̃ ixuxü̃. Rü tama naga naxĩnüe ga Tupanaarü ucu̱xẽgü. Rü woo Tupana nüxna nachu̱xuxü̃, natürü nügügutama nayanachixexẽẽgü yerü naxca̱x nadauxü̃taegüama nax naxchicüna̱xãgü i taxuwama mexü̃xü̃ nax yacua̱xüü̃güxü̃ naxrüxü̃ ga yema togü ga nachixü̃anecüã̱xgü ga norü üyeanecüwawa yexmagüxü̃ ga tama Tupanaaxü̃́ yaxõgüxü̃.

Édra 9:7

Rü nũxcümacürüwa ga torü o̱xigü rü chixexü̃gu namaxẽx rü ñomaxü̃cüxü i toma rü ta nagu ítamaxẽ. Rü ngẽma torü chixexü̃gagu rü toma rü torü ãẽ̱xgacügü rü torü chacherdótegü rü naxme̱xgu tayi i ngẽma to i nachixü̃anecüã̱xgüarü ãẽ̱xgacügü i tama cuxü̃́ yaxõgüxü̃. Rü nümagü rü toxü̃ ínayauxü̃ rü toxca̱x nangĩ̱xgü rü duü̃xü̃güpe̱xewa toxü̃ nacugüe. Rü ngẽmatama nixĩ i ñu̱xma toxü̃ ngupetüxü̃.

Neemía 9:26

Natürü naétüwa ga guxü̃ma ga yema naxca̱x cuxüxü̃ rü tama cuga naxĩnüechaü̃, rü cumaxã nanueama, rü tama naga naxĩnüe ga curü mugü. Rü nanadai ga yema curü orearü ngeruü̃gü ga naxucu̱xẽgüxü̃ nax cuxca̱x nawoeguxü̃ca̱x. Rü yemaacü poraãcü chixexü̃ cupe̱xewa naxügü.

Wiyaegü 106:28

Rü yema tórü o̱xigü rü tupananeta ga Baá-peúme̱xẽwa nügü nayexmagüxẽxẽ. Rü nanangõ̱xgü ga õna ga yema norü tupananetachicüna̱xãgü i ngearü maxü̃ã́xü̃ca̱x nada̱i̱xü̃.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Yeremía 1:7

Natürü nüma ga Cori ya Tupana rü choxü̃ ñanagürü: —¡Taxṹ i nüxü̃ quixuxü̃ nax cungextü̱xüxü̃! Rü chanaxwa̱xe i cuxü̃ íchamuxü̃wa nax cuxũxü̃. Rü tá nüxü̃ quixu i ngẽma choma cuxü̃ chamuxü̃ nax nüxü̃ quixuxü̃.

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.

Yeremía 36:2

—¡Ẽcü nayaxu i wüxi i popera i dixpütaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü ga yema ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü ñu̱xmata nawa nangu i ngẽma ore i ñu̱xma cumaxã nüxü̃ chixuxü̃!

Yeremía 44:20

Rü yexguma nüma ga Yeremía rü nanangãxü̃ ga guxü̃ma ga yema iyatüxü̃ rü yema ngexü̃gü ga yemaacü nangaxü̃güxü̃. Rü ñanagürü:

Yeremía 44:21

—¿Ẽ̱xna pema nagu perüxĩnüegu rü nüma ya Cori ya Tupana tama nüxü̃ nacuáx, rüe̱xna nüxü̃ yanangümaxü̃ ga yema pemax, rü perü o̱xigü, rü perü ãẽ̱xgacügü, rü norü ngü̃xẽẽruü̃gü, rü guxü̃ma ga yema duü̃xü̃gü ügüxü̃ ga yexguma yema tupananetagüca̱x pumarate̱xe pigugügu nawa ga Yudáanearü ĩanegü, rü Yerucharéü̃arü namagüwa?

Yeremía 7:2

—¡Ngẽxma chopata ya taxü̃nearü ĩã̱xgu nachi rü ngéma duü̃xü̃gümaxã nüxü̃ ixu i ñaa ore! “Pa Duü̃xü̃gü i Yudátanüxü̃ i Ñaa ĩã̱xwa Ichocuxü̃ nax Corixü̃ Peyarücua̱xüü̃güxü̃ca̱x, rü dücax, rü iperüxĩnüe i norü ore ya Iraétanüxü̃arü Cori ya Tupana ya Guxü̃étüwa Ngẽxmacü! Rü nüma rü ñanagürü: ‘¡Penamexẽxẽ i perü maxü̃ rü nüxü̃ perüxoe i pecüma i chixexü̃ i chope̱xewa pexügüxü̃! Rü ngẽxguma i choma rü tá nawa pexü̃ chamaxẽxẽxẽ i ñaa naane rü taxũtáma pexü̃ íchawoxü̃.

Echequié 24:3

¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Amúx 7:15

Natürü ya Cori ya Tupana rü choxna nanayaxu nax carnérugüarü dauruxü̃ chixĩxü̃. Rü ñanagürü choxü̃: “¡Ngéma naxũ rü chauégagu chorü duü̃xü̃gü i Iraéanecüã̱xgümaxã nüxü̃ yarüxu i chorü ore!” ñanagürü.

Maraquía 3:7

Pema rü chorü mugüna pixĩgachitanü, yema nũxcümaü̃xü̃ ga perü o̱xigü choxna ixĩgachixü̃rüxü̃. Rü tama naga pexĩnüechaü̃ i ngẽma chorü mugü. Rü ñu̱xma i chomax i Cori ya Tupana ya Guxãétüwa Ngẽxmaxe rü ñachagürü pexü̃: “¡Cha̱u̱xca̱x pewoegu! Rü choma rü tá pexca̱x chataegu”, ñachagürü. Natürü i pemax rü ñaperügügü: “¿Ta̱xacüca̱x chi i cuxca̱x tawoeguxü̃?” ñaperügügü.

Iraétanüxü̃arü muxchiga 20:10

Rü ñu̱xũchi ga Moiché rü Aróü̃ rü gumá nutape̱xegu nanangutaque̱xexẽxẽ ga duü̃xü̃gü. Rü Moiché rü ñanagürü nüxü̃: —¡Iperüxĩnüe, Pa Duü̃xü̃gü i Nue Wa̱xexü̃! ¿Penaxwa̱xe nax daa nutawa dexá pexca̱x tango̱xẽxẽxü̃ nax nawa pexaxegüxü̃ca̱x? —ñanagürü.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Romanos 10:15

¿Rü ñuxãcü tá texé nüxü̃ tixu i Cristuchiga ega taxúema tüxü̃ nüxü̃ yarüxuxẽẽgu? Rü ngẽmaca̱x nixĩ i Tupanaarü ore i ümatüxü̃ i ñaxü̃: “Wüxi i taãxẽ nixĩ nax ínangugüxü̃ i ngẽma Tupanaarü orearü uruü̃gü nax duü̃xü̃gümaxã nüxü̃ yanaxugüxü̃ i ngẽma ore i mexü̃ i Cristuchiga”, ñaxü̃.

Wenaxarü naxümatü ga Tupanaarü mugü 9:24

Rü yexguma noxritama petanüwa chayexmagucürüwa i pemax rü tama Cori ya Tupanaga pexĩnüechaü̃.

Wenaxarü naxümatü ga Tupanaarü mugü 9:27

¡Rü nüxna nacua̱xãchi ya yimá curü duü̃ ga Abraáü̃, rü Ichaá, rü Acóbu! ¡Rü taxṹ i nagu curüxĩnüxü̃ i norü chixexü̃gü rü guxchagü i cupe̱xewa naxügüxü̃ i ñaa duü̃xü̃gü i tama cuga ĩnüechaü̃xü̃! ¡Rü nüxü̃́ nüxü̃ irüngüma i norü chixexü̃ i cupe̱xewa naxügüxü̃!