Echequié 10:3 - Tupanaarü Ore

³ Rü yexguma yexma naxücugu ga yema yatü rü yema querubíü̃gü rü guma Tupanapata ga taxü̃nearü súrwaama nayexmagü. Rü wüxi ga caixanexü̃maxã nayapa ga yema Tupanapataã̱xtü ga aixepewaama yexmaxü̃.

Echequié 10:3 Iomraidhean Croise

Echequié 43:4

Rü Cori ya Tupanaarü üüne rü napataarü ĩã̱x ga éstewa yexmaxü̃wa nixücu.

Echequié 9:3

Rü Tupanaarü üüne rü nüxna nayachü̱xüxãchi ga yema taxre ga ixãxpe̱xatüxü̃ ga noxri norü ngãxü̃wa nayexmaxü̃, rü Tupanapata ga taxü̃nearü ĩã̱xwaama naxĩ. Rü nüma ga Cori ya Tupana rü naxca̱x naca ga yema yatü ga línuchimaxã ãxchiruxü̃ ga norü goyexü̃gu ümatüruxü̃ ingexü̃.

Echequié 8:16

Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.

Naanearü ügüchiga 3:24

Rü yexguma ínata̱xüchiã̱xguwena rü Edéü̃maü̃gu nanamugü ga ñuxre ga daxũcüã̱x ga ixãxpe̱xatüxü̃, rü yexma nanaxǘ ta ga wüxi ga naxne ga tara ga iya̱u̱xracüüxü̃ ga yéma idixegucüüxü̃ ga guxü̃cüwagu yawe̱xemaãchixü̃ nax taxúema nawa nguxü̃ca̱x ga yema nanetü ga maxü̃ nawa yexmaxü̃.

Echequié 8:3

Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Echequié 46:1

Rü choma ya Cori ya Tupana rü nüxü̃ chixu rü ñachagürü: —Rü ngẽma ĩã̱x i chopataarü ĩã̱xtü i aixepewa ngẽxmaxü̃ i éstewaama, rü name nax nawãxtaxü̃ i ngẽma 6 i ngunexü̃gü i nagu penaxügüxü̃ i perü puracü. Natürü tá peyawãxna i ngẽma ĩã̱x ngẽxguma ngü̃xchigaarü ngunexü̃wa nanguxgu rü ñu̱xũchi ngẽxguma ngexwacaxü̃cü ya tauemacü ngo̱xgu.

Ínachoxü̃xü̃chiga 25:18

Rü ngẽma baúátaü̃ i úirunaxca̱xarü wüxipe̱xewachigü tá cunapoxochi i taxre i dauxü̃cüã̱xchicüna̱xãgü i ixãxpe̱xatüxü̃.