Danié 9:5 - Tupanaarü Ore

⁵ Rü toma rü poraãcü pecadu cupe̱xewa taxüe rü chixexü̃ taxüe. Rü tamaxẽmare rü tama cugu tarüxĩnüe. Rü nüxü̃ tarüxoe i curü mugü rü curü ucu̱xẽgü.

Danié 9:5 Iomraidhean Croise

Norü taxre ga popera ga ãẽ̱xgacügüchiga 18:12

Rü yema nangupetü yerü yema Iraéanecüã̱xgü rü tama Cori ya norü Tupanaga naxĩnüe rü nüxü̃ naxoe ga yema uneta ga norü o̱xigümaxã nüxü̃ yaxuxü̃. Rü tama naga naxĩnüe ga guxü̃ma ga yema mugü ga Cori ya Tupanaarü duü̃ ga Moiché nüxü̃ ixuxü̃ rü ñu̱xũchi tama yema mugügu namaxẽ.

Norü taxre ga popera ga ãẽ̱xgacügüchiga 21:15

Erü ngẽma chope̱xewa naxügüxü̃ i chorü duü̃xü̃gü rü nachixe. Rü choxü̃ nanuxẽẽgü ga yexguma norü o̱xigü Equítuanewa íchoxü̃gucürüwa rü ñu̱xmata ñoma i ngunexü̃wa nangu” —ñanagürü ga Tupana.

Édra 9:6

Rü ñachagürü nüxü̃: —Pa Chorü Tupanax, Pa Chorü Tupanax, rü poraãcü chaxãnexü̃chi i cupe̱xewa. Rü tama nüxü̃ chacua̱x nax ta̱xacü chaxüxü̃ rü ñuxãcü cumaxã chidexaxü̃. Erü ngẽma torü chixexü̃ rü marü nangupetüxüchiama rü ngẽma torü pecadugü rü marü ñoma i naane namaxã nanapá.

Wiyaegü 106:6

Rü toma rü cupe̱xewa poraãcü chixexü̃ taxü torü o̱xigürüü̃tama. Rü nüxna ítachocu i curü mugü nax tóxrütama ngúchaü̃ i chixexü̃gu tamaxẽxü̃ca̱x.

Wiyaegü 119:102

Natürü tama nüxna chixũgachi i ngẽma curü mugü erü cuma nixĩ i choxü̃ cuxucu̱xẽxü̃.

Wiyaegü 119:176

Choma rü ñoma wüxi i carnéru i rütaxuxü̃rüxü̃ chixĩ. ¡Rü nua naxũ nax cha̱u̱xca̱x cuyadauxü̃ca̱x, erü tama nüxü̃ charüngüma i curü mugü!

Wiyaegü 18:21

Yerü choma rü nagu chixũ i ngẽma Cori naxwa̱xexü̃. Rü taguma chixexü̃ chaxü rü taguma nüxü̃ chaxo ya Tupana.

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Ichaía 64:4

Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.

Yeremía 14:20

Rü nüxü̃ tacua̱x, Pa Corix, nax poraãcü chixexü̃ taxüxü̃, naxrüxü̃ ga yema nũxcümaü̃güxü̃ ga torü o̱xigü. Rü cupe̱xewa nixĩ i chixexü̃ taxügüxü̃.

Yeremía 14:7

Rü nüma ga Yeremía rü Cori ya Tupanaxü̃ ñanagürü: —¡Pa Corix, nüxü̃ tacua̱x nax cupe̱xewa poraãcü chixexü̃ taxüxü̃, natürü tanaxwa̱xe nax toxü̃ curüngü̃xẽẽxü̃ nax ngẽmaãcü i duü̃xü̃gü cuxü̃ natachigaxẽẽxü̃ca̱x. Rü muẽ̱xpü̱xcüna tama cuga taxĩnüe rü poraãcü cupe̱xewa chixexü̃ taxü.

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.

Yeremía 30:14

Rü yema nachixü̃anegü ga nüxü̃́ peyaxõgüxü̃ nax pexü̃ ínapoxü̃xü̃ca̱x rü pexü̃ inarüngü̃mae. Erü choma nixĩ i pexü̃ chapoxcuexü̃ ñoma wüxi i perü uanürüxü̃. Rü poraãcü pexü̃ chapoxcue nagagu ga yema muxũchixü̃ ga perü chixexü̃gü rü yema pecadugü ga taxucürüwa texé ixugüxü̃.

Yeremía 44:3

Rü yemaacü nüxü̃ nangupetü ga yema duü̃xü̃gü nagagu ga norü chixexü̃gü. Nümagü rü choxü̃ nanuxẽẽgü yerü nüxü̃ nicua̱xüü̃gü ga yema tupananetagü rü pumarate̱xe naxca̱x ínagu ga yema tupananetagü ga noxri taguma nüxü̃ nacua̱xgüxü̃ rü woo norü o̱xigü rü ta taguma nüxü̃ cua̱xgüxü̃.

Auxexü̃chiga 1:18

Rü daa ĩanecüã̱x rü ñanagürügü: “Nüma ya Cori ya Tupana ya ixaixcümacü rü ñu̱xma rü tagagu tüxü̃ napoxcue yerü chixexü̃ taxügü rü tama naga taxĩnüechaü̃ ga norü mugü. ¡Rü dücax, Pa Guxü̃ma i Nachixü̃anegücüã̱x, rü toxü̃́ iperüxĩnüe rü nüxü̃ pedau nax poraãcü ngúxü̃ tingegüxü̃! Rü torü ngextü̱xücügü rü torü pacügü rü yáxü̃guxü̃ i nachixü̃anewa nanagagü.

Auxexü̃chiga 1:20

Rü dücax, Pa Corix, i ñuxãcü ngẽma guxchaxü̃gü rü poraãcü ngúxü̃ toxü̃ ningexẽẽgü rü ngẽmaca̱x poraãcü taxoegaãẽgü. Rü ngẽxguma nagu tarüxĩnüegu nax ñuxãcü tama cuga taxĩnüexü̃, rü poraãcü tanaxĩ̱xãchiãẽgü. Rü torü ĩanearü poxeguxü̃arü düxétüwa rü taramaxã tonegüxü̃ nadai. Rü nua ĩanearü aixepewa rü taiyamaxã rü da̱xaweanemaxã tayue.

Auxexü̃chiga 3:42

Pa Corix, toma rü chixexü̃ taxü rü tama cuga taxĩnüe. Rü ngẽma rü cuma rü tama cunangupetüxẽẽmare.

Echequié 5:6

Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Danié 9:15

Natürü ga cumax, Pa Cori Pa Torü Tupanax, rü nũxcüma icunawe̱x ga yema taxü̃ ga curü pora ga yexguma Equítuanewa ícunguxü̃xẽẽgu ga curü duü̃xü̃gü. Rü yemaacü cugü cutachigaxẽxẽ ñu̱xmata ñoma i ngunexü̃wa nangu. Natürü ga toma rü poraãcü cupe̱xewa chixexü̃ taxü.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Ochéa 1:2

Rü ñaa nixĩ ga yema nüxíraxü̃xü̃ ga ore ga Cori ya Tupana Ochéamaxã nüxü̃ ixuxü̃. Rü ñanagürü nüxü̃: —Ngẽma Iraéanecüã̱x rü ñoma wüxi i ngexü̃ i natena ngeãẽxü̃rüxü̃ choxna nixĩgachi. Rü cumax, Pa Ochéax, rü wüxi i cua̱xruxü̃ tá quixĩ naxca̱x i ngẽma duü̃xü̃gü. ¡Rü ngẽmaca̱x i ñu̱xma rü wüxi i nge i naxü̃nemaxã taxexü̃maxã naxãxma̱x rü ngĩwa naxãxacü! Rü ngẽmaãcü i ngẽma cuxacügü rü wüxi i nge i ngeãẽcüxacügü tá nixĩgü —ñanagürü.

Maraquía 3:7

Pema rü chorü mugüna pixĩgachitanü, yema nũxcümaü̃xü̃ ga perü o̱xigü choxna ixĩgachixü̃rüxü̃. Rü tama naga pexĩnüechaü̃ i ngẽma chorü mugü. Rü ñu̱xma i chomax i Cori ya Tupana ya Guxãétüwa Ngẽxmaxe rü ñachagürü pexü̃: “¡Cha̱u̱xca̱x pewoegu! Rü choma rü tá pexca̱x chataegu”, ñachagürü. Natürü i pemax rü ñaperügügü: “¿Ta̱xacüca̱x chi i cuxca̱x tawoeguxü̃?” ñaperügügü.

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.