Danié 9:12 - Tupanaarü Ore

¹² Rü yema nax toxca̱x núma cunamuxü̃ ga yema taxü̃ ga guxchaxü̃ rü yemamaxã cuyanguxẽxẽ ga yema poxcu ga tomaxã rü torü ãẽ̱xgacügümaxã cuxueguxü̃. Rü yema poxcu ga Yerucharéü̃na cunguxẽẽxü̃, rü taguma yemaacü cunapoxcu ga to ga ĩane.

Danié 9:12 Iomraidhean Croise

Nüxíraxü̃xü̃ ga popera ga ãẽ̱xgacügüchiga 3:9

Rü ngẽmaca̱x chanaxwa̱xe i choxna cunaxã i cua̱x nax ngẽmaãcü mea namaxã ichacuáxü̃ca̱x i curü duü̃xü̃gü rü nüxü̃ chacuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃. ¿Erü texé tüxü̃́ natauxcha nax namaxã itacuáxü̃ i ñaa curü duü̃xü̃gü i muxũchixü̃? —ñanagürü ga Charomóü̃.

Yox 12:17

Rü ngẽma nüxü̃ cua̱xüchigüxü̃ rü Tupana nüxna nanayaxu i ngẽma norü cua̱x. Rü ñu̱xũchi ngẽma guxchaxü̃arü mexẽẽruü̃gü rü Tupana nanatoãẽgü nax tama naãẽxü̃ yacuáxü̃ca̱x.

Wiyaegü 148:11

¡Rü guxü̃ma i ãẽ̱xgacügü i wüxichigü i nachixü̃anemaxã icuáxü̃, rü guxü̃ma i norü ngü̃xẽẽruü̃gü i ãẽ̱xgacügü, rü guxü̃ma i norü duü̃xü̃gümaxã rü Tupanaxü̃ picua̱xüxü̃gü!

Wiyaegü 2:10

Rü ngẽmaca̱x i pemax, Pa Nachixü̃anegüarü Ãẽ̱xgacügüx, rü pemax Pa Ãẽ̱xgacügü i Ñoma i Naanewa Duü̃xü̃gümaxã Ipecua̱xgüxü̃x ¡rü iperüxĩnüe i ñaa ucu̱xẽ rü naga pexĩnüe i ñaa pemaxã nüxü̃ chixuxü̃!

Ucu̱xẽgüchiga 8:16

Rü ngẽma ãẽ̱xgacügü rü chaugagu nixĩ i norü duü̃xü̃gümaxã inacua̱xgüxü̃ rü naxümatügüãxü̃ i norü mugü i poxcuchiga ixĩxü̃.

Ichaía 43:28

Rü ngẽma perü ãẽ̱xgacügü rü chixexü̃ nawa naxügü ga chopata ya taxü̃ne. Rü yemaca̱x nixĩ ga nüxna chixũgachixü̃ ga Acóbuarü duü̃xü̃gü ga Iraétanüxü̃ nax norü uanügü nada̱i̱xü̃ca̱x rü chixexü̃ namaxã yaxugüexü̃ca̱x —ñanagürü ya Tupana.

Ichaía 44:26

Natürü ngẽma chorü duü̃xü̃güarü ore rü choma rü chayanguxẽxẽ. Rü yimá chorü orearü uruü̃gü rü nüxü̃ charüngü̃xẽẽxü̃ nax mea nüxü̃́ ínanguxuchigüxü̃ i ngẽma nagu naxĩnüexü̃. Rü choma rü nüxü̃ chixu rü wena tá nimu i duü̃xü̃gü ya ĩane ya Yerucharéü̃wa. Rü yima ĩanegü ya Yudáanearü naanewa ngẽxmagüne rü tá wena nimexẽẽgü. Rü tá nüxü̃ charüngü̃xẽxẽxü̃ nax wena ínadaxẽẽgüãxü̃ca̱x ya yima norü ĩanegü.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Yeremía 32:23

Natürü yexguma torü o̱xigü ñaa naanewa ngugügu rü nayauxgüãgu, rü tama cuga naxĩnüe rü tama nagu naxĩ ga yema ucu̱xẽgü ga namaxã nüxü̃ quixuxü̃. Rü taxuxü̃ma naxügü ga yema namaxã nüxü̃ quixuxü̃. Rü ngẽmagagu toxca̱x ícunangu̱xẽxẽ i guxü̃ma i ngẽma guxchaxü̃gü i ñu̱xma nawa tangexmagüxü̃.

Yeremía 39:16

—Ngẽma Etiopíaanecüã̱x i Ébe-mérexü̃tawa naxũ rü ñanagürü nüxü̃: “Nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá chayanguxẽxẽ ga yema poxcu ga daa ĩanemaxã chaxueguxü̃. Rü choma rü tá íchananguxẽxẽ i guxchaxü̃gü rü tama taãxẽ. Rü cuma rü tá nüxü̃ cudau i ngẽma tá chaxüxü̃

Yeremía 44:23

Rü ngẽma guxchaxü̃ i ñu̱xma nawa pengẽxmagüxü̃ rü marü pexca̱x ínangu nagagu nax yema tupananetagüca̱x pumarate̱xe pegugüxü̃. Rü yemaacü Cori ya Tupanape̱xewa poraãcü chixexü̃ pexü yerü tama naga pexĩnüe ga norü ucu̱xẽgü rü norü mugü, rü tama peyangu̱xẽxẽ ga yema pemaxã nüxü̃ yaxuxü̃ —ñanagürü.

Auxexü̃chiga 1:12

¡Pema nax namagu pexĩxü̃, rü peyachiãchitanü nax mea nagu perüxĩnüexü̃ca̱x i ñaa ngúxü̃ i chingexü̃! ¿Tü̱xcüü̃ petaãẽgü nax choxü̃ pidauxü̃ nax ngúxü̃ chingexü̃? ¿Rü ta̱xacürü to ga ĩane nixĩ ga chauxrüxü̃ Cori ya Tupana ngúxü̃ nüxü̃ ingexẽxẽxü̃ yema choxü̃ yangexẽxẽxü̃rüxü̃ ga yexguma chomaxã nanuxgu?

Auxexü̃chiga 2:13

¿Rü ta̱xacügu tá cuxü̃ changu rüe̱xna ta̱xacümaxã yixĩxü̃ i cuwüxiguxü̃, Pa Mexẽchine ya Ĩane ya Yerucharéü̃x? ¿Rü ta̱xacürü cua̱xruxü̃ tá cuxü̃ chawe̱x nax cuxü̃ chataãẽxẽẽxü̃ca̱x, Pa Ĩane ya Mexẽchine ya Chióü̃x? Rü yema chixexü̃ ga cuxü̃ ngupetüxü̃ rü nataxüchi ñoma már i taxüchixü̃rüxü̃. ¿Rü texé tá cuxca̱x tayataanexẽxẽ nawa i ngẽma ngúxü̃ i quingexü̃?

Auxexü̃chiga 2:17

Rü nüma ga Cori ya Tupana rü marü nayanguxẽxẽ ga yema nagu naxĩnüxü̃. Rü marü nayanguxẽxẽ ga yema norü ore ga nüxü̃ yaxuxü̃. Rü marü tama nüxü̃́ nangechaü̃tümüxü̃ãcüma nagu napogü ga guma ĩane ga Yerucharéü̃. Rü nüma rü curü uanügüaxü̃́ nanatauxchaxẽxẽ nax cuxü̃ nacugüexü̃. Rü nanaporaexẽxẽ nax cumaxã inacuáxü̃ca̱x.

Auxexü̃chiga 4:6

Rü ngẽma chixexü̃ i naxüxü̃ ya chorü ĩane ya Yerucharéü̃ rü Chodómaarü pecaduxü̃ narüyexeramae. Rü guma Chodóma rü Cori ya Tupana rü noxtacüma nayagu taxúema texé naxca̱x íyagoãchiãcü.

Echequié 13:6

Rü ngẽma norü ngo̱xetügü rü doramare nixĩ. Rü ngẽma nüxü̃ yaxugüxü̃ i tá ngupetüxü̃ rü doramare nixĩ. Rü nüxü̃ nixugüe nax choma namaxã nüxü̃ chixuxü̃ i ore natürü tama choma nixĩ i chayadexaxẽẽxü̃. Rü nümagü rü ínanangu̱xẽxẽ nax yanguxü̃ca̱x i ngẽma ore i nüxü̃ yaxugüxü̃.

Echequié 5:9

Rü poraãcü tá pexü̃ chapoxcue erü poraãcü nachixexüchi i ngẽma pexüxü̃. Rü ngẽma poxcu i ñu̱xma tá pexca̱x íchanguxẽẽxü̃ rü yema poxcu ga ü̃pama namaxã pexü̃ chapoxcuxü̃arü yexera tá nixĩ. Rü ngẽmawena rü nataxutama i nangexgumaraxü̃xü̃ i poxcu.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Amúx 3:2

Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.

Chacaría 1:6

Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Chacaría 1:8

Rü wüxi ga chütaxü̃gu rü chango̱xetü rü nüxü̃ chadau ga wüxi ga duü̃xü̃ ga dauxü̃cüã̱x ga cowaru ga dauxü̃étügu aunagüxü̃. Rü wüxi ga ngatewa yexmaxü̃ ga naixtanüpechitawa nayachaxãchi, norü cowarumaxã. Rü yemaweama nayexmagü ga wüxitücumü ga cowaru ga idauxü̃, rü to ga idáuxraxü̃ rü to ga icómüxü̃.

Chacaría 7:12

Rü ñoma nuta i diamánterüxü̃ nügü nataiarü maxü̃neã̱xgü nax tama naga naxĩnüexü̃ca̱x ga yema Tupanaarü ucu̱xẽ rü norü mugü ga Tupana ya Guxãétüwa Ngẽxmacü Naãxẽ ya Üünecüwa rü nũxcümaü̃güxü̃ ga norü orearü uruü̃gümaxã nüxü̃ ixuxü̃. Rü yemaca̱x ga Cori ya Tupana rü düxwa poraãcü namaxã nanu.

Ore i mexü̃ ga Matéu ümatüxü̃ 24:21

Erü ngẽma ngunexü̃gügu rü poraãcü tá nangẽxma i ngúxü̃ ga noxri naane ixügügumama taguma yexmaxü̃, rü ngẽmawena rü tagutáma wena nangẽxma.

Ore i mexü̃ ga Matéu ümatüxü̃ 5:18

Rü aixcüma pemaxã nüxü̃ chixu, rü ñu̱xma nax nangẽxmagüxü̃ i daxũguxü̃ i naane rü ñoma i naane rü bai i írarüwa tá naxüchicüxü i ngẽma mugü ñu̱xmatáta yangu i guxü̃ma i ngẽma mugü nüxü̃ ixuxü̃.

Ore i mexü̃ ga Márcu ümatüxü̃ 13:19

Erü ngẽma ngunexü̃gügu rü poraãcü tá nangẽxma i ngúxü̃ ga noxri Tupana naane ixügügumama taguma yexmaxü̃, rü ngẽmawena rü tagutáma nangẽxma.

Ore i mexü̃ ga Luca ümatüxü̃ 21:22

Erü ngẽma ngunexü̃gügu tá ínangu i Tupanaarü poxcu. Rü ngẽmaãcü tá nayanguxẽxẽ i guxü̃ma i ngẽma norü ore i ümatüxü̃wa nüxü̃ yaxuxü̃.

Romanos 15:8

Rü pemaxã nüxü̃ chixu rü Cristu núma naxũ nax Yudíugüxü̃ yanangü̃xẽẽxü̃ca̱x, nax yemaacü yanguxẽẽãxü̃ca̱x ga yema unetagü ga nũxcümaü̃güxü̃ ga tórü o̱xigümaxã nüxü̃ yaxuxü̃ ga Tupana. Rü yemaacü ga Cristu rü tüxü̃ nüxü̃ nadauxẽxẽ nax aixcümacü nax yixĩxü̃ ya Tupana rü aixcüma yangu̱xẽẽãxü̃ i ngẽma norü uneta.