Danié 8:2 - Tupanaarü Ore

² Rü yema chaunegüwa rü Chúchaarü ĩanewa chayexma ga Eráü̃anewa ga natü ga Uráipechinüwa.

Danié 8:2 Iomraidhean Croise

Naanearü ügüchiga 10:22

Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.

Naanearü ügüchiga 14:1

Rü yexguma Mamrégu naxãchiü̃gu ga Abráü̃, rü Amrapé rü ĩane ga Chináxarü ãẽ̱xgacü nixĩ, rü Arióx rü ĩane ga Eracháxarü ãẽ̱xgacü nixĩ, rü Queduraúme rü ĩane ga Eráü̃arü ãẽ̱xgacü nixĩ, rü Tidáx rü ĩane ga Goíü̃arü ãẽ̱xgacü nixĩ.

Neemía 1:1

Rü ñaa nixĩ i chauchiga i choma i Neemía ya Acaría nane nax chixĩxü̃. Rü yexguma 20 ga taunecü ãẽ̱xgacü yixĩxgu ga Artayére rü meama Quiréuarü tauemacügu, rü choma ga Neemía rü ĩane ga Chúchawa chayexma.

Ester 1:2

Rü guma ãẽ̱xgacüpata rü ĩane ga Chúchawa nixĩ ga nayexmaxü̃.

Ester 2:8

Rü yexguma naxunagügu ga ãẽ̱xgacüarü mu ga pacü ngĩxü̃ nax nanutaque̱xegüxü̃chiga, rü mucüma ga pacü ngĩxü̃ nanutaque̱xegü nagu ga ãẽ̱xgacüpata ga Chúchawa yexmagüne. Rü pacügüarü dauruxü̃ ga Egáime̱xẽwa iyexmagü. Rü yema pacügütanüwa ta iyexma ga Ité.

Ester 3:15

Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Ester 9:11

Rü yexguma ãẽ̱xgacü ga Achuéru nüxü̃ cua̱xgu nax 500 ga Yudíugüarü uanügü nayuexü̃ ga ĩane ga Chúchawa, rü yematama ga ngunexü̃gu rü naxma̱x ga Itémaxã nüxü̃ nixu rü ñanagürü: —Yudíugü rü daa ĩane ya Chúchagu nanadai i 500 i norü uanügü. Rü ngẽxgumarüxü̃ ta nanadai i 10 i Amáü̃ nanegü. Rü ngẽmaétüwa tama nüxü̃ tacua̱x nax ñuxre nada̱i̱xü̃ i ngẽma togü i naanegü i choma namaxã ichacuáxü̃wa. ¿Rü ñu̱xma ta̱xacü i to i cunaxwa̱xexü̃ nax cuxca̱x chanaxüxü̃? ¡Rü choxna naxca̱x naca i ngẽma cuma cunaxwa̱xexü̃ rü choma tá cuxna chanaxã! —ñanagürü.

Ester 9:15

Rü yema Yudíugü ga Chúchawa maxẽxü̃ rü meama norü 14 ga ngunexü̃gu ga Adáarü tauemacügu rü wenaxarü naxĩtaque̱xe rü yexguma nanadai ga to ga 300 ga norü uanügü, natürü tama nanade ga norü yemaxü̃gü.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 21:2

Rü naxãũcümaxü̃chi nixĩ i ngẽma Cori ya Tupana choxü̃ wéxü̃. Rü ngẽma taechitawa̱xexü̃ rü nanaxü i ngẽma nagu naxĩnüxü̃. Rü ngẽma máxwa̱xexü̃ rü nayama̱x. ¡Pa Eráü̃cüã̱x, rü Pa Médiacüã̱x, paxa ipexĩãchi nax Babiróniaanearü ĩaneca̱x ípeyaxüãchixü̃! Rü choma rü tá chayacua̱xẽxẽ nax Babirónia ngúxü̃ nüxü̃ ingexẽẽgüxü̃ ya naigü ya ĩanegü.

Yeremía 25:25

Rü guma bínuwa chayaxaxexẽẽgü ga guxü̃ma ga Zimríanearü ãẽ̱xgacügü, rü Eráü̃anearü ãẽ̱xgacügü, rü Médiaanearü ãẽ̱xgacügü.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Echequié 32:24

Rü ngéma naxmaxü̃wa nangẽxma i Eláü̃ namaxã i guxü̃ma i norü churaragü i nacüwagu ta̱xgüxü̃. Rü guxü̃ma i nümagü i tama Tupanaaxü̃́ yaxõgüxü̃ rü daigu nayue rü nata̱xgü. Rü yexguma namaxẽgu rü poraãcü nanamuü̃xẽxẽ i duü̃xü̃gü natürü i ñu̱xma rü ngexü̃rüüxü̃mare i duü̃xü̃gürüxü̃ naxmaxü̃güwa nangẽxmagü.

Danié 10:4

Rü wüxi ga ngunexü̃ meama gumá taunecüarü nüxíraxü̃ ga tauemacüarü 24 ga ngunexü̃gu, rü taxtü ga Tígricutüwa chayexma.

Danié 7:15

Rü choma i Danié rü poraãcü muü̃ choxna nangu. Rü poraãcü chaxoegaãxẽ naxca̱x ga guxü̃ma ga yema nüxü̃ chadauxü̃.

Danié 7:2

—Chaunegüwa nüxü̃ chadau ga buanecügü ga súrwa rü nórtewa rü éstewa rü oéstewa ne ĩcü rü poraãcü nayuapexẽẽcü ga már ga taxü̃.

Danié 8:1

Rü yexguma marü tomaepü̱x ga taunecü Babiróniawa ãẽ̱xgacü yaxĩxgu ga Berchachá rü choma ga Danié rü wenaxarü chaxãnegü.

Danié 8:3

Rü yexguma yáxü̃gu chadawenü rü nüxü̃ chadau ga wüxi ga carnéru ga yema natüpechinügu rüxã́ũxü̃. Yema carnéru rü nataxrechata̱xcure rü guma naxchata̱xcure rü nima̱x. Natürü wüxi ga naxchata̱xcure rü narüma̱xmae. Rü yema rüma̱xmaexü̃ nixĩ ga wixwena rügoxü̃.

Iraétanüxü̃arü muxchiga 12:6

Rü nüma ga Cori ya Tupana rü ñanagürü: —¡Choxü̃ iperüxĩnüe i ñaa pemaxã tá nüxü̃ chixuxü̃! Rü ngẽxguma petanüwa nangẽxmagu i wüxi i chorü orearü uruxü̃, rü choma nixĩ i chanango̱xetüxẽẽxü̃ rü nanegüwa namaxã chidexaxü̃.

Popera ga Yudíugü ga yaxõgüxü̃ca̱x ümatüxü̃ 1:1

Nũxcüma ga Tupana rü mue̱xpü̱xcüna rü naguxü̃raü̃xü̃ãcüma norü orearü uruü̃güwa tórü o̱xigümaxã nidexa.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:17

Rü yemaacü nixĩ ga nüxü̃ chadauxü̃ ga yema cowarugü ga yexguma chango̱xetügu. Rü yema churaragü ga yema cowaruétügu ĩxü̃ rü nüxü̃́ nayexma ga norü nga̱xcuxü̃nexü̃ ga poxü̃ruxü̃ ixĩxü̃ ga ñoma üxüxetürüxü̃ iyauraxü̃. Rü yema poxü̃ruxü̃ rü nixãmatü rü nidaumatü rü niya̱u̱xmatü rü nidexmatü. Rü yema cowaruerugü rü ñoma leóü̃erurüxü̃ nixĩgü. Rü naã̱xgüwa ínaxũxũ ga üxüema rü caxixü̃ rü achúfre.