Danié 7:4 - Tupanaarü Ore

⁴ Rü yema nüxíraxü̃xü̃ ga ngo̱xo rü nanaleóü̃raxü̃, natürü nanaxĩyüpe̱xatüraxü̃. Rü yexguma nüxü̃ íchadawenüyane rü nanatúxü̃pe̱xatü. Rü waixü̃müanewa ínanadaxẽẽgü. Rü guma naweama yexmagüne ga naparamaxã inanachixẽẽgü ñoma wüxi i yatü ichixü̃rüxü̃. Rü guma norü maxü̃ne rü naxüchicüxü rü duü̃xẽarü maxü̃ne nüxna naxãgü.

Danié 7:4 Iomraidhean Croise

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

Yox 25:6

Rü yexera i wüxi i duü̃xü̃ rü Tupanape̱xewa rü taxuxü̃ma i mexü̃ nawa nangẽxma. Rü ñoma wüxi i õxmi i taxuwama mexü̃rüxü̃ nixĩ —ñanagürü ga Biridá.

Wiyaegü 9:20

Pa Corix ¡namuü̃exẽxẽ i ngẽma tama cuxü̃ cua̱xgüxü̃! ¡Rü nüxü̃ nüxü̃ nacua̱xẽxẽ nax nümagü rü duü̃xü̃gümare yixĩgüxü̃!

Yeremía 25:38

Nüma ya Cori ya Tupana rü ñoma wüxi i leóü̃ i nuãcü naxmaü̃wa ixũxũxü̃rüxü̃ nixĩ. Rü yima nachixü̃ane rü wüxi i chianexü̃xü̃ nixĩ, erü Cori ya Tupana rü poraãcü nanu rü yemaca̱x dai naxca̱x ínanguxẽxẽ.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Yeremía 48:40

Rü nüma ya Cori ya Tupana rü ñanagürü: —Ngẽma Moáanearü uanügü rü naxca̱x ínayaxüãchi ñoma wüxi i ĩyü rü naeü̃ca̱x nagoxü̃rüxü̃.

Yeremía 49:19

Rü ngürüãchi tá ngéma changu ñoma wüxi i leóü̃ i natü i Yudáü̃arü naixnecüwa igoxochixü̃ nax maxẽnecüwa naeü̃na yuxuxü̃rüxü̃. Rü ngẽxgumarüxü̃ tá namaxã chanaxü i Edóü̃anecüã̱xgü, rü nachixü̃anewa tá chayabuxmüxẽxẽ. Rü ngéma tá nüxü̃ chaxuneta i ngẽma ãẽ̱xgacü i choma chanaxwa̱xexü̃ nax ngẽma naanemaxã inacuáxü̃ca̱x. ¿Rü texé chomaxã tawüxigu? ¿Rü texé tá chomaxã tügü tadaixchaü̃? ¿Rü ta̱xacürü dauruxü̃ tá chope̱xewa nügü ínapoxü̃?

Auxexü̃chiga 4:19

Rü torü uanügü i towe ingẽxü̃tanüxü̃ rü ĩyürüxü̃ niporaxüchi. Rü máxpü̱xanexü̃wa towe ningẽxü̃tanü rü chianexü̃wa yütagü toxca̱x ninuagü.

Echequié 17:3

¡Rü Iraétanüxü̃maxã nüxü̃ ixu i ñaa chorü ore i ñaxü̃! “Wüxi ga ĩyü ga taxüchixü̃ rü Líbanunecüwa nangu. Rü guma naxpe̱xatügü rü nitaxüchi rü nanaguxü̃raü̃ ga namatüpe̱xatü. Rü inayacawe ga wüxi ga ocayiwaarü doxchacaxü̃. Rü ñu̱xũchi wüxi ga nachixü̃ane ga taxetanüxü̃ nagu ãpatagüxü̃gu nayato, nagu ga wüxi ga ĩane ga taxetanüxü̃ nawa muxü̃.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Echequié 28:9

Rü ngẽxguma ngẽma tá cuxü̃ yama̱xgüxü̃pe̱xegüwa cungexmagu rü marü taxũtáma cugügu curüxĩnügu rü wüxi i tupana quixĩ. Rü ngẽxguma ngẽma tá cuxü̃ ima̱xgüme̱xẽxü̃wa cungexmagu rü tá nüxü̃ quicua̱xãchi nax wüxi i duü̃xü̃mare quixĩxü̃ rü tama wüxi i tupana.

Danié 2:38

Rü ngẽmaca̱x i ñu̱xma rü guxü̃ma i duü̃xü̃gümaxã rü naeü̃gümaxã rü werigümaxã icucua̱x. Erü nüma ya Tupana rü cuxme̱xwa nanangexmagüxẽxẽ. Rü cuchiga nixĩ, Pa Ãẽ̱xgacüx, i ngẽma naxchicüna̱xãeru i úirunaxca̱x.

Danié 4:36

Rü yexgumatama chauãẽxü̃ chicua̱xãchi rü wenaxarü Tupana choxü̃ narüngü̃xẽxẽ rü chauchicaca̱xtama choxü̃ nataeguxẽxẽ nax ãẽ̱xgacü chixĩxü̃. Rü duü̃xü̃gü rü chomaxã nataãẽgü, rü noxrirüü̃tama namaxã ichacua̱x rü chapora. Rü yema chorü ucu̱xẽruü̃gü rü chorü ngü̃xẽẽruü̃gü rü cha̱u̱xca̱x nayadaugü nax wenaxarü chauchixü̃anearü ãẽ̱xgacüxü̃ choxü̃ yangucuchixẽẽgüxü̃ca̱x. Rü noxriarü yexera pora choxü̃́ nayexma.

Danié 7:12

Rü yema togü ga tomaepü̱x ga ngo̱xogü rü nüxna nanayaxu ga norü pora. Natürü nanamaxẽxẽxẽ ñu̱xmata nawa nangu ga norü ora ga nagu tá nayuexü̃.

Danié 7:5

Rü yema norü taxre ga ngo̱xo rü nanaxósoraxü̃, natürü yema norü wüxicüwawa rü narümáchanemae. Yema rü naã̱xwa rü nüxü̃ naxüxü̃ ga tomaepü̱x ga naga. Rü ñu̱xũchi nüxü̃ chaxĩnü ga wüxi ga ore ga nüxü̃ ñaxü̃: “¡Ngéma naxũ rü yangõ̱xcu i guxü̃ma i namachi i cuxü̃́ tauxchaxü̃ nax cunangṍxü̃!” ñaxü̃.

Ore i mexü̃ ga Matéu ümatüxü̃ 24:28

Rü duü̃xü̃gü rü tá cha̱u̱xca̱x nangutaque̱xegü ñoma ẽxchagü nawemüca̱x ngutaque̱xexü̃rüxü̃.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:2

Rü yema ngo̱xo ga nüxü̃ chadauxü̃, rü ñoma airüxü̃ nixĩ. Rü naxme̱xgü rü chatüme̱xẽrüxü̃ nixĩgü. Rü naã̱x rü wüxi ga leóü̃a̱xrüxü̃ nixĩ. Rü yema coya ga Chataná rü yema ngo̱xoxü̃ naporaxẽxẽ nax naxrüxü̃ naporaxü̃ca̱x rü naxrüxü̃ taxü̃ ga ãẽ̱xgacü yixĩxü̃ca̱x.