Danié 7:16 - Tupanaarü Ore

¹⁶ Rü naxca̱x chixũ ga wüxi ga yexma chíxü̃ rü nüxna chaca nax chomaxã nüxü̃ yaxuxü̃ca̱x nax ta̱xacüchiga yixĩxü̃ ga guxü̃ma ga yema nüxü̃ chadauxü̃. Rü nüma rü nanayaxu nax chomaxã nüxü̃ yaxuxü̃ca̱x, rü ñanagürü choxü̃:

Danié 7:16 Iomraidhean Croise

Danié 7:17

Ngẽma ãgümücü i ngo̱xogü, rü ngẽmagü nixĩ i ngẽma ãgümücü i ãẽ̱xgacügü i ñoma i naanemaxã tá icua̱xgüxü̃.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Danié 9:22

Rü ñanagürü choxü̃: —Pa Daniéx, nua chaxũ i ñu̱xmax nax cuxü̃ nuxü̃ chayacua̱xẽẽxü̃ca̱x ga yema Tupana cuxü̃ wéxü̃.

Chacaría 1:19

Rü nüxna chaca ga yema Tupanaarü duü̃xü̃ ga daxũcüã̱x ga chomaxã idexaxü̃ rü ñacharügü: —¿Ñaa naxchata̱xcuregü rü ta̱xacüchiga nixĩ? —ñacharügü. Rü yexguma nüma ga yema Tupanaarü duü̃xü̃ ga daxũcüã̱x rü choxü̃ nangãxü̃ rü ñanagürü: —Ñaa naxchata̱xcuregü rü nachiga nixĩ i ngẽma togü i nachixü̃anecüã̱xgü i norü poramaxã guxü̃ i naanegu Yudáanecüã̱xgüxü̃ rü Iraéanecüã̱xgüxü̃ rü Yerucharéü̃cüã̱xgüxü̃ woonexü̃ —ñanagürü.

Chacaría 2:3

Rü yexguma choxna yaxũgachigu ga yema orearü ngeruxü̃ i daxũcüã̱x ga chomaxã idexaxü̃ rü naxca̱x nixũ ga wüxi ga to ga orearü ngeruxü̃ i daxũcüã̱x.

Chacaría 3:7

—Cori ya Tupana ya Guxãétüwa Ngẽxmacü rü ñanagürü cuxü̃: “¡Chaucümagu ixũ rü yanguxẽxẽ i guxü̃ma i ngẽma cumaxã nüxü̃ chixuxü̃! Rü ngẽxguma ngẽmaãcü cunaxü̱xgu, rü cuxme̱xgu tá chanaxǘ ya chopata ya taxü̃ne rü naa̱xtü nax nüxna cudauxü̃ca̱x. Rü tá cuxna chanaxã i cuchica i natanüwa i ñaa chorü duü̃xü̃gü i daxũcüã̱x i choxü̃́ puracüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.