Danié 7:1 - Tupanaarü Ore

¹ Rü wüxi ga chütaxü̃ ga yexguma marü wüxi ga taunecü Babiróniaanewa ãẽ̱xgacü yixĩxgu ga Berchachá, rü Danié rü naxãnegü rü nango̱xetü. Rü yexguma naba̱i̱xãchigu rü nanaxümatü ga yema nagu naxãnegüxü̃. Rü ñaa nixĩ ga yema naxümatüxü̃:

Danié 7:1 Iomraidhean Croise

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Naanearü ügüchiga 46:2

Rü yema chütaxü̃gu rü Cori ya Tupana rü Acóbuxü̃ nango̱xetüxẽxẽ, rü namaxã nidexa rü ñanagürü: —Pa Acóbux, Pa Acóbux —ñanagürü. Rü nüma ga Acóbu rü nanangãxü̃, rü ñanagürü: —Daxe chixĩ, Pa Corix —ñanagürü.

Yox 4:13

Rü ngewa̱x chütacü ega ngẽxguma guxü̃ma i duü̃xü̃gü peegu rü chixexü̃gu chaxãnegü rü chaturaxü̃ne.

Ichaía 30:8

Rü yexguma ya Cori ya Tupana rü Ichaíaxü̃ ñanagürü: —¡Nua naxũ rü duü̃xü̃güpe̱xewa wüxi i mürapewatachinügu naxümatü i ñaa dexagü nax ngéma nangẽxmaechaxü̃ca̱x rü guxü̃guma ngẽmawa duü̃xü̃gü nüxna nacua̱xãchiexü̃ca̱x i ngẽma nüxü̃ chixuxü̃! —ñanagürü.

Ichaía 8:1

Nüma ya Cori ya Tupana chomaxã nüxü̃ nixu rü ñanagürü: —¡Nayaxu i wüxi i mürapewa i tatachinüxü̃ rü ngẽmagu naxümatü i ñaa naéga: “Maxe-chara-axbáx!” ¡Rü mea naxümatü namaxã ya namatü ya taxü̃ne rü ngóxü̃ne nax guxü̃ma i duü̃xü̃gü nüxü̃ dauxü̃ca̱x!

Yeremía 23:28

Rü ngẽxguma wüxi i orearü uruxü̃ rü naxãnegügu, rü name nax nüxü̃ yaxuxü̃ nax wüxi i nanegü yixĩxü̃. Natürü ngẽxguma nayauxãgu i chorü ore rü name i aixcüma mea nüxü̃ nixu rü tama ínayatoxẽxẽ. Rü ngẽma naxchawena̱xã i trigu rü taxuacüma ngẽma trigumaxã nügügu tanangugü. Rü ngẽma chorü ore rü ñoma üxürüxü̃ nixĩ. Rü ñoma wüxi i martíyu i nutapüta ipuxẽẽxü̃rüxü̃ nixĩ. Rü choma ya Cori ya Tupana nixĩ i ngẽma ñachaxü̃.

Yeremía 27:7

Rü guxü̃ma i nachixü̃anegü rü naxme̱xwa tá nangẽxma, rü nanegüme̱xẽwa rü nataagüme̱xẽwa tá nangẽxmagü ñu̱xmatáta nawa nangu i ngẽma ngunexü̃ i nüma i Babiróniacüã̱x rü tá ta to i taxü̃ i nachixü̃anegüarü ãẽ̱xgacügü i nüxü̃ rüporamaexü̃me̱xẽwa nangẽxmagü.

Yeremía 36:32

Rü yexguma ga Yeremía rü to ga popera nayaxu. Rü Nería nane ga Barúxü̃ namu nax yemagu naxümatüaxü̃ca̱x ga yema ore ga nüxíraxü̃xü̃ ga popera ga ãẽ̱xgacü ga Yoaquíü̃ íguxü̃gu ümatüxü̃. Rü yema nüxíra naxümatüxü̃xü̃ narüma̱xmae, yerü muxü̃ma ga togü ga ore nanucu nawa ga yema popera.

Yeremía 36:4

Rü nüma ga Yeremía rü Nería nane ga Barúxca̱x nangema rü gumamaxã nüxü̃ nixuchigü ga Tupanaarü ore nax naxümatüaxü̃ca̱x.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Danié 1:17

Rü yema ãgümücü ga ngextü̱xüxü̃gü, rü Tupana rü cua̱x nüxna naxã nax nüxü̃ nacua̱xgüxü̃ca̱x ga naguxü̃raü̃xü̃ ga cua̱x ga poperagu ümatüxü̃. Rü nüma ga Tupana rü naétü Daniéxü̃ narüngü̃xẽxẽ nax nüxü̃ nacuáxü̃ca̱x nax ta̱xacüchiga yixĩxü̃ ega texé ngo̱xetügu rüe̱xna ãnegügu.

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Danié 2:26

Rü yexguma ga nüma ga ãẽ̱xgacü rü Danié ga Betachámaxã naxugüãcüxü̃ ñanagürü: —¿Cuxü̃́ natauxchaxü̃ nax chomaxã nüxü̃ quixuxü̃ ga yema nagu chaxãnegüxü̃ rü ta̱xacüchiga yixĩxü̃ ga yema chaunegü? —ñanagürü.

Danié 4:13

Rü ngürüãchi nüxü̃ chadau ga wüxi ga dauxü̃cüã̱x ga dauxü̃taeruxü̃ ixĩxü̃ ga dauxü̃guxü̃ ga naanewa írüxĩxü̃.

Danié 4:5

Natürü wüxi ga chütaxü̃gu ga yexguma marü chapexgu rü chaxãnegü. Rü namaxã chaba̱i̱xãchi ga yema nagu chaxãnegüxü̃ yerü yema chaunegüwa nüxü̃ chadauxü̃ rü naxãũcümaxü̃chi, rü yemaca̱x poraãcü chamuü̃.

Danié 5:1

Nüma ga Berchachá ga nüxí Babiróniaanearü ãẽ̱xgacü ixĩcü, rü nüxna naxu ga 1,000 ga ãẽ̱xgacügü ga yema nachixü̃anecüã̱xgü naxca̱x ga wüxi ga õna ga taxü̃. Rü yema chibüwa rü nüma ga ãẽ̱xgacü rü yema nüxna naxuxü̃ rü poraãcü bínu nayaxaxgü.

Danié 5:22

Rü cumax, Pa Berchachá nax nachicüxü quingucuchixü̃ ga cunatü ga Nabucudonochó, rü nüxü̃ cucua̱x ga yema nüxü̃ ngupetüxü̃. Natürü cuma rü ta narüü̃tama cugü quicua̱xüxü̃.

Danié 5:30

Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.

Danié 7:13

Choma rü yexguma chütacü chingo̱xetüchigü rü nüxü̃ chadau ga wüxi ga naduü̃xü̃raxü̃xü̃ ga caixanexü̃wa ne ũxü̃ rü Ãẽ̱xgacü ya Guxü̃guma Maxü̃cü íyexmaxü̃waama ũxü̃. Rü ñu̱xũchi guma Ãẽ̱xgacüxü̃tawa nanagagü.

Danié 7:15

Rü choma i Danié rü poraãcü muü̃ choxna nangu. Rü poraãcü chaxoegaãxẽ naxca̱x ga guxü̃ma ga yema nüxü̃ chadauxü̃.

Danié 7:7

Rü yema norü ãgümücü ga ngo̱xo ga chorü ngo̱xetüwa nüxü̃ chadauxü̃ rü naxãũcümaxü̃chi, rü muü̃ tüxna naxã yerü naporaxüchi. Rü napüta rü nita rü fierunaxca̱x nixĩgü. Rü guxü̃ma ga yema nangṍxü̃ rü íxraxü̃gu nanawaü̃gü. Rü yema íyaxüxü̃ rü nagu napúgü. Yema ngo̱xo rü nanatoraxü̃ natanüwa ga yema togü ga ngo̱xogü ga chaunegüwa nüxü̃ chadauxü̃. Rü 10 ga naxchata̱xcure nüxü̃́ nayexma ga naeruwa.

Danié 8:1

Rü yexguma marü tomaepü̱x ga taunecü Babiróniawa ãẽ̱xgacü yaxĩxgu ga Berchachá rü choma ga Danié rü wenaxarü chaxãnegü.

Joel 2:28

Rü ñanagürü ta: —Rü nawena i ngẽma pemaxã nüxü̃ chixuxü̃ rü tá guxü̃ma i duü̃xü̃güca̱x núma chanamu i Chauãxẽ. Rü ngẽma penegü rü pexacügü rü tá chorü orexü̃ nixugüe. Rü ngẽma yaxü̃ i duü̃xü̃gü rü tá nixãnegügü. Rü ngẽma ngextü̱xüxü̃gü rü tá nüxü̃ nadaugü i ẽxü̃guxü̃ i taguma texé nüxü̃ dauxü̃.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.

Abacú 2:2

Rü nüma ga Cori ya Tupana rü choxü̃ nangãxü̃ rü ñanagürü: —¡Wüxi i mürapewatachinügu naxümatü i ngẽma tá cuxü̃ chawéxü̃ nax ngẽmaãcü tauxchaãcü duü̃xü̃gü nüxü̃ daumatüxü̃ca̱x!

Iraétanüxü̃arü muxchiga 12:6

Rü nüma ga Cori ya Tupana rü ñanagürü: —¡Choxü̃ iperüxĩnüe i ñaa pemaxã tá nüxü̃ chixuxü̃! Rü ngẽxguma petanüwa nangẽxmagu i wüxi i chorü orearü uruxü̃, rü choma nixĩ i chanango̱xetüxẽẽxü̃ rü nanegüwa namaxã chidexaxü̃.

Romanos 15:4

Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.

2 Corintios 12:1

Taxuwama name nax yigü icua̱xüü̃xü̃. Natürü tá pemaxã nüxü̃ chixuama nax ñuxãcü tórü Cori choxü̃ nango̱xetüxẽẽxü̃ rü choxü̃ nüxü̃ nacua̱xẽẽxü̃ ga ta̱xacü ga ẽxü̃guxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:19

Rü ñu̱xma rü chanaxwa̱xe i cunaxümatü i ngẽma marü nüxü̃ cudauxü̃. Rü ngẽma nixĩ i ngẽma ñu̱xma ngupetüxü̃, rü ngẽma yixcüra tá ngupetüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:4

Rü yexguma yema 7 e̱xpü̱xcüna nax naduruãchianexü̃guwena rü chanaxümatüchaü̃. Natürü nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Cuxicatama nüxü̃ nacua̱x i ngẽma 7 i duruanexü̃ nüxü̃ ixuxü̃! ¡Rü ngexrüma nax cunaxümatüxü̃!” ñaxü̃ choxü̃.