Danié 4:34 - Tupanaarü Ore

³⁴ —Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Danié 4:34 Iomraidhean Croise

2 Chamué 22:31

Rü ngẽma Tupana nagu rüxĩnüxü̃ rü aixcüma name. Rü ngẽma Coriarü uneta rü name nax yaxõxü̃. Rü nüma ya Tupana rü tüxna nadau ya guxãma ya yíxema nüxü̃́ yaxõgüxe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:13

Rü ngẽmaca̱x, Pa Torü Tupanax, i ñu̱xmax rü moxẽ cuxna taxãxü̃ rü cuxü̃ ticua̱xüü̃güxü̃ erü cuxüüne.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Wiyaegü 10:16

Rü nüma ya Cori ya Tupana nixĩ i ãẽ̱xgacü yixĩxü̃ i guxü̃guma. Rü ngẽma duü̃xü̃gü i tama Tupanaxü̃ cua̱xgüxü̃, rü Tupanaarü naanewa tá ínawoxü̃.

Wiyaegü 102:24

Rü ngẽmaca̱x ñachagürü nüxü̃: —Pa Corix ¡taxṹ i choxü̃ quigaxü̃ naxü̃pa nax meama chayaxü̃! —ñachagürü nüxü̃. Pa Corix, curü taunecü rü taguma nagu̱x erü guxü̃guma cungẽxmaecha.

Wiyaegü 107:15

Rü name nixĩ i Cori ya Tupanana moxẽ pexãgü naxca̱x i norü ngechaü̃ rü norü ngü̃xẽxẽ i pexna naxãxü̃.

Wiyaegü 107:22

Rü name nixĩ i nüxü̃ picua̱xüü̃güãcüma moxẽ nüxna pexãgü rü taãẽãcü nüxü̃ pixugüchiga i ngẽma mexü̃gü i naxüxü̃.

Wiyaegü 107:31

Rü ngẽma duü̃xü̃gü rü name nixĩ i Cori ya Tupanana moxẽ naxãgü naxca̱x i norü ngechaü̃ rü norü ngü̃xẽxẽ i nüxna naxãxü̃.

Wiyaegü 107:8

Rü name nixĩ i Cori ya Tupanana moxẽ naxãgü naxca̱x i norü ngechaü̃ rü norü ngü̃xẽxẽ i nüxna naxãxü̃.

Wiyaegü 111:7

Rü guxü̃ma i ngẽma nüma naxüxü̃ rü name rü aixcüma niwe̱x i norü mugü. Rü ngẽmaca̱x name nax nagu yaxõxü̃.

Wiyaegü 121:1

Rü ngẽxguma ma̱xpǘnegu chadawenügu rü chaugüna chaca rü ñachagürü: —¿Ngextá tá nixĩ i ne naxũxü̃ i chorü ngü̃xẽxẽ? —ñachagürü.

Wiyaegü 123:1

Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.

Wiyaegü 145:13

Rü cuma rü guxü̃guma ãẽ̱xgacü quixĩ rü guxü̃gutáma namaxã icucua̱x i guxü̃ma.

Wiyaegü 146:10

Pa Chióü̃x, rü nüma ya Cori ya Tupana rü guxü̃gutáma ãẽ̱xgacü nixĩ. Rü yimá curü Tupana rü gucü ya taunecügu rü tá pemaxã inacua̱x. ¡Rü ngĩxã nüxü̃ ticua̱xüü̃gü ya Cori ya Tupana!

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Wiyaegü 66:7

Rü nüma ya Tupana rü guxü̃guma norü poramaxã ñoma i naanemaxã inacua̱x. Rü nüma rü naxetümaxã nüxü̃ nadau i guxü̃ma i nachixü̃anegü. Rü ngẽma tama naga ĩnüexü̃, rü tama name nax namaxã nanuexü̃.

Wiyaegü 7:17

Natürü i chomax rü Cori ya Tupanaxü̃ tá chicua̱xüxü̃ erü nüma rü aixcümacü nixĩ. Rü choma rü chorü wiyaemaxã tá nüxü̃ chicua̱xüxü̃ ya yimá Cori ya Tupana ya Guxãétüwa Ngẽxmacü.

Wiyaegü 9:2

Pa Cori ya Tupana ya Guxãétüwa Ngẽxmacüx, rü chorü taãẽmaxã tá poraãcü cuxü̃ chicua̱xüxü̃. Rü chorü wiyaemaxã tá cuxü̃ chatachigaxẽxẽ.

Wiyaegü 92:1

Pa Corix ya Guxãétüwa Ngẽxmacüx, name nixĩ nax moxẽ cuxna taxãgüxü̃ rü torü wiyaemaxã cuxü̃ ticua̱xüü̃güxü̃.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ichaía 24:15

Rü éstewaama rü ñu̱xũchi ngẽma nachixü̃anegü i márpechinüwa ngẽxmagüxü̃wa rü Cori ya Iraétanüxü̃arü Tupanaxü̃ tá nicua̱xüü̃gü.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Auxexü̃chiga 3:38

Rü ngẽma mexü̃gü rü ngẽxgumarüxü̃ ta i ngẽma guxchaxü̃gü rü ínangugü yerü nüma ga Tupana ya Guxü̃étüwa Ngẽxmacü rü woetama yemaacü nanaxuegu.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Danié 4:2

Rü chanaxwa̱xe i pema rü nüxü̃ nax pecuáxü̃ i ngẽma taxü̃ i ngü̃xẽxẽ i poraãcü mexü̃ ya Tupana ya poracü cha̱u̱xca̱x üxü̃.

Danié 4:26

Rü yema dauxü̃cüã̱xarü ore nax yema nachime rü naxchúma̱xã yéma waixü̃müanewa yaxǘgüxẽẽxü̃ rü ngẽma rü nüxü̃ nixu, Pa Ãẽ̱xgacüx, nax wena táxarü cuchixü̃anemaxã icucuáxü̃ i ngẽxguma nüxna cucua̱xãchigu nax nüma ya Tupana yixĩxü̃ ya guxãétüwa ngẽxmacü.

Danié 4:3

Rü nataxüchi i ngẽma mexü̃gü i norü poramaxã naxüxü̃ rü ngẽma cua̱xruü̃gü i tüxü̃ nawéxü̃. Rü nüma rü guxü̃guma ãẽ̱xgacü nixĩ, rü ngẽma norü pora rü tataagüwa ninguchigü.

Danié 4:32

Rü duü̃xü̃güna tá quixũgachi rü naxü̃natanüwa tá cumaxü̃, rü wocagürüxü̃ tá maxẽmaxã cuxãwemü i 7 ya taunecü. Rü ngẽmaãcü tá quixĩ ñu̱xmatáta nüxna cucua̱xãchi nax Tupana yixĩxü̃ ya yimá nüxü̃́ nangẽxmacü i pora nax namaxã inacuáxü̃ i guxü̃ma i nachixü̃anegü i ñoma i naanewa ngẽxmagüxü̃. Rü nüma nixĩ i tüxü̃ yangucuchixẽẽxü̃ nax ãẽ̱xgacü tixĩxü̃ ya yíxema nüma norü me ixĩxẽ —ñanagürü.

Danié 4:36

Rü yexgumatama chauãẽxü̃ chicua̱xãchi rü wenaxarü Tupana choxü̃ narüngü̃xẽxẽ rü chauchicaca̱xtama choxü̃ nataeguxẽxẽ nax ãẽ̱xgacü chixĩxü̃. Rü duü̃xü̃gü rü chomaxã nataãẽgü, rü noxrirüü̃tama namaxã ichacua̱x rü chapora. Rü yema chorü ucu̱xẽruü̃gü rü chorü ngü̃xẽẽruü̃gü rü cha̱u̱xca̱x nayadaugü nax wenaxarü chauchixü̃anearü ãẽ̱xgacüxü̃ choxü̃ yangucuchixẽẽgüxü̃ca̱x. Rü noxriarü yexera pora choxü̃́ nayexma.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Danié 5:21

Rü duü̃xü̃güna nixũgachi rü yema norü ĩnü rü naxü̃nagüarü ĩnürüxü̃ nixĩ. Rü naixnecücüã̱x ga búrugütanüwa namaxü̃. Rü wocagürüxü̃ maxẽ nanangõ̱x rü cherenamaxã niwaixine. Rü yemaacü nüxü̃ nangupetü ñu̱xmata düxwa nüxna nacua̱xãchi nax yimá Tupana ya Guxãétüwa Ngẽxmacü nax nüxü̃́ ngẽxmaxü̃ i pora nax namaxã inacuáxü̃ i guxü̃ma i ãẽ̱xgacügü i ñoma i naanewa ngẽxmagüxü̃. Rü nüma ya Tupana rü ãẽ̱xgacüxü̃ tüxü̃ nixĩxẽxẽ ya yíxema nüma norü me ixĩxẽ nax ãẽ̱xgacü tixĩxü̃ca̱x.

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

Danié 7:27

Rü nüma ya Tupana ya Guxãétüwa Ngẽxmacü rü tá norü duü̃xü̃güna nanaxã i pora nax guxü̃ma i ñoma i naanemaxã inacua̱xgüxü̃ca̱x. Rü ñoma i naanecüã̱x i duü̃xü̃gü rü norü ãẽ̱xgacügü rü tá nüxü̃ nicua̱xüü̃gü. Rü guxü̃ma i duü̃xü̃gü i ñoma i naanewa maxẽxü̃ rü guxü̃gutáma Tupanaarü duü̃xü̃güme̱xẽwa tá nangẽxmagü rü tá naga naxĩnüxẽ”, ñanagürü.

Danié 9:14

Rü yemaca̱x, Pa Cori Pa Tupanax, rü toxca̱x ícunangu̱xẽxẽ ga yema taxü̃ ga guxchaxü̃ ga cumatama tomaxã cuxueguxü̃. Erü cuma rü aixcüma cuyanguxẽxẽ i ngẽma nüxü̃ quixuxü̃. Natürü i toma rü tama cuxü̃́ itarüxĩnüechaü̃.

Yoná 1:14

Rü yexguma ga nümagü rü Cori ya Tupanana nacagüe rü ñanagürügü: —Pa Cori Pa Tupanax ¡Taxṹ i nuxã toxü̃ cuyuexẽxẽxü̃ nagagu i ñaa yatü! Rü ngẽxguma chi taxuxü̃ma i chixexü̃ naxü̱xgux rü ¡taxṹ i cuyatoguãchixẽxẽxü̃ nax nayuxü̃! Erü cumax, Pa Corix, Pa Tupanax, rü cunaxü i ta̱xacü i cuma cunaxwa̱xexü̃ãcüma —ñanagürügü.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Ore i mexü̃ ga Luca ümatüxü̃ 1:33

Rü nüma rü guxü̃gutáma Acóbutanüxü̃arü ãẽ̱xgacü nixĩ. Rü tagutáma ínanguxuchi nax norü ãẽ̱xgacü yixĩxü̃ —ñanagürü.

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Cuáü̃ ümatüxü̃ 5:26

Nüma ya Nanatü rü nüxü̃́ nangẽxma i pora nax namaxẽxẽẽãxü̃ca̱x i duü̃xü̃gü. Rü ngẽma pora rü Nanena nanaxã nax nüma rü ta duü̃xü̃güxü̃ namaxẽxẽxẽxü̃ca̱x.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:17

Rü ñu̱xma tanaxwa̱xe i guxü̃gutáma nüxü̃ ticua̱xüü̃gü rü tanataxẽẽgü ya yimá nüxicatama Tupana ixĩcü. Rü woo tama nüxü̃ tadaugü i ñu̱xma, natürü nüma rü guxü̃guma Tupana nixĩ. Rü ngẽmaãcü yixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:16

Rü nüxicatama nixĩ i guxü̃guma namaxechaxü̃. Rü nüma rü poraãcü ínangóonexü̃wa namaxü̃, rü taxucürüwa texé ngẽma ngóonexü̃na tangaicama. Taguma wüxi i duü̃xü̃ nüxü̃ nadau, rü taxuacüma texé nüxü̃ tadau. Rü name nax guxü̃ma nüxü̃ icua̱xüü̃güxü̃, erü nüma rü guxü̃guma Ãẽ̱xgacü nixĩ. Rü ngẽmaãcü yixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:6

Rü inaxuneta naégagu ga Tupana ya yimá guxü̃guma maxü̃cü ya yimá naxücü i daxũguxü̃ i naane rü ñoma i naane rü már rü guxü̃ma i ta̱xacü nawa ngẽxmagüxü̃. Rü ñanagürü ga yema orearü ngeruxü̃: “Paxa tá ningu i ngẽma Tupana nüxü̃ ixuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:9

Rü yema daxũcüã̱x ga maxẽxü̃, rü yexguma gumá tochicaxü̃wa rütocü ga woetama ngẽxmaechacüxü̃ yacua̱xüü̃gügu rü moxẽ nüxna naxãgügu, rü yema 24 ga ãẽ̱xgacügü rü nape̱xegu nacaxã́pü̱xügü, rü nüxü̃ nicua̱xüü̃gü, rü nape̱xegu nananu ga norü nga̱xcueruü̃gü.