Danié 4:19 - Tupanaarü Ore

¹⁹ Rü yexguma ga nüma ga Danié ga Betachámaxã naxugüãcü rü paxaãchi yexma narüchiane yerü poraãcü namuü̃ naxca̱x ga yema ĩnü ga naãẽwa nguxü̃. Natürü chomax i ãẽ̱xgacü rü ñachagürü nüxü̃: “Pa Betacháx ¡taxṹ i cuxoegaãẽxü̃ naxca̱x i ngẽma chaunegü rü ta̱xacüchiga yixĩxü̃!” ñachagürü. Rü nüma ga Betachá rü nanangãxü̃ rü ñanagürü choxü̃: “Pa Ãẽ̱xgacüx, chierüx guxü̃ma ga yema cunegüwa nüxü̃ cudauxü̃, rü curü uanügüca̱x yixĩxgux.

Danié 4:19 Iomraidhean Croise

Naanearü ügüchiga 31:35

Rü yexguma ga Raqué rü ngĩgürügü nüxü̃: —Pa Papax, ¡taxṹ i cunuxü̃ ega tama ichachixgu i cupe̱xewa! Erü ñu̱xma rü chorü da̱xawewa changexma —ngĩgürügü. Rü yemaacü ga Labáü̃ rü naxca̱x nidauchigüama ga norü tupanachicüna̱xãgü, natürü taxuguma nüxü̃ inayangau.

Naanearü ügüchiga 40:12

Rü yexguma ga Yúche rü ñanagürü nüxü̃: —Ngẽma cunegü rü ñaxü̃chiga nixĩ: “Rü ngẽma tomaepü̱x i nachacüxü rü tomaepü̱x i ngunexü̃chiga nixĩ.

Nüxíraxü̃xü̃ ga popera ga ãẽ̱xgacügüchiga 18:7

Rü yexguma namawa naxũxgu ga Adía rü Eríaxü̃ yexma nangau. Rü yexguma nüxü̃ yacua̱xãchigu nax Ería yixĩxü̃ rü nape̱xegu nayangücuchi rü ñanagürü: —¿Ẽ̱xna cuma quixĩxü̃, Pa Chorü Corix, Pa Eríax? —ñanagürü.

Ínachoxü̃xü̃chiga 32:32

Rü ngẽmaca̱x cuxü̃ chachixewe nax nüxü̃́ nüxü̃ cuyarüngümaxü̃ca̱x i ngẽma norü chixexü̃. Natürü ngẽxguma tama nüxü̃́ nüxü̃ icuyarüngümagu ¡rü noxtacüma ínapí i chauéga nawa i ngẽma curü popera i nagu cuxümatüxü̃! —ñanagürü.

Yeremía 29:7

¡Rü naxca̱x pepuracüe ya yima ĩane ya Babirónia ya nawa pexü̃ nagagüne! ¡Rü yima ĩaneca̱x peyumüxẽgü! Erü ngẽxguma mexü̃ naxca̱x ínguxgu ya yima ĩane, rü pexca̱x rü ta mexü̃ ínangu.

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.

Danié 1:7

Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 2:26

Rü yexguma ga nüma ga ãẽ̱xgacü rü Danié ga Betachámaxã naxugüãcüxü̃ ñanagürü: —¿Cuxü̃́ natauxchaxü̃ nax chomaxã nüxü̃ quixuxü̃ ga yema nagu chaxãnegüxü̃ rü ta̱xacüchiga yixĩxü̃ ga yema chaunegü? —ñanagürü.

Danié 2:37

Rü cuma nixĩ, Pa Ãẽ̱xgacüx, i guxü̃ma i togü i ãẽ̱xgacügüétüwa cuxüxü̃ i ñu̱xmax, erü nüma ya Tupana ya daxũgucü rü cuxü̃ inamu nax ãẽ̱xgacü quixĩxü̃ca̱x rü cuporaxü̃ca̱x rü guxü̃ma i nachixü̃anegü cuxü̃ cua̱xüü̃güxü̃ca̱x.

Danié 4:24

Rü yema cunegüwa nüxü̃ cudauxü̃, Pa Ãẽ̱xgacüx, rü cuchiga nixĩ. Rü ngẽmawa yimá Tupana ya Guxãétüwa Ngẽxmacü cuxü̃ nanawe̱x i ngẽma poxcu i cumaxã naxueguxü̃.

Danié 5:12

Rü nüma rü Danié nixĩ. Rü nüma ga gumá cunatü rü Betachágu nanaxüéga. Rü ngẽma yatü rü poraãcü cua̱x nüxü̃́ nangẽxma rü nüxü̃́ natauxcha nax nango̱xẽẽãxü̃ i wüxi i nanegü, rü nango̱xẽẽãxü̃ i ta̱xacü i cúxü̃, rü namexẽẽãxü̃ i taxü̃ i guxchaxü̃gü. ¡Rü naxca̱x nangema ya yimá yatü ya Danié! Rü nüma tá nixĩ i cumaxã nüxü̃ yaxuxü̃ nax ta̱xacüchiga yixĩxü̃ i ngẽma ĩxtapü̱xgu ümatüxü̃ —ngĩgürügü.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Danié 5:19

Rü yema pora ga Tupana nüxna ãxü̃gagu rü guxü̃ma ga ĩanecüã̱xgü rü nachixü̃anecüã̱xgü naguxü̃raü̃xü̃ ga nagawa idexagüxü̃ rü naga naxĩnüe rü nüxü̃ namuü̃e. Rü naxme̱xwa nayexma nax tüxü̃ yamáxü̃ rüe̱xna tüxü̃ namaxẽẽxü̃ ga guxema norü me ixĩxẽ. Rü tümaxe rü tüxü̃ nataxẽxẽ, rü toguxe rü tüxü̃ naxãneexẽxẽ.

Danié 7:15

Rü choma i Danié rü poraãcü muü̃ choxna nangu. Rü poraãcü chaxoegaãxẽ naxca̱x ga guxü̃ma ga yema nüxü̃ chadauxü̃.

Danié 7:28

Rü yexma nixĩ ga yacuáxü̃ ga guxü̃ma ga yema chaunegüwa nüxü̃ chadauxü̃. Rü choma i Danié rü poraãcü naxca̱x chaxoegaãxẽ rü chanachoxõchi. Natürü taxúemaxãma nüxü̃ chixu nachiga ga yema chaunegüwa Tupana choxü̃ wéxü̃ —ñanagürü ga Danié.

Danié 8:27

Rü choma i Danié rü chaugüca̱x changearü poraã̱x ga yexguma. Rü ñuxre ga ngunexü̃ chida̱xawe. Rü yemawena ícharüda rü wenaxarü chanaxü ga guma nachixü̃anearü ãẽ̱xgacü nagu choxü̃ muxü̃ ga puracü. Natürü ga choma rü poraãcü naxca̱x chaxoegaãxẽ ga yema chaunegüwa nüxü̃ chadauxü̃, yerü tama nüxü̃ chacua̱xéga nax ta̱xacüchiga yixĩxü̃.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

1 Chamué 1:15

Rü ngĩma ga Ána rü inangãxü̃ rü ngĩgürügü: —Tama nixĩ i changãxü̃xü̃, Pa Corix. Tama nixĩ i bínu chayaxaxüxü̃ rüe̱xna ta̱xacürü axchiü i ngúchiáxü̃ chixaxüxü̃. Rü ngẽma choxü̃ ngupetüxü̃ nixĩ nax changexacüxü̃ rü ngẽmaca̱x changechaü̃, rü Tupanamaxã nüxü̃ chixuxü̃ i ngẽma guxchaxü̃.

1 Chamué 24:8

Natürü nüma ga Dabí rü Chaúwetama inayago ga yema ãxmaxü̃wa rü nüxna nacagü rü ñanagürü: —Pa Ãẽ̱xgacüx, Pa Ãẽ̱xgacüx —ñanagürü. Rü nüma ga Chaú rü nügü nadauegu. Rü nüma ga Dabí rü ñaxtüanegu yangücuchiãcüma nüxü̃ narümoxẽ.

1 Chamué 26:15

Rü Dabí nanangãxü̃ rü ñanagürü: —¿Tama ẽ̱xna cuma quixĩxü̃ i guxü̃ma i Iraéanecüã̱xgüarü churaragümaxã icucuáxü̃? ¿Rü ñuxãcü tama mea nüxna cudauxü̃ ya curü cori ya ãẽ̱xgacüx? Erü wüxi i duü̃xü̃ ngẽxma naxücu nax yamáãxü̃ca̱x.

1 Chamué 3:17

Rü nüma ga Erí rü Chamuéna naca rü ñanagürü: —¿Ñuxũ ñaxü̃ yixĩxü̃ cuxü̃ ya Cori ya Tupana? ¡Rü guxü̃xü̃táma chomaxã quixu, rü taxuxü̃táma iquicu̱x! ¡Rü Tupana poraãcü cuxü̃ poxcux ega taxũtáma guxü̃ i ngẽma cumaxã nüxü̃ yaxuxü̃xü̃ chomaxã quixuxgu! —ñanagürü.