Danié 4:18 - Tupanaarü Ore

¹⁸ Rü yema nixĩ, Pa Betacháx, ga yema chaunegü ga choma i ãẽ̱xgacü ya Nabucudonochó nagu chaxãnegüxü̃. ¡Rü ñu̱xma rü chomaxã nüxü̃ ixu nax ta̱xacüchiga yixĩxü̃ ga yema chaunegü! Erü taxuxü̃ma i ngẽma togü i chorü ucu̱xẽruü̃gü i nüxü̃ cua̱xüchichiréxü̃ nüxü̃ nacua̱xgü i ngẽma. Natürü i cumax rü tá nüxü̃ cucua̱x nax ta̱xacüchiga yixĩxü̃ erü cuwa nangẽxma i naãxẽ ya yimá Tupana ya Üünecü”, ñachagürü.

Danié 4:18 Iomraidhean Croise

Naanearü ügüchiga 40:12

Rü yexguma ga Yúche rü ñanagürü nüxü̃: —Ngẽma cunegü rü ñaxü̃chiga nixĩ: “Rü ngẽma tomaepü̱x i nachacüxü rü tomaepü̱x i ngunexü̃chiga nixĩ.

Naanearü ügüchiga 41:15

Rü nüma ga Faraóü̃ rü ñanagürü nüxü̃: —Ngewa̱xarü chütaxü̃gu rü choxü̃́ nangexma i wüxi i chaunegü. Natürü tataxuma ya texé ya nüxü̃ cuáxe nax nüxü̃ tixuxü̃ nax ta̱xacüchiga yixĩxü̃. Natürü cuxü̃ chacuáxchiga rü ngẽxguma cuma nüxü̃ cuxĩnügu i wüxi i nanegü rü nüxü̃ cucua̱x nax nüxü̃ quixuxü̃ nax ta̱xacüchiga yixĩxü̃ —ñanagürü ga Faraóü̃.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Danié 2:38

Rü ngẽmaca̱x i ñu̱xma rü guxü̃ma i duü̃xü̃gümaxã rü naeü̃gümaxã rü werigümaxã icucua̱x. Erü nüma ya Tupana rü cuxme̱xwa nanangexmagüxẽxẽ. Rü cuchiga nixĩ, Pa Ãẽ̱xgacüx, i ngẽma naxchicüna̱xãeru i úirunaxca̱x.

Danié 2:7

Rü nüma ga yema yatügü ga cua̱x nüxü̃́ yexmagüxü̃ rü wena nanangãxü̃ga rü ñanagürügü: —Pa Ãẽ̱xgacüx ¡tomaxã nüxü̃ ixu i ngẽma cunegü! Rü toma rü tá cumaxã nüxü̃ tixu nax ta̱xacüchiga yixĩxü̃ —ñanagürügü.

Danié 5:15

Rü ngẽma yatügü i nüxü̃ icua̱xüchixü̃ i ñaa nachixü̃anewa ngẽxmagüxü̃ rü marü naxca̱x changema nax nüxü̃ nadaumatügüxü̃ca̱x i ngẽma ore i ĩxtapü̱xgu ümatüxü̃ nax chomaxã nüxü̃ yaxugüxü̃ca̱x rü ta̱xacüchiga yixĩxü̃. Natürü i nümagü rü tama nüxü̃ nacua̱xgüéga nax ta̱xacüchiga yixĩxü̃ i ngẽma.

Danié 5:8

Rü guxü̃ma ga yema norü ucu̱xẽruü̃gü ga nüxü̃ icua̱xüchixü̃ ga yéma yexmagüxü̃ rü nichocu nawa ga yema ucapu. Natürü taxuxü̃ma ga yema yatügü ga nüxü̃ cua̱xüchigüxü̃ rü nüxü̃ nacua̱xgü nax ãẽ̱xgacümaxã nüxü̃ yaxugüxü̃ nax ta̱xacüchiga yixĩxü̃ ga yema yexma ümatüxü̃.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.