Danié 4:14 - Tupanaarü Ore

¹⁴ Rü yema rü tagaãcü ñanagürü: ‘¡Rü penatuxu̱x i ngẽma nai rü penadaü̃chacüxü̱x, rü penabuxatü, rü ngẽma norü o rü namaxã penawoone nax ngẽmaãcü yabuxmüxü̃ca̱x i ngẽma naxü̃nagü i norü gáuxpechitaca̱x natüü̃gu rüchoxü̃ rü ngẽma werigü i nachacüügu ixüachiãü̃xü̃!

Danié 4:14 Iomraidhean Croise

Yox 24:20

Rü woo ya naé rü nüxü̃ itarüngüma. Rü õxmigü rü tá nanangõ̱xgü, rü bai i texé tá ñuxgu nüxna tacua̱xãchi. Rü ngẽma duü̃xü̃ i chixexü̃gu maxü̃xü̃ rü ñoma nai ya tuxunerüxü̃ tá niwa̱x.

Yeremía 51:6

¡Rü ñu̱xma nax pexü̃́ natauxchaxü̃ rü paxa nawa ípechoxü̃ ya Babirónia! Rü tama name nax Babiróniaanearü pecadugügagu peyuexü̃. Rü ñaa nixĩ i ora i nagu tá pexü̃ chaxütanüxü̃. Rü yema nax poraãcü chixri pemaxã inacuáxü̃ ga Babiróniacüã̱x rü ngẽmaãcü tá ta chanapoxcue.

Yeremía 51:9

Marü tanaxüxü̃ ya Babirónia, natürü tama naxca̱x nitaane. ¡Rü ngĩxã nua tanata̱x rü nüxna tixĩgachi! ¡Rü ngĩxã tachixü̃aneca̱x tawoegu i wüxichigü! Erü Babiróniaanearü poxcu rü ngẽma nax nataxüchixü̃ rü ñu̱xmata dauxü̃guxü̃ ga naanewa nangu rü ñu̱xmata caixanexü̃güwa nangu.

Echequié 31:10

Rü ngẽmaca̱x ya Cori ya Tupana rü ñanagürü: Guma nai rü namáchanexüchi rü caixanexü̃wa nangu ga natape̱xe. Rü yemagagu nügü ínarütá rü nügü nicua̱xüxü̃.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Danié 3:4

Rü yema namaxã icuáxü̃ ga yema ãxü̃chichigaarü ügü rü tagaãcü duü̃xü̃güxü̃ ñanagürü: —¡Iperüxĩnüe Pa Duü̃xü̃gü i Guxü̃ i ĩanecüã̱xgü, rü Guxü̃ i Nachixü̃anecüã̱xgü, rü Guxãma i Pemax i To i Nagawa Idexagüchigüxex!

Danié 4:12

Rü naatügü rü nimexẽchi rü yema nax namuxü̃ ga norü o rü guxü̃ma ga duü̃xü̃güca̱x rü ningu. Rü norü gáuxchipetaxü̃ca̱x natüü̃gu nayacagü ga naxü̃nagü, rü werigü rü nachacüügügu nixüxchiãü̃gü. Rü guxü̃ma i ñoma i naanecüã̱x i duü̃xü̃güca̱x ningu ga norü o.

Danié 4:23

Pa Ãẽ̱xgacüx, rü yema to ga nüxü̃ cudauxü̃ ga yema cunegüwa, rü nüxü̃ cudau ga wüxi ga üünexü̃ ga dauxü̃cüã̱x ga dauruxü̃ ixĩxü̃ ga dauxü̃guxü̃ ga naanewa írüxĩxü̃ ga ñaxü̃: ‘¡Rü penatuxu̱x ya yimá nai rü nagu pechexgü! ¡Natürü ngẽma nachime rü naxchúma̱xãgü rü nüetama ngéma waixü̃müwa nangexma̱x! ¡Rü fierunaxca̱x rü bróũchenaxca̱x ya cadénamaxã penangãxü̃ rü ngéma naanearü maxẽanewa penata̱x nax cherena nagu nguxü̃ca̱x! Rü wüxigu naxü̃nagümaxã maxẽ nangṍxü̃ca̱x i 7 ya taunecü’, ñaxü̃.

Danié 4:29

Rü wüxi ga taunecü nawena ga yema rü nüma ga ãẽ̱xgacü rü napataétügu ínixũãchixü̃ ga ĩane ga Babiróniawa, rü nügümaxã ñanagürü: —Dücax nax aixcüma nataxü̃ ya daa Babirónia ga choma chorü cua̱xmaxã chaxüxü̃ne nax nawa ãẽ̱xgacü chixĩxü̃ca̱x, rü ngẽmawa duü̃xü̃gü nüxü̃ daugüxü̃ca̱x nax cua̱x choxü̃́ ngẽxmaxü̃ —ñanagürü.

Danié 5:20

Natürü yexguma nügü yacua̱xüxü̃gu rü taxúegama naxĩnügu, rü Tupana rü nüxna nanayaxu ga norü pora, rü ínanata̱xüchi ga ãẽ̱xgacü nax yixĩxü̃.

Danié 5:21

Rü duü̃xü̃güna nixũgachi rü yema norü ĩnü rü naxü̃nagüarü ĩnürüxü̃ nixĩ. Rü naixnecücüã̱x ga búrugütanüwa namaxü̃. Rü wocagürüxü̃ maxẽ nanangõ̱x rü cherenamaxã niwaixine. Rü yemaacü nüxü̃ nangupetü ñu̱xmata düxwa nüxna nacua̱xãchi nax yimá Tupana ya Guxãétüwa Ngẽxmacü nax nüxü̃́ ngẽxmaxü̃ i pora nax namaxã inacuáxü̃ i guxü̃ma i ãẽ̱xgacügü i ñoma i naanewa ngẽxmagüxü̃. Rü nüma ya Tupana rü ãẽ̱xgacüxü̃ tüxü̃ nixĩxẽxẽ ya yíxema nüma norü me ixĩxẽ nax ãẽ̱xgacü tixĩxü̃ca̱x.

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Ore i mexü̃ ga Matéu ümatüxü̃ 7:19

Rü guxü̃ma i nanetü i tama mexü̃ i norü o rü tayadaxüchi rü üxüwa tayata̱xcuchi.

Ore i mexü̃ ga Luca ümatüxü̃ 3:9

Tupanaarü yuema rü marü íimemare nax yadaxü̃ãxü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oṍxü̃ rü tá nadaxü̃, rü ñu̱xũchi üxüwa tá ínagu —ñanagürü ga Cuáü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:3

Rü ñu̱xũchi ga nüma rü tagaãcü aita naxü ñoma wüxi ya leóü̃ ya ingĩnecüxücürüxü̃. Rü yexguma aita naxü̱xgu rü 7 e̱xpü̱xcüna naduruãchiane.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:2

Rü tagaãcü ñanagürü: “Marü nagu narüchixe. Marü nagu narüchixe ya yima ĩane ya taxü̃ne ya Babirónia. Rü ñu̱xma rü ngo̱xogüchiü̃ nixĩ rü naguxü̃raü̃xü̃ i naãxẽ i chixexü̃güchiü̃ nixĩ. Rü ñu̱xma rü ngẽxma naxãchiü̃ i naguxü̃raü̃xü̃ i ngurucugü rü werigü i chixexü̃ i duü̃xü̃gü naxchi aiexü̃.