Danié 3:21 - Tupanaarü Ore

²¹ Rü yema tomaepü̱x ga ngextü̱xüxü̃gü rü yematama norü ãẽ̱xgacüchiru ga nagu yacu̱xgüxü̃maxã nayana̱i̱xgü rü yema poxcuchicaxü̃ ga iya̱u̱xraxü̃gu nanawocu.

Danié 3:21 Iomraidhean Croise

Naanearü ügüchiga 39:20

Rü Yúchexü̃ niyaxu. Rü ñu̱xũchi norü duü̃xü̃güxü̃ namu nax ãẽ̱xgacü poxcuexü̃ ga duü̃xü̃gütanügu nayata̱xcuchigü. Natürü woo ga poxcupataü̃wa nax nayexmaxü̃ ga Yúche rü Cori ya Tupana rü naxü̃tawa nayexma, rü nüxü̃ narüngü̃xẽxẽ. Rü nüxü̃́ nanatauxchaxẽxẽ nax yema poxcupataü̃arü ãẽ̱xgacü namaxã taãẽxü̃.

Yeremía 29:22

Rü ngẽmaca̱x i pema, Pa Yudáanecüã̱x i Babiróniaanewa Ngẽxmagüxex, rü ngẽxguma texémaxã chixexü̃ pexueguchaxü̃gu rü ñaperügügü tá: ‘¡Cori ya Tupana cumaxã naxü̱x ga yema Chedequíamaxã rü Acáxmaxã naxüxü̃ ga Babiróniaanearü ãẽ̱xgacü ga yexguma maxẽxãcü̃ üxüwa ínaguãgu!’ ñaperügügü tá.

Danié 3:20

Rü ñu̱xũchi norü churaragü ga rüporamaegüxü̃xü̃ namu nax Chadrá rü Mechá rü Abex-negóxü̃ yana̱i̱xgüxü̃ca̱x, rü yemaacü yema poxcuchicaxü̃ ga iya̱u̱xraxü̃wa yawocuãxü̃ca̱x.

Danié 3:27

Rü guxü̃ma ga yema ãẽ̱xgacügü ga yéma yexmagüxü̃ rü naxca̱x naxĩ ga yema tomaepü̱x ga yatügü. Rü nüxü̃ nadaugü ga taxuwama nax yaxaexü̃ ga naxü̃newa, rü woo ga nayae rü naxchiru rü tama nax yaxaxü̃ rü bai ga nax natauacaemagüxü̃.

Danié 3:6

Rü guxãma ya texé ya tama nape̱xegu caxã́püxügüxe, rü nüxü̃ icua̱xüü̃güxe, rü noxtacüma tá ngẽma poxcuchicaxü̃ i íya̱u̱xraxü̃gu tawocu —ñanagürü.

Ore i mexü̃ ga Matéu ümatüxü̃ 13:42

Rü tá üxüxétüwa nayawocu. Rü ngéma tá naxauxe rü tá nixü̃́xchapütagü.