Danié 3:2 - Tupanaarü Ore

² Rü yemawena rü naxca̱x nangema ga guxü̃ma ga ãẽ̱xgacügü ga wüxichigü ga naaneétüwa yexmagüxü̃. Rü naxca̱x nangema ta ga norü churaragüerugü, rü wüxichigü ga ĩanearü ãẽ̱xgacügü, rü ãẽ̱xgacügü ga ucu̱xẽruü̃gü, rü ãẽ̱xgacügü ga diẽrumaxã icua̱xgüxü̃, rü ãẽ̱xgacügü ga nachixü̃anearü mugümaxã icua̱xgüxü̃, rü togü ga ãẽ̱xgacügü ga wüxichigü ga ĩanewa yexmagüxü̃. Rü yema ãẽ̱xgacügü nixĩ ga naxca̱x nangemaxü̃ nawa ga norü ãxü̃chichiga ga yema naxchicüna̱xã ga ãẽ̱xgacü norü duü̃xü̃güxü̃ üxẽẽxü̃.

Danié 3:2 Iomraidhean Croise

Nüxíraxü̃xü̃ ga popera ga ãẽ̱xgacügüchiga 12:32

Rü ñu̱xũchi guma 8 ga tauemacüarü 15 gu nanaxü ga wüxi ga peta naxca̱x ga norü tupananetagü. Yema peta naxüchigagügu rü Yudáanewa naxügüxü̃rüxü̃ nanaxügü. Rü nümatama ga Yeruboáü̃ nixĩ ga ínaguaxü̃ ga woca nawa ga yema ãmarearü guruxü̃ ga ĩane ga Betégu naxüxü̃. Rü yema wocachicüna̱xã ga úirunaxca̱x ga nümatama naxüxü̃pe̱xegu naxü̃nagü nadai rü naxca̱x ínanagu. Rü nanaxüarü chacherdóteã̱xgü ga yema ãmarechicagü ga nüma ínaxüxüxü̃ nax nawa norü tupananetaxü̃ yacua̱xüü̃güxü̃ca̱x.

Ucu̱xẽgüchiga 29:12

Ngẽma ãẽ̱xgacü i naga ĩnüxü̃ i ngẽma ore i doramare ixĩxü̃, rü chixexü̃wa nanagagü i guxü̃ma i norü ngü̃xẽẽruü̃gü.

Danié 3:27

Rü guxü̃ma ga yema ãẽ̱xgacügü ga yéma yexmagüxü̃ rü naxca̱x naxĩ ga yema tomaepü̱x ga yatügü. Rü nüxü̃ nadaugü ga taxuwama nax yaxaexü̃ ga naxü̃newa, rü woo ga nayae rü naxchiru rü tama nax yaxaxü̃ rü bai ga nax natauacaemagüxü̃.

Danié 3:3

Rü guxü̃ma ga yema ãẽ̱xgacügü ga yema nachixü̃anecüã̱x rü nangutaque̱xegü nape̱xegu ga yema naxchicüna̱xã nax naxüchigagüãxü̃ca̱x ga norü ãxü̃chi.

Iraétanüxü̃arü muxchiga 25:2

Rü nüma ga ngexü̃gü rü norü tupanagüca̱x ínangutaque̱xegüxü̃wa yema yatügüxü̃ nagagü. Rü nüma ga yema Iraétanüxü̃ rü natanüwa nachibüe rü ñu̱xũchi yema Moáanecüã̱xgüarü tupanaxü̃ nicua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:2

Rü ñoma i naanewa ngẽxmagüxü̃ i nachixü̃anegüarü ãẽ̱xgacügü, rü ngĩmaxã namaxẽ, rü yemaacü poraãcü chixexü̃ naxügü. Rü ñoma i naanecüã̱x, rü naxca̱x nadauxü̃taegü i ngĩrü chixexü̃ i ngẽma nge”, ñanagürü.

Ãẽ̱xgacügü ga guxchaxü̃güarü mexẽxẽruü̃gü 16:23

Rü nümagü ga Firitéugüarü ãẽ̱xgacügü rü nataãẽgü rü nanaxüchíügü ga Chanchóü̃xü̃ nax yayauxgüxü̃. Rü norü tupana ga Dagóü̃ca̱x naxü̃na nadai rü ñu̱xũchi naxca̱x ínanagu. Rü ñaãcü nawiyaegü: —Tórü tupana rü taxme̱xgu nananguxẽxẽ i tórü uanü i Chanchóü̃ —ñanagürügü.