Danié 3:16 - Tupanaarü Ore

¹⁶ Rü yexguma ga yema tomaepü̱x ga ngextü̱xüxü̃gü rü nanangãxü̃gagü rü ñanagürügü: —Pa Ãẽ̱xgacüx, rü taxuca̱xma tü̱xcüü̃ yigü naxca̱x tachoxü̃gagü i ngẽma.

Danié 3:16 Iomraidhean Croise

Ngu̱xẽẽtaeruü̃arü ore 4:12

Rü ngẽxguma wüxi i duü̃xü̃ nüxicatama yixĩxgu rü tama natauxcha nax nügü ínapoxü̃xü̃. Natürü ngẽxguma taxre i duü̃xü̃ yixĩxgu rü natauxcha nax nügü ínapoxü̃xü̃. Rü ngẽxgumarüxü̃ ta i wüxi i napana̱xã i tomaepü̱x ya tünütawa ãxü̃xü̃ rü tama tauxchaãcü nicauye.

Danié 1:7

Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 3:12

Dücax, Pa Ãẽ̱xgacüx, rü nangẽxma i ñuxre i Yudíugü i cumax ãẽ̱xgacüxü̃ cumucuxü̃ nawa ya Babirónia. Rü ngẽmagü rü tama cuga naxĩnüechaü̃, Pa Ãẽ̱xgacüx, rü ngẽmaca̱x tama nüxü̃ nicua̱xüü̃gü i ngẽma tórü tupanagü rü woo i ngẽma naxchicüna̱xã i úirunaxca̱x i cumax duü̃xü̃güxü̃ cuxüxẽẽxü̃. Rü ngẽma yatügü rü Chadrá, rü Mechá rü Abex-negó nixĩ —ñanagürügü.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.