Danié 3:12 - Tupanaarü Ore

¹² Dücax, Pa Ãẽ̱xgacüx, rü nangẽxma i ñuxre i Yudíugü i cumax ãẽ̱xgacüxü̃ cumucuxü̃ nawa ya Babirónia. Rü ngẽmagü rü tama cuga naxĩnüechaü̃, Pa Ãẽ̱xgacüx, rü ngẽmaca̱x tama nüxü̃ nicua̱xüü̃gü i ngẽma tórü tupanagü rü woo i ngẽma naxchicüna̱xã i úirunaxca̱x i cumax duü̃xü̃güxü̃ cuxüxẽẽxü̃. Rü ngẽma yatügü rü Chadrá, rü Mechá rü Abex-negó nixĩ —ñanagürügü.

Danié 3:12 Iomraidhean Croise

Ester 3:8

Rü nüma ga Amáü̃ rü ãẽ̱xgacü ga Achuéruxü̃tawa naxũ nax namaxã nüxü̃ yanaxuxü̃ca̱x nachiga ga yema. Rü ñanagürü: —Pa Ãẽ̱xgacüx, rü natanüwa i guxü̃ma i ngẽma togü i nachixü̃anecüã̱xgü rü nangẽxma i wüxitücumü i tama togümaxã wüxiguchaü̃xü̃. Erü ngẽma nacümagü rü nanatoraxü̃ rü tama naga naxĩnüe i ngẽma curü mugü, Pa Ãẽ̱xgacüx. Rü ngẽmaca̱x, Pa Ãẽ̱xgacüx, rü tama name nax ñaa naane i namaxã icucuáxü̃wa namaxẽxü̃.

Ucu̱xẽgüchiga 27:4

Ngẽma yigüchi nax ixaixü̃, rü ngúxü̃ tüxü̃ ningexẽxẽ, rü ngẽma nu rü tüxü̃ nachixexẽxẽ. Natürü ngẽma nax ta̱xacü inuxuxü̃ rü taxúema namaxã tapora.

Ngu̱xẽẽtaeruü̃arü ore 4:4

Rü nüxü̃ chadau rü ngẽxguma wüxi i duü̃xü̃ aixcüma napuracügu rü namuarü diẽruã̱xgu rü ngẽma togü rü naxchi naxaie rü nixãũxãchie. Rü guxü̃ma i ngẽma rü wüxi i natüca̱xmamare nixĩ, rü ñoma buanecü ya iyauxemachaü̃cürüxü̃mare nixĩ.

Danié 1:7

Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 2:48

Rü ñu̱xũchi ga nüma ga ãẽ̱xgacü ga Nabucudonochó rü Daniéxü̃ tacü ga ãẽ̱xgacüxü̃ ningucuchixẽxẽ. Rü muxü̃ma ga mexẽchixü̃ ga ãmare nüxna naxã. Rü naétü nüxü̃ naxuneta nax ĩane ga Babiróniaarü probínchiaarü üyearü ãẽ̱xgacü yixĩxü̃ca̱x rü naeru yixĩxü̃ca̱x ga guxü̃ma ga yema ãẽ̱xgacüarü ucu̱xẽruü̃gü ga yema nachixü̃anewa yexmagüxü̃.

Danié 2:49

Rü nüma ga Danié rü ãẽ̱xgacüna naca nax nüxü̃ naxunetaxü̃ca̱x ga namücügü ga Chadrá rü Mechá rü Abex-negó nax yemagü norü ngü̃xẽẽruü̃gü yixĩgüxü̃ca̱x ga Babiróniaanewa. Rü nüma ga Danié rü ãẽ̱xgacüpatawatama nayexma nax yéma nüxü̃ nangü̃xẽẽxü̃ca̱x.

Danié 3:16

Rü yexguma ga yema tomaepü̱x ga ngextü̱xüxü̃gü rü nanangãxü̃gagü rü ñanagürügü: —Pa Ãẽ̱xgacüx, rü taxuca̱xma tü̱xcüü̃ yigü naxca̱x tachoxü̃gagü i ngẽma.

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Danié 3:30

Rü yemawena ga nüma ga ãẽ̱xgacü rü yexera rümemaexü̃ ga puracü yema tomaepü̱x ga ngextü̱xüxü̃güna naxã ga Babiróniaanewa.

Danié 6:13

Rü yexguma ga nümagü rü ñanagürügü: —Ngẽma Danié i Yudíu ga ãẽ̱xgacü ga Nabucudonochó nua gaxü̃ rü tama cuga naxĩnü, Pa Ãẽ̱xgacüx, rü tama naga naxĩnü i ngẽma mu i cuxunagüxü̃. Rü toma rü marü nüxü̃ tadau nax tomaepü̱xcüna norü Tupanamaxã nayumüxẽxü̃ i wüxichigü i ngunexü̃gu —ñanagürügü.

Danié 6:14

Rü yemaxü̃ naxĩnügu ga ãẽ̱xgacü rü poraãcü nangechaü̃ rü naguxü̃raxü̃ãcü naxca̱x nadau nax ñuxãcü Daniéxü̃ ínanguxuchixẽẽxü̃ rü ñu̱xmata yanaxücumare ga üa̱xcü.

Ngechuchuarü ngúexü̃gü ga yamugüxü̃arü puracüchiga 17:7

Rü Yachóü̃ nixĩ ga nayaxuxü̃ ga napatawa. Rü guxü̃ma i ngẽma yaxõgüxü̃ rü tama naga naxĩnüechaü̃ i tórü ãẽ̱xgacü ya Rómawa ngẽxmacüarü mugü, erü nüxü̃ nixugüe rü nangẽxma i to i ãẽ̱xgacü i Ngechuchu —ñanagürügü ga yema chixexü̃gü ga yatügü.

Ngechuchuarü ngúexü̃gü ga yamugüxü̃arü puracüchiga 5:28

—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.