Danié 3:10 - Tupanaarü Ore

^10-11 Rü cumax, Pa Ãẽ̱xgacü, rü guxãxü̃ma cumu nax nape̱xegu tacaxã́pü̱xügüxü̃ca̱x, rü nüxü̃ ticua̱xüü̃güxü̃ca̱x i ngẽma úirunaxca̱x i naxchicüna̱xã i ngẽxguma yacuegüãgu rü napaxgüãgu i ngẽma paxetaruü̃gü. Rü ñu̱xũchi nüxü̃ quixu rü yíxema tama nape̱xegu caxã́pü̱xügüxe, rü nüxü̃ icua̱xüü̃güxe, rü noxtacüma tá ngẽma poxcuchica i íya̱u̱xraxü̃gu tawocu.

Danié 3:10 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:16

Rü ñu̱xũchi nüma ga Dabí rü yema Lebítanüxü̃maxã icua̱xgüxü̃xü̃ namu nax nüxü̃ naxunetagüxü̃ca̱x ga wiyaetanüxü̃ rü paxetatanüxü̃ nax taãẽãcüma norü ngúchaü̃maxã napaxgüãxü̃ca̱x ga paxetaruü̃gü ga árpagü ga ixíraxü̃, rü árpagü ga ítáxü̃, rü platíyugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:28

Rü yemaacü nüma ga Dabí, rü guxü̃ma ga yema Iraétanüxü̃ rü nagu nicuegü ga carnéruchatacu̱xregü rü nanapaxgü ga platíyugü rü árpagü ga ixíraxü̃ rü árpagü ga ítáxü̃. Rü yemaacü taãẽãcü Yerucharéü̃wa nanangegü ga yema baú ga Tupanaarü mugü nagu nuxü̃.

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

Wiyaegü 94:20

Rü cumax, Pa Tupanax, tama namaxã cuxãmücü i ngẽma ãẽ̱xgacügü i guxchaxü̃arü mexẽẽruü̃gü i chixri duü̃xü̃gümaxã icua̱xgüxü̃ rü tama mea mugü nüxü̃ ixugüãcüma nanamexẽxẽ i duü̃xü̃güarü guxchaxü̃gü.

Ínachoxü̃xü̃chiga 1:22

Rü yemaca̱x ga nüma ga Faraóü̃ rü norü duü̃xü̃güxü̃ namu nax taxtü ga Níruwa tüxü̃ nawoü̃xü̃ca̱x ga guxema Iraétanüxü̃arü õxchanagü ga iyatüxe. Natürü ga guxema i ngexe ga õxchanagü rü tama tüxü̃ nadai.

Ngu̱xẽẽtaeruü̃arü ore 3:16

Rü ngẽma to i nüxü̃ chadauxü̃ nixĩ nax nangẽxmaxü̃ i taxü̃ i chixexü̃ rü ãẽ̱xgacügü diẽruca̱x chixri duü̃xü̃gümaxã inacua̱xgü. Rü ngẽmaãcü nangupetü nawa i ñoma i naane i ngextá chi mea nügümaxã inacua̱xgüxü̃wa i duü̃xü̃gü rü mexü̃gu nügümaxã ínaxĩnüexü̃wa.

Ichaía 10:1

¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Danié 6:12

Rü yexgumatama norü ãẽ̱xgacü ga Daríuxü̃tawa naxĩ nax namaxã yanadexagüxü̃ca̱x nachiga ga yema mu. Rü ñanagürügü nüxü̃: —Pa Ãẽ̱xgacüx, cuma rü marü cunaxunagü i wüxi i mu i nawa nüxü̃ quixuxü̃ rü texé ya ñaa 30 i ngunexü̃gügu naxüamáxe nax tümaarü tupanaarü ngü̃xẽẽca̱x ítaca̱a̱xü̃maxã, rüe̱xna ngexü̃rüüxü̃mare i yatüna taca̱xaxü̃ rü tama i cuxna, Pa Ãẽ̱xgacüx, rü tá leóü̃tanügu tita̱xcuchi. ¿Rü tama ẽ̱xna i ngẽma ñaxü̃ yixĩxü̃ i ngẽma mu? —ñanagürügü. Rü nüma ga ãẽ̱xgacü rü nanangãxü̃ rü ñanagürü: —Ngẽmáacü ngẽma ñaxü̃ nixĩ. Rü ngẽma mu rü nanaxwa̱xe nax yanguxü̃ erü yixema i Médiaanecüã̱xgü rü Pérchiaanecüã̱xgü rü taxuacüma texé tayanaxoxẽxẽ i tórü mugü —ñanagürü.

Amúx 6:5

Rü perü árpagümaxã pepaxetagü natürü tama pexü̃́ naxuegu. Rü Dabíxü̃ peyadauxü̃ nax perü paxetaruü̃gü ípexüxü̃xü̃.

Ore i mexü̃ ga Cuáü̃ ümatüxü̃ 11:57

Rü yema Parichéugü rü chacherdótegüarü ãẽ̱xgacügü rü duü̃xü̃güna naxãgagü, rü ñanagürügü: —Ngẽxguma ngextá nüxü̃ pedaugügu i ngẽma Ngechuchu, ¡rü tomaxã nüxü̃ peyarüxu nax tayayauxgüxü̃ca̱x! —ñanagürügü.