Danié 2:9 - Tupanaarü Ore

⁹ Rü ngẽmaca̱x ngẽxguma tama chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃ rü guxãtáma i pemax rü tá pexna nangu i ngẽma poxcu i chaxueguxü̃. Rü pemax rü wüxigu pegü pixucu̱xẽgü nax doraxü̃ chomaxã pixuxü̃ca̱x nax ngẽmaãcü nüxü̃ charüngümaxü̃ i ngẽma chaunegü rü tama pexü̃ chapoxcuexü̃ca̱x. ¡Rü ẽcü chomaxã nüxü̃ pixu i ñuxãcü nax yixĩxü̃ i ngẽma chaunegü! Rü ngẽmawa tá nüxü̃ chacua̱x nax nüxü̃ pecuáxü̃ nax chomaxã nüxü̃ pixuxü̃ nax ta̱xacüchiga yixĩxü̃ —ñanagürü.

Danié 2:9 Iomraidhean Croise

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Nüxíraxü̃xü̃ ga popera ga ãẽ̱xgacügüchiga 22:6

Rü nüma ga Iraéanecüã̱xarü ãẽ̱xgacü rü nanangutaque̱xexẽxẽ ga wixgutaa̱x 400 ga orearü uruü̃gü ga nüxü̃́ nayaxõxü̃. Rü yemagüna naca rü ñanagürü: —¿Marü namexü̃ yixĩxü̃ rüe̱xna tama nax napuxü̃ ya yima ĩane ya Ramóx ya Garaáxanewa ngẽxmane? —ñanagürü. Rü yema orearü uruü̃gü rü nanangãxü̃gü rü ñanagürügü: —Marü name i naxca̱x ípeyaxüãchi nax peyapuxü̃ca̱x erü Cori ya Tupana rü marü cuxna nanaxã —ñanagürügü.

Ester 4:11

—Guxü̃ma i duü̃xü̃gü rü nüxü̃ nacua̱x rü ngẽxguma texé ãẽ̱xgacüxü̃tawa ũmaregu rü tama nüma tümaca̱x nangemaãcüma rü tayu ega nüma ya ãẽ̱xgacü rü tama norü úirumena̱xã nawe̱xnagügu. Rü chomax rü marü 30 i ngunexü̃ taguma cha̱u̱xca̱x nangema ya ãẽ̱xgacü —ngĩgürügü.

Ucu̱xẽgüchiga 12:19

Yíxema ore i aixcümaxü̃ ixuxe, rü ngẽma tümaarü ore rü taguma inarüxo. Natürü ngẽma doraxü̃ ixuxü̃, rü ngẽma norü ore, rü paxa tá inarüxo.

Ichaía 41:23

¡Rü ñu̱xũchi tomaxã nüxü̃ pixu i ngẽma tá ñu̱xmawena ngupetüxü̃! ¡Rü toxü̃ penawé nax aixcüma tupanagü pixĩgüxü̃! ¡Rü penaxü̱x i ngẽma nüxü̃ pecuáxü̃, rü mexü̃ rüe̱xna chixexü̃, nax ngẽmaãcü nüxü̃ tadaugüxü̃ca̱x rü tamuü̃exü̃ca̱x!

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Echequié 13:17

Rü nüma ga Cori ya Tupana rü ñanagürü choxü̃: —Rü ñu̱xma, Pa Yatüx, ¡natanüwa naxũ i ngẽma curü ĩanecüã̱x i ngexü̃gü i chauégagu nüxü̃ ixugüxü̃ i ore i nügüxãẽwatama nayauxgüxü̃ nax ta̱xacü tá ngupetüxü̃!

Echequié 13:19

Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Echequié 13:6

Rü ngẽma norü ngo̱xetügü rü doramare nixĩ. Rü ngẽma nüxü̃ yaxugüxü̃ i tá ngupetüxü̃ rü doramare nixĩ. Rü nüxü̃ nixugüe nax choma namaxã nüxü̃ chixuxü̃ i ore natürü tama choma nixĩ i chayadexaxẽẽxü̃. Rü nümagü rü ínanangu̱xẽxẽ nax yanguxü̃ca̱x i ngẽma ore i nüxü̃ yaxugüxü̃.

Danié 2:16

Rü yexguma ga nüma ga Danié rü ãẽ̱xgacüxü̃tawa naxũ nax nüxna yaca̱xaxü̃ca̱x, rü ñanagürü nüxü̃: —¡Pa Ãẽ̱xgacüx, choxna naxã i ñuxre i ngunexü̃! Rü choma rü tá cumaxã nüxü̃ chixu nax ñuxũ ñaxü̃ i ngẽma cunegü rü ta̱xacüchiga yixĩxü̃ —ñanagürü.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Danié 2:8

Rü nüma ga ãẽ̱xgacü nanangãxü̃, rü ñanagürü: —Ñu̱xma rü meama nüxü̃ chacua̱x nax ta̱xacüca̱x tama paxa chomaxã nüxü̃ pixuxchaü̃xü̃ erü ípenangu̱xẽxẽ nax choxna nanguxü̃ i ngẽma ãũcümaxü̃ i nagu chaxãnegüxü̃.

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Danié 5:31

Rü Daríu ga Médiaanecüã̱xgüarü ãẽ̱xgacü rü Berchacháchicüxü nixücu nax ãẽ̱xgacü yixĩxü̃ca̱x. Rü nüma ga Daríu rü 62 ga taunecü nüxü̃́ nayexma ga yexguma.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.