Danié 2:8 - Tupanaarü Ore

⁸ Rü nüma ga ãẽ̱xgacü nanangãxü̃, rü ñanagürü: —Ñu̱xma rü meama nüxü̃ chacua̱x nax ta̱xacüca̱x tama paxa chomaxã nüxü̃ pixuxchaü̃xü̃ erü ípenangu̱xẽxẽ nax choxna nanguxü̃ i ngẽma ãũcümaxü̃ i nagu chaxãnegüxü̃.

Danié 2:8 Iomraidhean Croise

Danié 2:7

Rü nüma ga yema yatügü ga cua̱x nüxü̃́ yexmagüxü̃ rü wena nanangãxü̃ga rü ñanagürügü: —Pa Ãẽ̱xgacüx ¡tomaxã nüxü̃ ixu i ngẽma cunegü! Rü toma rü tá cumaxã nüxü̃ tixu nax ta̱xacüchiga yixĩxü̃ —ñanagürügü.

Danié 2:9

Rü ngẽmaca̱x ngẽxguma tama chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃ rü guxãtáma i pemax rü tá pexna nangu i ngẽma poxcu i chaxueguxü̃. Rü pemax rü wüxigu pegü pixucu̱xẽgü nax doraxü̃ chomaxã pixuxü̃ca̱x nax ngẽmaãcü nüxü̃ charüngümaxü̃ i ngẽma chaunegü rü tama pexü̃ chapoxcuexü̃ca̱x. ¡Rü ẽcü chomaxã nüxü̃ pixu i ñuxãcü nax yixĩxü̃ i ngẽma chaunegü! Rü ngẽmawa tá nüxü̃ chacua̱x nax nüxü̃ pecuáxü̃ nax chomaxã nüxü̃ pixuxü̃ nax ta̱xacüchiga yixĩxü̃ —ñanagürü.

Efesios 5:16

¡Rü ñu̱xma nax Tupana pexü̃́ natauxchaxẽẽxü̃ rü peyoxniẽ nax penaxüxü̃ i ngẽma nüma nanaxwa̱xexü̃! Erü ñomaü̃cüü rü muxü̃ma i chixexü̃gü ínangugü.

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!