Danié 2:7 - Tupanaarü Ore

⁷ Rü nüma ga yema yatügü ga cua̱x nüxü̃́ yexmagüxü̃ rü wena nanangãxü̃ga rü ñanagürügü: —Pa Ãẽ̱xgacüx ¡tomaxã nüxü̃ ixu i ngẽma cunegü! Rü toma rü tá cumaxã nüxü̃ tixu nax ta̱xacüchiga yixĩxü̃ —ñanagürügü.

Danié 2:7 Iomraidhean Croise

Ngu̱xẽẽtaeruü̃arü ore 10:4

Rü ngẽxguma cumaxã nanuxgu i curü ãẽ̱xgacü rü tama name i namaxã cunu. Rü wüxi i duü̃xü̃ i naãẽxü̃ cuáxü̃ rü yáxna namaxã naxĩnü i ngẽma guxchaxü̃gü.

Danié 2:4

Rü nüma ga yema iyuüxü̃ ga nüxü̃ icua̱xüchigüxü̃ rü ãẽ̱xgacüxü̃ nangãxü̃gü rü ñanagürügü: —¡Guxü̃guma namaxü̃, Pa Ãẽ̱xgacüx! ¡Rü tomaxã nüxü̃ ixu i cunegü! Rü toma nax curü ngü̃xẽẽruü̃gü tixĩgüxü̃ rü tá cumaxã nüxü̃ tixu nax ta̱xacüchiga yixĩxü̃ —ñanagürügü.

Danié 2:8

Rü nüma ga ãẽ̱xgacü nanangãxü̃, rü ñanagürü: —Ñu̱xma rü meama nüxü̃ chacua̱x nax ta̱xacüca̱x tama paxa chomaxã nüxü̃ pixuxchaü̃xü̃ erü ípenangu̱xẽxẽ nax choxna nanguxü̃ i ngẽma ãũcümaxü̃ i nagu chaxãnegüxü̃.

Danié 2:9

Rü ngẽmaca̱x ngẽxguma tama chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃ rü guxãtáma i pemax rü tá pexna nangu i ngẽma poxcu i chaxueguxü̃. Rü pemax rü wüxigu pegü pixucu̱xẽgü nax doraxü̃ chomaxã pixuxü̃ca̱x nax ngẽmaãcü nüxü̃ charüngümaxü̃ i ngẽma chaunegü rü tama pexü̃ chapoxcuexü̃ca̱x. ¡Rü ẽcü chomaxã nüxü̃ pixu i ñuxãcü nax yixĩxü̃ i ngẽma chaunegü! Rü ngẽmawa tá nüxü̃ chacua̱x nax nüxü̃ pecuáxü̃ nax chomaxã nüxü̃ pixuxü̃ nax ta̱xacüchiga yixĩxü̃ —ñanagürü.

Danié 4:7

Rü guxü̃ma ga yema yuüxü̃gü rü yema ẽxü̃guxü̃ cua̱xgüxü̃ rü yema nüxü̃ icua̱xüchixü̃ rü yema woramacuriwa ngúexü̃ ga Babiróniaanecüã̱x rü chauxü̃tawa naxĩ. Rü choma rü namaxã nüxü̃ chixu ga yema nagu chaxãnegüxü̃, natürü tama nüxü̃ nacua̱xgü nax ta̱xacüchiga yixĩxü̃ ga yema nagu chaxãnegüxü̃.