Danié 2:22 - Tupanaarü Ore

²² Rü nüma rü tüxü̃ nüxü̃ nacua̱xẽxẽ i ngẽma cua̱x i ẽxü̃guxü̃. Rü nüxü̃ nacua̱x i ngẽma ẽanexü̃wa üxü̃ erü nüma rü ngóonexü̃wa nangẽxma.

Danié 2:22 Iomraidhean Croise

Naanearü ügüchiga 41:16

Rü yexguma ga Yúche rü nanangãxü̃ rü ñanagürü: —Pa Chorü Ãẽ̱xgacüx, ngẽma rü tama chowa nangẽxma, natürü Tupana tá nixĩ ya cuxca̱x nango̱xẽẽcü —ñanagürü.

Yox 12:22

Rü nanango̱xẽxẽ i ngẽma ẽxü̃guxü̃ i meama icúxü̃. Rü ngóxü̃wa nanange i ngẽma ẽanexü̃wa ngẽxmagüxü̃.

Yox 26:6

Rü Tupanape̱xewa rü nataxuma i ta̱xacü icúxü̃ rü woo ngẽma yuexü̃arü naxmaxü̃gü rü Tupanape̱xewa rü ínangegü.

Wiyaegü 104:2

Rü cuma rü curü ngóonexü̃arü ngãxü̃wa cungexma. Rü cuma rü cuyangeechi ga daxũguxü̃ ga naane ñoma wüxi i tüeruxü̃ ingeechixü̃rüxü̃.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Wiyaegü 36:9

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.

Ngu̱xẽẽtaeruü̃arü ore 8:1

¿Texé tá ngẽma yatü i cua̱x nüxü̃́ ngẽxmaxü̃gu tügü tangu? ¿Rü texé nüxü̃ tacua̱x i ta̱xacüca̱x nax yixĩxü̃ i guxü̃ma i ñoma i naanewa ngẽxmaxü̃? Rü ngẽma yatü i cua̱x nüxü̃́ ngẽxmaxü̃ rü nataãẽchiwe rü tama nanuchiwe.

Ichaía 41:22

¡Rü nua pexĩ rü tomaxã nüxü̃ pixugü i ngẽma tá ngupetüxü̃, rü ñu̱xũchi tomaxã nüxü̃ pixugü rü ta̱xacüchiga nixĩ i ngẽma marü ngupetüxü̃ rü ñu̱xũchi tá pexü̃ itarüxĩnüe! ¡Rü tomaxã nüxü̃ pixugü i ngẽma tá ínguxü̃ nax ngẽmaãcü nüxü̃ tadaugüxü̃ca̱x i ngẽma tá ngupetüxü̃!

Ichaía 41:26

¿Rü noxriarü ügügutama texé tixĩxü̃ ga nüxü̃ ixuxe i ngẽma tá ngupetüxü̃ nax ngẽmaãcü nüxü̃ icuáxü̃ca̱x? ¿Rü texé tixĩxü̃ ga naxü̃pa nüxü̃ ixuxe i ngẽma tá ngupetüxü̃ nax ngẽmaãcü nüxü̃ tixugüxü̃ca̱x nax aixcüma yixĩxü̃ i ngẽma nüxü̃ tixuxü̃? Rü pema nax tupananetagü pixĩgüxü̃ rü petanüwa taxúema tixĩ ga nüxü̃ ixuxe i ngẽma tá ngupetüxü̃, rü bai ya texé nüxü̃ ĩnüxü̃ i wüxi i perü dexa nachiga i ngẽma tá ngupetüxü̃.

Ichaía 42:9

Rü dücax, rü marü ningu ga yema ü̃pa nüxíra nüxü̃ chixuxü̃. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü naxü̃pa i ngẽma tá ínguxü̃ —ñanagürü ya Tupana.

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Danié 2:11

Pa Ãẽ̱xgacüx, rü ngẽma naxca̱x ícuca̱xaxü̃ rü poraãcü naguxchaxüchi rü tataxuma ya texé ya nüxü̃ cuáxe nax nüxü̃ tixuxü̃ nax ta̱xacüchiga nax yixĩxü̃ i ngẽma nagu cuxãnegüxü̃. Rü ngẽma tachixü̃anearü tupanagüxicatama nixĩ i nüxü̃ cuáxü̃ nax ta̱xacüchiga nax yixĩxü̃, natürü nümagü rü tama nua duü̃xü̃gütanüwa namaxẽ —ñanagürügü.

Danié 2:19

Rü yema chütaxü̃gu rü Tupana Daniéca̱x nanango̱xẽxẽ ga ta̱xacüchiga nax yixĩxü̃ ga yema ãẽ̱xgacü nagu ãnegüxü̃. Rü yemaca̱x nüma ga Danié rü Tupanaxü̃ nicua̱xüxü̃ rü ñanagürü:

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Danié 5:11

Erü nua cuxme̱xwa nangẽxma i wüxi i yatü ya Tupana ya Üünecüãxẽ nawa ngẽxmaxü̃. Rü yexguma guma cunatü ya Nabucudonochó ãẽ̱xgacü ixĩxgu, rü yema yatü inanawe̱x nax tupanagürüxü̃ aixcüma naãẽxü̃ nacuáxü̃. Rü yemaca̱x ga guma cunatü rü guxü̃ma ga norü ucu̱xẽruü̃güeru nayaxĩxẽxẽ.

Danié 5:14

Rü chomaxã nüxü̃ nixugü nax tupanagüãxẽ cuwa ngẽxmaxü̃, rü ngẽmaca̱x nixĩ i cua̱x cuxü̃́ ngẽxmaxü̃ rü nüxü̃ cucua̱xüchixü̃.

Ore i mexü̃ ga Matéu ümatüxü̃ 13:13

Rü ngẽmaca̱x nixĩ i ore i cua̱xruü̃maxã chanangúexẽẽxü̃ i ngẽma duü̃xü̃gü. Erü nümagü rü woo nüxü̃ nadaugügu, rü ñoma tama nüxü̃ nadaugüxü̃rüxü̃ nixĩgü. Rü woo nüxü̃ naxĩnüegu, rü ñoma tama nüxü̃ naxĩnüexü̃rüxü̃ nixĩgü. Rü tama nüxü̃ nacua̱xgüéga.

Ore i mexü̃ ga Cuáü̃ ümatüxü̃ 1:9

Rü ñoma ga naanewa nangu ya Tupana Nane ya omü ixĩcü ya guxü̃ma i duü̃xü̃güca̱x nangóonexẽẽcü.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Efesios 3:5

Rü yema ore ga nüxicatama nüxü̃ nacuáxü̃ ga Tupana rü taxúexü̃ma nüxü̃ nacua̱xẽẽxü̃ ga noxrix. Natürü i ñu̱xma ya Tupana rü Naãxẽ ya Üünexü̃wa marü nanango̱xẽxẽ i ngẽma ore naxca̱x i Tupanaarü duü̃xü̃gü i üünexü̃ i yamugüxü̃ rü norü orearü uruü̃gü.

Wenaxarü naxümatü ga Tupanaarü mugü 29:28

Rü yemaca̱x nixĩ ga Cori ya Tupana rü namaxã nanuxũchixü̃ rü nachixü̃anewa ínawoxü̃ãxü̃ rü to ga nachixü̃anegüwa namugüãxü̃. Rü yema nixĩ ga namaxã ngupetüxü̃ ga yema duü̃xü̃gü. Rü ñu̱xma rü ta rü ngẽmaãcü nixĩ”, ñanagürügü tá.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:16

Rü nüxicatama nixĩ i guxü̃guma namaxechaxü̃. Rü nüma rü poraãcü ínangóonexü̃wa namaxü̃, rü taxucürüwa texé ngẽma ngóonexü̃na tangaicama. Taguma wüxi i duü̃xü̃ nüxü̃ nadau, rü taxuacüma texé nüxü̃ tadau. Rü name nax guxü̃ma nüxü̃ icua̱xüü̃güxü̃, erü nüma rü guxü̃guma Ãẽ̱xgacü nixĩ. Rü ngẽmaãcü yixĩ.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Nüxíraxü̃xü̃ ga popera ga Cuáü̃ ümatüxü̃ 1:5

Rü ñaa nixĩ ga ore ga tomaxã nüxü̃ yaxuxü̃ ga Ngechuchu ya Cristu. Rü pemaxã nüxü̃ tixu nax ngóonexü̃ yixĩxü̃ ya Tupana, rü nawa rü nataxuma i ẽanexü̃, rü bai i íxraxü̃.