Danié 12:6 - Tupanaarü Ore

⁶ Rü wüxi ga yema yatü rü yema línuchimaxã ãxchiruxü̃ ga natüétügu chixü̃na naca rü ñanagürü nüxü̃: —¿Ñuxgu tá nixĩ i yaguxü̃ i ngẽma taxü̃ i tá ngupetüxü̃? —ñanagürü.

Danié 12:6 Iomraidhean Croise

Wiyaegü 74:9

Rü ñu̱xma rü marü nataxuma ya cupata rü nataxuma i curü orearü uruü̃gü. Rü tama nüxü̃ tacua̱x nax ñuxgu tá nangupetüxü̃ i ñaa guxchaxü̃ i toétüwa ngẽxmaxü̃.

Echequié 9:2

Rü ñu̱xũchi nüxü̃ chadau ga 6 ga yatügü ga guma ĩanegu chocuxü̃ nawa ga yema norü ĩã̱x ga dauxchitawaama üxü̃ ga nórtewa. Rü wüxichigü ga yema yatügü rü nayange ga wüxi ga naxne ga ma̱xeruxü̃. Rü yemaarü ngãxü̃tanügu nixũchigü ga wüxi ga yatü ga línuchimaxã ãxchiruxü̃. Rü norü goyexü̃wa nayangaxcuchiweü̃ ga norü ümatüruxü̃. Rü yema yatügü rü Tupanapataa̱xtügu nachocu, rü yema ãmarearü guruxü̃ ga bróũchenaxca̱xü̃tawa nayachaxãchitanü.

Danié 12:5

Rü choma i Danié rü nüxü̃ chadau ga to ga taxre ga yatü. Rü wüxi rü yema natüarü tocutügu nachi rü yema to rü norü toxpechinügu nachi.

Danié 12:8

Choma rü nüxü̃ chaxĩnü ga yema nüxü̃ yaxuxü̃, natürü tama nüxü̃ chacua̱xéga nax ta̱xacüchiga yixĩxü̃. Rü yemaca̱x nüxna chaca rü ñachagürü: —Pa Corix ¿ta̱xacü tá nangupetü nawena i guxü̃ma i ngẽma? —ñachagürü.

Danié 8:13

Yemawena rü nüxü̃ chaxĩnü nax wüxi ga orearü ngeruxü̃ i daxũcüã̱x rü to ga orearü ngeruxü̃na naca̱xaxü̃ rü ñanagürü: —¿Ñuxgu tá iyacuáxü̃ i ñaa chixexü̃ i ñu̱xma ãmarechicawa nüxü̃ idauxü̃ ga noxri wüxichigü ga ngunexü̃gu Tupanaca̱x ãmare ígugüxü̃wa? ¿Rü ñuxgu tá nagúxü̃ i ngẽma? ¿Rü ñuxgu tá Tupana inayacua̱xẽxẽ nax pecadu nawa naxügüxü̃ ya napata? ¿Rü ñuxguratáta Tupana inayacua̱xẽxẽ nax ngẽma uanü chixri tümamaxã inacuáxü̃ ya yíxema nüxü̃́ yaxõgüxe? —ñanagürü.

Danié 8:16

Rü nüxü̃ chaxĩnü ga wüxi ga naga ga naduü̃xü̃garaxü̃xü̃ ga natü ga Uráiwa inaxũxü̃ ga ñaxü̃: —¡Pa Gábix, yimá yatümaxã nüxü̃ ixu nax ta̱xacüchiga yixĩxü̃ i ngẽma nüxü̃ nadauxü̃! —ñaxü̃.

Ore i mexü̃ ga Matéu ümatüxü̃ 24:3

Rü ñu̱xũchi Oribunecüarü Ma̱xpǘnewa naxĩ. Rü yexguma guma ma̱xpǘnewa nato̱xgu ga Ngechuchu rü norü ngúexü̃gü naxü̃tawa naxĩ nax nüxicatama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ nax wena núma cuxũxü̃ rü nagúxü̃ i naane? —ñanagürügü.

Efesios 3:10

Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:6

Rü gumá Tupanapata ya taxü̃newa ínachoxü̃ ga yema 7 ga orearü ngeruü̃gü ga daxũcüã̱x ga nüxü̃́ nayexmagüxü̃ ga yema 7 ga poxcuruü̃gü. Rü línuchinaxca̱x ga naxchiru ga mexẽchixü̃maxã rü iyauracüüxü̃maxã nixãxchiru. Rü naremüwa nüxü̃́ nayexma ga norü goyeremüruü̃gü ga úirunaxca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:14

Rü nawe narüxĩ ga guxü̃ma ga churaragü ga daxũcüã̱x. Rü nümagü rü naxchiru ga imexẽchixü̃ rü cómüxü̃ ga línuchinaxca̱xmaxã nixãxchiru. Rü cowarugü ga icómüxü̃étügu naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.