Danié 12:10 - Tupanaarü Ore

¹⁰ Rü muxü̃tama nawa nachopetü i ngẽma ngúxü̃gü i nüxü̃ chixuxü̃, natürü ngẽmawena rü Tupanape̱xewa rü mexü̃ i duü̃xü̃gü tá nixĩgü rü nataxutáma i chixexü̃ i nagu naxĩnüexü̃. Natürü ngẽma chixexü̃gu maxẽxü̃ i duü̃xü̃gü rü chixexü̃ tá naxügüama rü taxũtáma nüxü̃ nicua̱xãchi i ngẽma ngupetüxü̃. Natürü ngẽma yatügü i aixcüma cua̱x nüxü̃́ ngẽxmagüxü̃ rü tá meama nüxü̃ nacua̱xgü i guxü̃ma i ngẽma ngupetüxü̃.

Danié 12:10 Iomraidhean Croise

Yema Cuáü̃ nüxü̃ dauxü̃ i yixcüra tá ngupetüxü̃chiga 22:11

Natürü ngẽma chixexü̃ ügüxü̃, rü nüetama nixĩ nax chixexü̃ naxügüamáxü̃. Rü ngẽma chixexü̃gu maxẽxü̃, rü nüetama nixĩ nax chixexü̃gu namaxẽxü̃. Natürü yíxema mexü̃ ügüxe, rü name nixĩ i yexera mexü̃ taxügüechaxü̃. Rü yíxema Tupanape̱xewa ixüünexe, rü name nixĩ nax yexera tügü tixüünexẽxẽ”, ñanagürü.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ore i mexü̃ ga Cuáü̃ ümatüxü̃ 8:47

Yíxema Tupanaarü duü̃xü̃ ixĩxẽ rü itarüxĩnü i Tupanaarü ore. Natürü i pema rü tama Tupanaarü duü̃xü̃gü pixĩgü, rü ngẽmaca̱x nixĩ i tama iperüxĩnüechaü̃xü̃ i Tupanaarü ore —ñanagürü.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 7:17

Ngẽxguma texé naxüxchaü̃gu i Tupanaarü ngúchaü̃ rü tá nüxü̃ tacua̱x rü aixcüma Tupanaxü̃tawa chanayaxu i ngẽma chorü ngu̱xẽẽtae rü ẽ̱xna chaugüxü̃tawatama chanayaxu i ngẽma.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Ucu̱xẽgüchiga 1:5

Yíxema cua̱x tüxü̃́ ngẽxmaxe rü itarüxĩnü i ñaa ucu̱xẽgü nax ngẽmaãcü yexera cua̱x tüxü̃́ ngẽxmaxü̃ca̱x, rü yexera tümaãẽxü̃ tacuáxü̃ca̱x.

Nüxíraxü̃xü̃ ga popera ga Pedru ümatüxü̃ 1:7

Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

Danié 11:33

Rü yíxema duü̃xẽgü i nüxü̃ icuáxe rü tá muxetama i duü̃xü̃güxü̃ tangúexẽxẽ nax aixcüma Tupanaca̱x tamaxẽxü̃ca̱x. Natürü yíxema duü̃xẽgü ya ngúexẽẽtaegüxe rü ñuxre rü tá taramaxã tüxü̃ nadai rü tümaxe rü tá tüxü̃ nigu. Rü tá tüxü̃́ nanade i guxü̃ma i tümaarü ngẽmaxü̃gü. Rü tümaxe rü tá togü i nachixü̃anegüwa tüxü̃ nagagü nax puracütanüxü̃ tixĩgüxü̃ca̱x. Natürü ngẽma rü taxũtáma nũxcü narüxo.

Echequié 47:11

Natürü ngẽma ãcharaxanexü̃wa rü ngóxü̃wa rü taxũtáma nangẽxma i dexá i mexü̃. Rü ngéma ngẽxmaxü̃ i dexá rü tá nayucürachíxü nax ngéma yucüra nayauxgüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:14

Rü nawe narüxĩ ga guxü̃ma ga churaragü ga daxũcüã̱x. Rü nümagü rü naxchiru ga imexẽchixü̃ rü cómüxü̃ ga línuchinaxca̱xmaxã nixãxchiru. Rü cowarugü ga icómüxü̃étügu naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:8

Rü ngẽma tá namaxã naxãmücüxü̃na nanaxã i mexẽchixü̃ rü cómüxü̃ rü iya̱u̱xracüüxü̃ i naxchiru nax namaxã yaxãxchiruxü̃”, ñanagürügü. Rü ngẽma naxchiru i mexẽchixü̃ rü ngẽma nixĩ i ngẽma duü̃xü̃güarü maxü̃ i mexü̃chiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:11

Natürü woo yemaacü nüxü̃ nax nangupetüxü̃ ga duü̃xü̃gü, rü tama nüxü̃ narüxoechaü̃ ga yema chixexü̃ ga naxügüxü̃. Rü yema nax poraãcü nüxü̃́ nangúxü̃ ga norü taixnagü, rü naguxchigagüama namaxã ga Tupana ya daxũgucü.

Nüxíraxü̃xü̃ ga popera ga Pedru ümatüxü̃ 1:22

Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.

Popera ga Yudíugü ga yaxõgüxü̃ca̱x ümatüxü̃ 12:10

Rü tanatügü rü ñaa tórü maxü̃ i nuxuxü̃wa tüxü̃ taxucu̱xẽgü nax tüma tanaxwa̱xegüxü̃ãcüma imaxẽxü̃ca̱x. Natürü ya Tupana rü tórü mexü̃ca̱x nixĩ i tüxü̃ iyanawe̱xãchixẽẽxü̃ nax naxrüxü̃ ixüünegüxü̃ca̱x.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Ore i mexü̃ ga Márcu ümatüxü̃ 4:11

Rü nüma nanangãxü̃ rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü nax yixĩxü̃ i nümax. Natürü ngẽma togü i duü̃xü̃gü rü cua̱xruü̃gu chayaxuãcüma namaxã nüxü̃ chixu i ngẽma ore, erü woo nüxü̃ nadaugügu rü ñoma tama nüxü̃ nadaugüxü̃rüxü̃ nixĩgü, rü woo nüxü̃ naxĩnüegu rü ñoma tama nüxü̃ naxĩnüexü̃rüxü̃ nixĩgü. Rü ngẽmaca̱x cua̱xruxü̃gu namaxã nüxü̃ chixu i ore erü tama nüxü̃ narüxoechaü̃ i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü —ñanagürü.

Danié 12:3

Rü ngẽma naãẽxü̃ icuáxü̃ i Tupanaga ĩnüexü̃ rü ñoma ngóonexü̃rüxü̃ tá nanangóonexẽẽgü. Rü ngẽma to̱xguexü̃ ngúexẽẽxü̃ nax Tupanawe tarüxĩxü̃ca̱x rü ñoma woramacurigürüxü̃ tá ngéma nanaitanü.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Wiyaegü 107:43

Rü yíxema tümaãẽxü̃ cuáxe rü name nixĩ i nagu tarüxĩnüxü̃ i ñaa tümamaxã nüxü̃ chixuxü̃ nax ngẽmaãcü nüxü̃ tacuáxü̃ca̱x nax poraãcü tüxü̃ nangechaü̃xü̃ ya tórü Cori ya Tupana.

Wiyaegü 51:7

¡Rü ẽcü ngẽma maxcuruü̃maxã choxü̃ namaxcuxü̃ne nax iyanaxoxü̃ca̱x i chorü chixexü̃! Rü ngẽmaãcü i chorü maxü̃ rü cupe̱xewa rü gáuxü̃te̱xe i cómüxü̃arü yexera tá nacómüxü̃.

1 Chamué 24:13

Ngẽma nũxcümaü̃xü̃ i dexa rü ñanagürü: “Ngẽma chixexü̃ rü chixexü̃arü uruü̃güwa ne naxũ”, ñanagürü. Rü ngẽmaca̱x i chomax, Pa Ãẽ̱xgacüx, rü tagutáma nagu charüxĩnü nax cuxü̃ chimáxü̃.

Maraquía 3:3

Rü nüma ya Cori rü tá ínarüto nax ínapigüãxü̃ca̱x i norü chixexü̃ i ngẽma chacherdótegü i Lebítanüxü̃, ñoma diẽrumü rü úiru norü üxaxü̃ca̱x üxüwa iguxü̃rüxü̃. Rü ngẽmawena rü tá marü name i ngẽma chacherdótegü nax Cori ya Tupana naxwa̱xexü̃ãcü ngéma nape̱xewa nangegüãxü̃ i norü ãmaregü.