Danié 11:2 - Tupanaarü Ore

² Ñu̱xma rü tá cuxü̃ nüxü̃ chacua̱xẽxẽ i ngẽma aixcüma ixĩxü̃: Rü marü tomaepü̱x i ãẽ̱xgacügü Pérchiaanemaxã icua̱xguwena, rü tá nixücu i norü ãgümücü i ãẽ̱xgacü. Rü nüma rü tá ngẽma tomaepü̱xü̃arü yexera nadiẽruã̱xü̃chi. Rü ngẽma norü diẽrumaxã tá nügü ínarüpora rü Gréchiacüã̱xgümaxã tá nügü nadai.

Danié 11:2 Iomraidhean Croise

Édra 4:24

Rü yemaacü nixĩ ga íyachaxãchixü̃ ga Tupanapata ga taxü̃nearü mexẽxẽ ga Yerucharéü̃wa. Rü tama nawa napuracüe ñu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.

Édra 4:7

Rü gumá taunecü ga Artayére ãẽ̱xgacü ixĩxgu ga Pérchiaanewa rü Biráü̃, rü Miridáte rü Tabeé rü naétü togü ga namücügümaxã ãẽ̱xgacü ga Artayéreca̱x nanaxümatügü ga wüxi ga popera. Rü yema popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ rü Araméugawa nanaxümatügü rü ñu̱xũchi yema naga ga ãẽ̱xgacü ga Artayére nawa idexaxü̃wa nanaxümatügü.

Ester 1:1

Rü nüma ga Achuéru rü ãẽ̱xgacü nixĩ ga Médiaanewa rü Pérchiaanewa. Rü yema norü naane rü 127 gu nixüye. Rü Índiaanewa inaxügü rü ñu̱xmata Etiopíaanewa nangu ga norü ta.

Danié 10:1

Rü gumá norü tomaepü̱x ga taunecü nax ãẽ̱xgacü yixĩxü̃ ga Chíru ga Pérchiaanewa, rü choma ga Danié ga Betachámaxã choxü̃ naxugüe rü Tupana choxü̃ nüxü̃ nadauxẽxẽ i ngẽma tá ngupetüxü̃. Rü yema nüxü̃ chadauxü̃ rü aixcüma nixĩ, natürü poraãcü naguxcha nax nüxü̃ icuáxü̃ nax ta̱xacüchiga yixĩxü̃. Natürü ga choma rü meama chanangugü nax ta̱xacüchiga yixĩxü̃ rü yemaacü nüxü̃ chacua̱xama ga yema nüxü̃ chadauxü̃.

Danié 11:25

Rü ngẽma nax nügü nacuáxü̃ nax naporaxü̃ rü tama namuü̃xü̃ rü ngẽmaca̱x i nüma i Nórteanearü ãẽ̱xgacü rü muxü̃ma i norü churaragümaxã tá ngẽma Súranearü ãẽ̱xgacüca̱x ínayagoõchi. Rü nüma i ngẽma Súranearü ãẽ̱xgacü rü tá nügü namaxã nadai, natürü taxũtáma nüxü̃ narüporamae erü namücügütama tá nanaechitaegü.

Danié 7:5

Rü yema norü taxre ga ngo̱xo rü nanaxósoraxü̃, natürü yema norü wüxicüwawa rü narümáchanemae. Yema rü naã̱xwa rü nüxü̃ naxüxü̃ ga tomaepü̱x ga naga. Rü ñu̱xũchi nüxü̃ chaxĩnü ga wüxi ga ore ga nüxü̃ ñaxü̃: “¡Ngéma naxũ rü yangõ̱xcu i guxü̃ma i namachi i cuxü̃́ tauxchaxü̃ nax cunangṍxü̃!” ñaxü̃.

Danié 8:21

Rü ngẽma chíbu rü Gréchiaanearü ãẽ̱xgacüchiga nixĩ. Rü ngẽma naxchata̱xcure i naxetügüarü ngãxü̃wa ngẽxmaxü̃ rü ngẽma nixĩ i ngẽma nüxíraxü̃xü̃ i Gréchiaanearü ãẽ̱xgacü.

Danié 8:26

Rü ngẽma curü ngo̱xetügüwa cuxü̃ nüxü̃ chadauxẽẽxü̃ nachiga i ngẽma yáuanecügü rü paxmamagü, rü aixcüma tá ningu. Natürü cuxicatatama nüxü̃ cucua̱x i ngẽma, erü ngẽma rü mucüma ya taunecüguwena tá nixĩ nax yanguxü̃ —ñanagürü ga Tupanaarü orearü ngeruxü̃ ga Gábi.

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:5

Rü gumá yema tochicaxü̃wa rütocü rü ñanagürü: “Dücax, choma rü chanangexwacaxü̃xẽxẽ i guxü̃ma i ta̱xacü i ngẽxmaxü̃”, ñanagürü. Rü ñu̱xũchi ñanagürü ta: “¡Naxümatü i ñaa ore! Erü ñaa ore rü aixcüma nixĩ, rü ñaa nixĩ i ore i mexü̃ nax yaxõxü̃”, ñanagürü.