Danié 10:2 - Tupanaarü Ore

² Rü yexguma yemaxü̃ chada̱u̱xgu rü choma ga Danié rü tomaepü̱x ga yüxü poraãcü changechaü̃.

Danié 10:2 Iomraidhean Croise

Neemía 1:4

Rü yexguma yemaxü̃ chaxĩnügu rü poraãcü choxü̃́ nangu̱x rü chaxaxu. Rü ñuxre ga ngunexü̃ rü chaxaure rü Cori ya Tupanamaxã chidexa.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Wiyaegü 43:2

Erü cuma nixĩ i chorü Tupana i chorü poxü̃ruxü̃ quixĩxü̃. ¿Rü tü̱xcüü̃ i cugüna choxü̃ cuyáxü̃guxẽxẽxü̃? ¿Rü ta̱xacüca̱x i ngechaü̃ chingeechaxü̃ rü ngẽma chorü uanügü rü chixri chomaxã nachopetü?

Ichaía 66:10

Rü Tupana rü ñanagürü: —Pema nax Yerucharéü̃xü̃ pengechaü̃güxü̃ rü naxca̱x nax pexauxexü̃, rü ñu̱xma rü name nax wüxigu guxãma Yerucharéü̃maxã petaãẽgüxü̃.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Ore i mexü̃ ga Matéu ümatüxü̃ 9:15

Rü Ngechuchu nanangãxü̃ rü ñanagürü: —¿Ẽ̱xna wüxi i ngĩgüarü petawa rü pexca̱x namexü̃ nax nangechaü̃güxü̃ rü naxaureexü̃ i ngẽma nüxna naxugüxü̃ ega natanüwa nangẽxmagu i ngẽma ngexwaca ãmaxü̃? Natürü wüxi i ngunexü̃gu rü ngẽma yatü i ngexwaca ãmaxü̃ rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü.

Romanos 9:2

Rü poraãcü changechaü̃, rü chorü maxü̃newa nangúecha, erü tama nayaxõgü i chautanüxü̃ i Iraétanüxü̃.

Popera ga Chantiágu ümatüxü̃ 4:9

¡Pegümaxã pengechaü̃gü rü pexauxe erü pipecaduã̱xgü! Rü yíxema ñu̱xma chixexü̃gagu cugüexe rü name nixĩ i tügümaxã taxauxe. Rü yíxema chixexü̃maxã taãẽgüxe, rü name nixĩ i Tupanape̱xewa tügümaxã tangechaü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:5

Rü ngẽxguma texé chixexü̃ nape̱xewa ügüchaü̃gu i ngẽma taxre i orearü uruü̃gü, rü nümagü rü üxüema ya naã̱xwa ínacuexechinemaxã tüxü̃ tá ínagu. Rü ngẽmaãcü tá inayanaxoxẽxẽ i norü uanügü. Rü ngẽmaãcü tá tüxü̃ nadai ya yíxema chixexü̃ namaxã ügüchaü̃xẽ.