Danié 10:16 - Tupanaarü Ore

¹⁶ Rü ngürüãchi wüxi ga naduü̃xü̃raxü̃xü̃ cha̱u̱a̱xgu ningõgü. Rü yexguma chicho rü chidexa rü ñachagürü nüxü̃ ya yema chopexegu chíxü̃: —Pa Chorü Corix, ngẽma nüxü̃ chadauxü̃ rü poraãcü choxü̃ nangechaü̃xẽxẽ rü choxü̃ nangearü poraã̱xẽxẽ.

Danié 10:16 Iomraidhean Croise

Ínachoxü̃xü̃chiga 4:10

Rü yexguma ga Moiché rü Tupanaxü̃ nangãxü̃, rü ñanagürü nüxü̃: —Acha̱xa, Pa Corix, choma rü choxü̃́ naguxcha nax chidexaxü̃. Rü taguma choxü̃́ natauxcha woo ga ü̃pa rü woo i ñu̱xma rü ta ngẽxgumarüü̃tama chixĩ —ñanagürü.

Ínachoxü̃xü̃chiga 4:13

Rü yexguma ga Moiché rü ñanagürüama: —Acha̱xa, Pa Corix, chierüx to i duü̃xü̃xü̃ ngéma cumuxgux —ñanagürü.

Ngu̱xẽẽtaeruü̃arü ore 1:18

Rü ngẽxguma yexera nüxü̃ icua̱xgux, rü yexera tachixeãxẽ. Rü ngẽxguma yexera i cua̱x tüxü̃́ ngẽxmagux, rü yexera ngúxü̃ tinge.

Ichaía 6:7

Rü gumá ã́xwe rü cha̱u̱a̱xwa nayaxũ̱xãchixẽxẽ, rü ñanagürü choxü̃: —¡Dücax! daa ã́xwe rü cua̱xwa nixũ̱xãchi rü ngẽmaca̱x i curü chixexü̃ rü marü inayarüxo. Rü ngẽma curü chixexü̃gü rü Tupana rü marü cuxü̃́ nüxü̃ narüngüma —ñanagürü.

Yeremía 1:9

Rü ñu̱xũchi nüma ya Cori ya Tupana rü chaua̱x ningõgü rü ñanagürü choxü̃:

Echequié 1:26

Rü yema naanetüweétüwa nüxü̃ chadau ga wüxi ga ta̱xacü ga natochicaxü̃raü̃xü̃ ga nuta ga chafírunaxca̱x ixĩxü̃. Rü yema tochicaxü̃wa narüto ga wüxi ga naduü̃xü̃raxü̃xü̃.

Echequié 3:27

Natürü ngẽxguma ta̱xacüxü̃ tá cumaxã chixuxgu i choma rü cuxü̃ tá chidexaxẽxẽ. Rü ngẽxguma rü ñacurügü tá nüxü̃ i ngẽma duü̃xü̃gü: “Ngẽma pemaxã nüxü̃ chixuxü̃ rü ngẽma nixĩ i Cori ya Tupanaarü ore”, ñacurügü tá. Rü ngẽma irüxĩnüchaü̃xü̃, rü tá inarüxĩnü, natürü ngẽma tama irüxĩnüchaü̃xü̃ rü taxũtáma inarüxĩnü, erü ngẽma duü̃xü̃gü rü tama ĩrüxĩnüechaü̃xü̃ nixĩgü —ñanagürü.

Echequié 33:22

Rü yema chütaxü̃ naxü̃pa nax chauxü̃tawa nanguxü̃ ga yema Yerucharéü̃wa íñaxü̃ ga yatü, rü Cori ya Tupana rü choxü̃ ningõgü rü choxü̃ nangegaxẽxẽ. Rü ngẽxguma moxü̃ãcü pa̱xmama chauxü̃tawa nanguxgu ga yema yatü rü Cori ya Tupana rü wena choxü̃ nidexaxẽxẽ.

Danié 12:8

Choma rü nüxü̃ chaxĩnü ga yema nüxü̃ yaxuxü̃, natürü tama nüxü̃ chacua̱xéga nax ta̱xacüchiga yixĩxü̃. Rü yemaca̱x nüxna chaca rü ñachagürü: —Pa Corix ¿ta̱xacü tá nangupetü nawena i guxü̃ma i ngẽma? —ñachagürü.

Danié 4:19

Rü yexguma ga nüma ga Danié ga Betachámaxã naxugüãcü rü paxaãchi yexma narüchiane yerü poraãcü namuü̃ naxca̱x ga yema ĩnü ga naãẽwa nguxü̃. Natürü chomax i ãẽ̱xgacü rü ñachagürü nüxü̃: “Pa Betacháx ¡taxṹ i cuxoegaãẽxü̃ naxca̱x i ngẽma chaunegü rü ta̱xacüchiga yixĩxü̃!” ñachagürü. Rü nüma ga Betachá rü nanangãxü̃ rü ñanagürü choxü̃: “Pa Ãẽ̱xgacüx, chierüx guxü̃ma ga yema cunegüwa nüxü̃ cudauxü̃, rü curü uanügüca̱x yixĩxgux.

Danié 7:15

Rü choma i Danié rü poraãcü muü̃ choxna nangu. Rü poraãcü chaxoegaãxẽ naxca̱x ga guxü̃ma ga yema nüxü̃ chadauxü̃.

Danié 7:28

Rü yexma nixĩ ga yacuáxü̃ ga guxü̃ma ga yema chaunegüwa nüxü̃ chadauxü̃. Rü choma i Danié rü poraãcü naxca̱x chaxoegaãxẽ rü chanachoxõchi. Natürü taxúemaxãma nüxü̃ chixu nachiga ga yema chaunegüwa Tupana choxü̃ wéxü̃ —ñanagürü ga Danié.

Danié 8:15

Rü yexguma choma i Danié rü nüxü̃ íchadawenüyane ga yema Tupana chaunegüwa choxü̃ wéxü̃, rü nagu ícharüxĩnüyane nax ta̱xacüchiga yixĩxü̃ ga yema chaunegü. Rü ngürüãchi chope̱xewa nango̱x ga wüxi ga naduü̃xü̃raxü̃xü̃.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Danié 8:18

Rü yexguma chomaxã yadexayane rü chiyuãchi rü yexma waixü̃müanegu chayangu. Natürü ga nüma rü choxü̃ ningõgü rü choxü̃ inachixẽxẽ. Rü ñu̱xũchi choxü̃ ñanagürü: —Cumaxã tá nüxü̃ chixu nax ñuxãcü tá yixĩxü̃ i ngẽxguma nagu̱xgu nax Tupana napoxcuexü̃ i norü duü̃xü̃gü i tama naga ĩnüexü̃. Erü ngẽma cunegüwa nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃.

Danié 8:27

Rü choma i Danié rü chaugüca̱x changearü poraã̱x ga yexguma. Rü ñuxre ga ngunexü̃ chida̱xawe. Rü yemawena ícharüda rü wenaxarü chanaxü ga guma nachixü̃anearü ãẽ̱xgacü nagu choxü̃ muxü̃ ga puracü. Natürü ga choma rü poraãcü naxca̱x chaxoegaãxẽ ga yema chaunegüwa nüxü̃ chadauxü̃, yerü tama nüxü̃ chacua̱xéga nax ta̱xacüchiga yixĩxü̃.

Danié 9:21

Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Ore i mexü̃ ga Luca ümatüxü̃ 1:64

Rü yexgumatama wenaxarü nidexa ga Chacaría. Rü inanaxügü ga Tupanaxü̃ nax yacua̱xüxü̃xü̃.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Yochué 5:14

Rü nüma ga yema yatü ga yexma chíxü̃ rü Yochuéxü̃ nangãxü̃ rü ñanagürü: —Choma rü taxúetanüxü̃ chixĩ. Nua chaxũ nax Cori ya Tupanaarü churaragüeru chixĩxü̃ca̱x —ñanagürü. Rü yexguma ga nüma ga Yochué rü nape̱xegu waixü̃müanegu nayangücuchi. Rü nüxna naca rü ñanagürü: —Pa Corix, choma i curü duü̃xü̃ nax chixĩxü̃ ¿rü ta̱xacü nixĩ i chomaxã nüxü̃ quixuxchaü̃xü̃? —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:13

Rü yema 7 ga omüarü üruü̃güarü ngãxü̃tanüwa nüxü̃ chadau ga wüxi ga duü̃xü̃ ga cha̱u̱xca̱x nax Ngechuchu ga duü̃xü̃xü̃ ixĩcüraü̃xü̃. Nüma rü wüxi ga naxchiru ga mámüxü̃gu nicu̱x rü wüxi ga goyexü̃ ga úirunaxca̱xmaxã nigoyeremü.

Ãẽ̱xgacügü ga guxchaxü̃güarü mexẽxẽruü̃gü 13:8

Rü yexguma ga Manóa rü nayumüxẽ rü Cori ya Tupanaxü̃ ñanagürü: —Cuxü̃ chaca̱a̱xü̃, Pa Corix, nax wena nua toxca̱x cunamuxü̃ca̱x i ngẽma curü orearü ngeruxü̃ i daxũcüã̱x nax tomaxã nüxü̃ yaxuxü̃ca̱x i ta̱xacü tá namaxã taxü i ngẽma õxchana ixírachaü̃xü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:13

Rü nüma ga Yedeóü̃ rü nanangãxü̃ rü ñanagürü: —¡Choxü̃ nangechaxü̃, Pa Corix! Rü ngẽxguma chi Cori ya Tupana toxü̃tawa ngẽxmagu ¿tü̱xcüü̃ toxü̃ nangupetü i ñaa guxchaxü̃gü i ñu̱xma ngẽxmaxü̃? ¿Rü ngexü̃ nixĩ i ngẽma norü pora ga namaxã naxüxü̃ ga yema mexü̃gü ga taxü̃gü ga torü o̱xigü nüxü̃ ixugüchigagüxü̃ ga yexguma Equítuanewa tüxü̃ ínanguxü̃xẽẽgu? Rü nüma ya Cori rü toxna nixũgachi i ñu̱xmax, rü Madiáü̃tanüxü̃na toxü̃ namugü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:15

Natürü nüma ga Yedeóü̃ rü wena Cori ya Tupanaxü̃ nangãxü̃ rü ñanagürü: —¡Ñu̱xmarica choxü̃ nangechaxü̃, Pa Corix! ¿Natürü ñuxãcü tá íchananguxü̃xẽxẽ i Iraétanüxü̃? Erü chautanüxü̃ nixĩ i ñaxtümaewa ügüxü̃ i Manachétücumütanüwa. Rü guxü̃ma i chautanüxü̃tanüwa rü choma nixĩ i guxü̃arü yexera taxuxü̃ma chixĩxü̃ —ñanagürü.