Danié 1:8 - Tupanaarü Ore

⁸ Natürü nüma ga Danié rü tama nanangṍxchaü̃ ga yema õna rü tama nayaxaxchaü̃ ga gumá bínu ga ãẽ̱xgacü nüxna naxãcü, yerü nagu narüxĩnü nax tama Tupanape̱xewa namexü̃ ga yema. Rü yemaca̱x ãẽ̱xgacüarü duü̃xü̃güeruna naca nax tama yema õna ga ãẽ̱xgacü nüxna ãxü̃ nüxü̃ nangõ̱xẽẽxü̃ca̱x.

Danié 1:8 Iomraidhean Croise

Nüxíraxü̃xü̃ ga popera ga ãẽ̱xgacügüchiga 5:5

Rü ngẽmaca̱x nagu charüxĩnü nax chorü Tupanaca̱x chanaxüxü̃ ya wüxi ya napata ya taxü̃ne yema chaunatümaxã inaxunetaxü̃rüxü̃ nax choma tá yixĩxü̃ i naxca̱x chanaxüxü̃. Yerü Tupana rü ñanagürü tüxü̃ ga chaunatü: “Rü yimá cune ya cuchicüxü cuchicawa charütoxẽẽcü, rü yimá tá nixĩ ya naxücü ya chopata ya taxü̃ne”, ñanagürü tüxü̃.

Wiyaegü 106:28

Rü yema tórü o̱xigü rü tupananeta ga Baá-peúme̱xẽwa nügü nayexmagüxẽxẽ. Rü nanangõ̱xgü ga õna ga yema norü tupananetachicüna̱xãgü i ngearü maxü̃ã́xü̃ca̱x nada̱i̱xü̃.

Wiyaegü 119:106

Choma rü marü cumaxã ichaxuneta rü ngẽma rü tá chayanguxẽxẽ. Rü tá nagu chixũ i ngẽma curü mugü.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.

Wiyaegü 141:4

¡Rü choxna nayaxu i ngẽma chixexü̃gu nax charüxĩnüxü̃! ¡Rü taxṹ i choxü̃ quingexü̃ nax chixexü̃gu chixũxü̃ca̱x rü bai i natanü nax chaxãxü̃ca̱x i norü õnawa i ngẽma duü̃xü̃gü i chixexü̃ ügüxü̃!

Ucu̱xẽgüchiga 23:3

Rü tama name i cugüxü̃́ cunangúchaü̃xẽxẽ i ngẽma chíxü̃ i norü maixcuraxü̃gü, erü ngürüãchi ngẽmamaxã tá cuxü̃ nawomüxẽxẽ. -7-

Danié 1:5

Rü nüma ga Nabucudonochó rü norü duü̃xü̃güxü̃ namu nax guxü̃ma ga ngunexü̃gügu yema ngextü̱xüxü̃güna naxãgüãxü̃ca̱x ga yematama õna ga nümatama nangṍxü̃ rü bínu ga nümatama yaxaxãcü. Rü yemaacü tomaepü̱x ga taunecü meama nanangúexẽxẽ nax yemawena ãẽ̱xgacüaxü̃́ napuracüexü̃ca̱x.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Ngechuchuarü ngúexü̃gü ga yamugüxü̃arü puracüchiga 15:20

Rü narümemae nixĩ i naxca̱x tanaxümatü i popera, rü ngẽmawa namaxã nüxü̃ tixu: – Tama name nax nangõ̱xgüãxü̃ i naxü̃nagümachi i duü̃xü̃gü norü tupananetachicüna̱xãgüca̱x daixü̃. – Rü tama name nax nai i ngexü̃maxã rü ẽ̱xna nai ya yatümaxã inapexü̃. – Rü tama name nax nangõ̱xgüãxü̃ i namachi i ngẽma naeü̃ rüe̱xna naxü̃na i wẽxnaxãxü̃ rüe̱xna natügu nguxü̃. – Rü tama name nax nangõ̱xgüãxü̃ ya nagü. Rü ngexicatama nixĩ i inaxwa̱xexü̃ nax naxca̱x naxümatüxü̃ i ngẽma yaxõgüxü̃ i Antioquíawa ngẽxmagüxü̃.

1 Corintios 7:37

Natürü ngẽxguma wüxi i yatü nüxü̃́ nangẽxmagu i norü pacü rü tama nanaxwa̱xegu nax ngĩxü̃ naxütexü̃, rü ngẽma rü ta marü name. Erü naxme̱xwa ingẽxma rü taxuca̱xma texé tanachixewe nax ngĩxü̃ naxütexü̃ca̱x.

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

Wenaxarü naxümatü ga Tupanaarü mugü 32:38

¿Rü ngexü̃gü nixĩ i ngẽma perü tupananetagü i nangõ̱xgüxü̃ i ngẽma perü ãmarearü chíxü̃ i naxca̱x ípeguxü̃ rü yaxaxgüxü̃ ya yimá bínu ya nüxna penaxãcü? ¡Ẽcü inachigü i ñu̱xma nax pexü̃ nangü̃xẽẽgüxü̃ca̱x! ¡Rü nua naxĩ nax pexü̃ íyapoxü̃güxü̃ca̱x!