Danié 1:4 - Tupanaarü Ore

⁴ Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.

Danié 1:4 Iomraidhean Croise

Naanearü ügüchiga 41:46

Rü nüma ga Yúche rü 30 ga taunecü nüxü̃́ nayexma ga yexguma Faraóü̃ ga Equítuanearü ãẽ̱xgacüpe̱xewa nagagüãgu rü nüma ga Faraóü̃ namücüxü̃ yangucuchixẽẽgu. Rü nüma ga Yúche rü Faraóü̃xü̃ narümoxẽ rü inaxũãchi. Rü guxü̃ma ga Equítuanegu nixũãgüchigü.

2 Chamué 14:25

Rü guxü̃ma ga Iraéanecüã̱xgütanüwa rü nataxuma ga wüxi ga yatü ga Acharóü̃rüxü̃ norü meca̱x duü̃xü̃gü nüxü̃ yacua̱xüü̃güxü̃. Rü nacutügüwa inaxügü rü ñu̱xmata naeruwa nangu nax taxuwama ngextá nachixexü̃.

Ucu̱xẽgüchiga 22:29

Yíxema mea puracüxe, rü ãẽ̱xgacügüaxü̃́ tá tapuracü, rü taxũtáma ngexü̃rüüxü̃ i duü̃xü̃axü̃́ tapuracü.

Ngu̱xẽẽtaeruü̃arü ore 7:19

Rü ngẽma cua̱x rü 10 i ãẽ̱xgacügü i wüxi ya ĩanemaxã icua̱xgüxü̃arü poraarü yexera tüxü̃ naporaxẽxẽ ya yíxema cua̱x tüxü̃́ ngẽxmaxe.

Ichaía 36:11

Rü Echequíaarü ngü̃xẽẽruü̃gü ga Eriaquíü̃, rü Chéna, rü Yoá rü yema Achíriaanearü churaragüeruxü̃ nangãxü̃gagü rü nüxü̃ ñanagürügü: —Cuxna naxca̱x taca nax Araméutanüxü̃gawa tomaxã quidexaxü̃, erü ngẽma nixĩ i nüxü̃ tacuáxü̃. ¡Rü taxṹ i Ebréugawa tomaxã quidexaxü̃ i cumax! Erü guxü̃ma i ngẽma duü̃xü̃gü i ĩanearü poxeguxü̃arü dauxü̃wa irüdaunüxü̃ rü nüxü̃ naxĩnüe —ñanagürügü.

Yeremía 5:15

Rü nüma ya Cori ya Tupana rü nüxü̃ nixu rü ñanagürü: —Pa Iraétanüxü̃x, petanüwa tá chanamugü i duü̃xü̃gü i yáxü̃wa ne ĩxü̃. Rü nümagü rü duü̃xü̃gü i poraexü̃ i nũxcüma yexmagüxü̃ nixĩgü. Pemax rü tama nüxü̃ pecua̱x i ngẽma naga i nawa yadexagüxü̃, rü bai i nüxü̃ pexĩnüexü̃ i ngẽma nüxü̃ yaxugüxü̃.

Danié 2:10

Rü nüma ga yema yatügü ga cua̱x nüxü̃́ yexmagüxü̃ rü nanangãxü̃gü rü ñanagürügü: —Ñoma i naanewa rü tataxuma ya texé ya nüxü̃ cuáxe nax nüxü̃ tixuxü̃ i ngẽma nüxü̃ cucuáxchaü̃xü̃, Pa Ãẽ̱xgacüx. Rü ngẽxgumarüxü̃ ta rü taguma ñuxgu wüxi ga nachixü̃anearü ãẽ̱xgacü ga poracü norü ucu̱xẽruü̃güna naxca̱x naca i ngẽma ñu̱xma cuma toxna naxca̱x cuca̱a̱xü̃rüxü̃ ixĩxü̃.

Danié 2:2

Rü yemaca̱x naxca̱x nangema ga norü ucu̱xẽruü̃gü ga iyuüxü̃ rü yema ẽxü̃guxü̃xü̃ cua̱xgüxü̃ rü nape̱xexü̃ cua̱xgüxü̃ rü yema cua̱x nüxü̃́ yexmagüxü̃. Rü nüma ga yema iyuüxü̃ rü ãẽ̱xgacüxü̃tawa naxĩ. Rü nüma ga ãẽ̱xgacü rü yemagüna naca nax nüxü̃ yaxugüexü̃ca̱x nax ta̱xacüchiga yixĩxü̃ ga yema nagu naxãnegüxü̃.

Danié 3:8

Natürü ñuxre ga Cadéuanecüã̱xgü rü ãẽ̱xgacü ga Nabucudonochóxü̃tawa naxĩ nax Yudíugüxü̃ ínaxuaxü̃güxü̃ rü ñanagürügü:

Danié 4:7

Rü guxü̃ma ga yema yuüxü̃gü rü yema ẽxü̃guxü̃ cua̱xgüxü̃ rü yema nüxü̃ icua̱xüchixü̃ rü yema woramacuriwa ngúexü̃ ga Babiróniaanecüã̱x rü chauxü̃tawa naxĩ. Rü choma rü namaxã nüxü̃ chixu ga yema nagu chaxãnegüxü̃, natürü tama nüxü̃ nacua̱xgü nax ta̱xacüchiga yixĩxü̃ ga yema nagu chaxãnegüxü̃.

Danié 5:11

Erü nua cuxme̱xwa nangẽxma i wüxi i yatü ya Tupana ya Üünecüãxẽ nawa ngẽxmaxü̃. Rü yexguma guma cunatü ya Nabucudonochó ãẽ̱xgacü ixĩxgu, rü yema yatü inanawe̱x nax tupanagürüxü̃ aixcüma naãẽxü̃ nacuáxü̃. Rü yemaca̱x ga guma cunatü rü guxü̃ma ga norü ucu̱xẽruü̃güeru nayaxĩxẽxẽ.

Danié 5:7

Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Danié 9:1

Rü nüma ga Daríu ga Achuéru nane ga Médiaanecüã̱x ixĩxü̃, rü ãẽ̱xgacü nixĩ ga Babiróniaanewa.

Chacaría 2:4

Rü ñanagürü nüxü̃: —¡Namaxã nüxü̃ ixu i ngẽma ngextü̱xücü i nangexü̃ i ngẽma nguruxü̃, rü ñacurügü tá nüxü̃: “Yima ĩane ya Yerucharéü̃ rü taxũtáma ínapoxegu erü tá namuxũchi i norü duü̃xü̃gü rü wocagü. Rü ngẽmaca̱x taxucürüwama ínapoxegu.

Ngechuchuarü ngúexü̃gü ga yamugüxü̃arü puracüchiga 7:20

Rü yexgumaü̃cüxü nabu ga Moiché, rü Tupanaaxü̃́ nangúchaü̃. Rü naé rü nanatü rü tomaepü̱x ga tauemacü nüxna tadaugü ga tümapatawa.

Ngechuchuarü ngúexü̃gü ga yamugüxü̃arü puracüchiga 7:22

Rü yemaacü Moichéxü̃ nangu̱xẽẽgü ga guxü̃ma ga Equítuanecüã̱xarü cua̱x. Rü nüma ga Moiché rü norü dexawa rü yema naxüxü̃wa rü wüxi ga yatü ga poracü nixĩ.

Efesios 5:27

Rü yemaacü tüxü̃ nimexẽxẽ nax nügütama tüxü̃ nawéxü̃ca̱x nax aixcüma guxü̃wama imexü̃ rü nax nataxuxü̃ma i ta̱xacü i tórü chixexü̃ rü bai i írarüwa. Rü yemaacü tüxü̃ nade nax ixüünegüxü̃ca̱x rü guxü̃wama nape̱xewa imexü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 8:18

Rü ñu̱xũchi nüma ga Yedeóü̃ rü Zébana rü Salmunána naca, rü ñanagürü: —¿Nañu̱xgüraü̃xü̃ ga yema yatügü ga Tabóxgu pedaixü̃? —ñanagürü. Rü nümagü rü Yedeóü̃xü̃ nangãxü̃gü rü ñanagürügü: —Yema yatügü rü nanacuraxü̃güraxü̃, rü nanaxãẽ̱xgacügüraxü̃ ga wüxichigü —ñanagürügü.