Danié 1:2 - Tupanaarü Ore

² Rü nüma ga Cori ya Tupana rü Nabucudonochóaxü̃́ nanatauxchaxẽxẽ nax Yoaquíü̃xü̃ yayaxuxü̃ rü Babiróniaanewa nagaaxü̃ muxü̃ma ga natanüxü̃maxã. Rü yexgumarüxü̃ ta nayana ga Tupanapata ga taxü̃nearü yemaxü̃gü ga üünexü̃, rü norü tupanapatagu nananucu ga Babiróniaanewa.

Danié 1:2 Iomraidhean Croise

Naanearü ügüchiga 10:10

Rü guma ĩanegü ga itaxü̃ne ga Nimróxme̱xẽwa yexmagüne rü ĩanegü ga Babé rü Érex, rü Acáx rü Canéx nixĩ. Rü guma ĩanegü rü naane ga Chináxwa nayexmagü.

Naanearü ügüchiga 11:2

Rü ínachoxü̃ nawa ga yema naane ga éstewaama yexmaxü̃. Rü nawa nangugü ga wüxi ga naane ga metachinüxü̃ ga Chináxanewa yexmaxü̃. Rü yexma naxãchiü̃gü.

Norü taxre ga popera ga ãẽ̱xgacügüchiga 24:1

Rü yexguma Yoaquíü̃ Yudáanewa ãẽ̱xgacü yixĩxgu, rü nüma ga Babiróniaanearü ãẽ̱xgacü ga Nabucudonochó rü Yudáanegu naxücu nax yapuãxü̃ca̱x ga norü ĩane ga Yerucharéü̃. Rü nüma ga Yoaquíü̃ rü tomaepü̱x ga taunecü Nabucudonochóme̱xẽwa nayexma rü nüxü̃́ nanaxütanü ga yema taxü̃ ga diẽru ga naxca̱x ínacaxü̃. Natürü ga yixcamaxü̃ra rü togu narüxĩnü rü yemaca̱x Nabucudonochómaxã nanu rü tama nanaxütanü ga yema diẽru.

Norü taxre ga to ga popera ga ãẽ̱xgacügüchiga ümatüxü̃ 36:5

Rü Yoaquíü̃ rü 25 ga taunecü nüxü̃́ nayexma ga yexguma inaxügüãgu nax ãẽ̱xgacü yixĩxü̃. Rü 11 ga taunecü ãẽ̱xgacü nixĩ ga Yerucharéü̃wa. Natürü guxü̃ma ga yema naxüxü̃ rü Cori ya norü Tupanape̱xewa nachixe.

Norü taxre ga to ga popera ga ãẽ̱xgacügüchiga ümatüxü̃ 36:7

Rü Nabucudonochó ga Babiróniaanearü ãẽ̱xgacü rü ñuxre ga Tupanapata ga taxü̃nearü yemaxü̃gü rü Babiróniawa nanana. Rü norü tupanapatagu nananu.

Édra 1:7

Rü nümatama ga ãẽ̱xgacü ga Chíru rü nanawoeguxẽxẽ ga yema naxpáü̃gü ga úirunaxca̱x rü guxü̃ma ga togüamachigü ga Tupanapata ga taxü̃nearü yemaxü̃gü ga ãẽ̱xgacü ga Nabucudonochó Yerucharéü̃wa ne naxü̃ rü norü tupanapatagu yanuxü̃.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 42:24

¿Rü texé tixĩ ya guxema tauxcha nüxna ãxẽ ga yema Acóbutanüxü̃arü uanügü nax Iraégüxü̃ naporamaegüxü̃ rü ínayauxü̃ãxü̃? ¿Tama ẽ̱xna Cori ya Tupana yixĩxü̃? Yerü yema Iraétanüxü̃ rü Tupanape̱xewa chixexü̃ naxügü, rü tama Tupana naxwa̱xexü̃ãcü namaxẽ, rü tama naga naxĩnüechaü̃ ga yema norü ngu̱xẽẽtaegü.

Yeremía 25:1

Rü yexguma Yoaquíü̃ ga Yochía nane ãgümücü ga taunecü Yudáanewa ãẽ̱xgacü ixĩxgu rü Cori ya Tupana rü Yeremíamaxã nidexa nachiga ga guxü̃ma ga yema Yudáanecüã̱xgü. Rü yexguma nixĩ nax wüxi ga taunecü Babiróniaanewa ãẽ̱xgacü yixĩxü̃ ga Nabucudonochó.

Yeremía 27:16

Rü yexgumarüxü̃ ta namaxã nüxü̃ chixu ga yema chacherdótegü rü guxü̃ma ga yema duü̃xü̃gü. Rü nüxü̃ ñachagürü: —Cori ya Tupana rü ñanagürü: “¡Taxṹ i naga pexĩnüexü̃ i ngẽma orearü uruü̃güneta i pemaxã nüxü̃ ixugüxü̃ nax paxatáma Babiróniacüã̱x nawoeguxẽẽxü̃ i ngẽma Tupanapataarü ngẽmaxü̃gü! Rü ngẽma pemaxã nüxü̃ yaxugüxü̃ rü doramare nixĩ.

Yeremía 28:3

Rü taxre ya taunecüwena tá chanawoeguxẽxẽ i ngẽma Tupanapatapáxü̃gü i ãẽ̱xgacü ya Nabucudonochó Babiróniaanewa naxü̃.

Yeremía 35:11

Natürü yexguma Babiróniaanearü ãẽ̱xgacü ñaa nachixü̃aneca̱x íyagoõchigu, rü nagu tarüxĩnüe nax Yerucharéü̃wa taxĩxü̃ nax naxcha̱xwa tibuxmüxü̃ca̱x ga yema Babiróniaanearü churaragü rü Chíriaanearü churaragü. Rü ngẽmaca̱x nixĩ i ñu̱xma Yerucharéü̃wa tamaxẽxü̃ —ñanagürügü.

Yeremía 50:2

Rü ñanagürü i ngẽma ore: —¡Guxü̃ma i ngẽma togü i nachixü̃anecüã̱xmaxã nüxü̃ ixu i ñaa ore nax mea nüxü̃ nacua̱xgüxü̃ca̱x! ¡Rü nawe̱xnagü i ngẽma orearü cua̱xruxü̃ ya wonera! ¡Rü taxṹ i peyacúxü̃ i ngẽma ore! ¡Rü ñapegügü: “Babirónia rü marü norü uanügüme̱xẽgu nangu! Rü ngẽma norü uanügü rü nüxü̃ nacugüe i Babiróniaanearü tupananeta i Béx. Rü ngẽma tupananeta i Mardúx rü poraãcü namuü̃. Rü ngẽma uanügü rü nüxü̃ nacugüe i guxü̃ma i Babiróniaanearü tupananetachicüna̱xãgü i ñu̱xma ãũcümaxü̃wa ngẽxmagüxü̃.

Yeremía 51:44

Rü Babiróniawa tá chanapoxcu i norü tupananeta i Béx. Rü choma rü tá nüxna chanapuxü̃ i guxü̃ma i ngẽma nachixü̃anegü i naxme̱xwa ngẽxmagüxü̃. Rü ngẽma nachixü̃anegü rü tagutáma wena Babiróniawa naxĩ nax ngẽma tupananeta i Béxü̃ yacua̱xüü̃güxü̃ca̱x. Rü Babiróniaanearü poxeguxü̃tápü̱xgü rü marü niwa̱xgü.

Danié 5:13

Rü yexgumatama ãẽ̱xgacüpe̱xewa Daniéxü̃ nagagü. Rü nüma ga ãẽ̱xgacü rü nüxna naca, rü ñanagürü: —¿Cuma quixĩxü̃ i Danié i Yudíu quixĩxü̃ ga chaunatü ga Nabucudonochó Yudáanewa pexü̃ ne gagüxü̃?

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Abacú 1:16

Rü ngẽmaca̱x i ngẽma choxniexü̃ rü norü püchaxü̃ rü norü poxwaxü̃ nicua̱xüxü̃ rü ãmaregü rü pumarate̱xe naxca̱x ínagu. Rü moxẽ nüxna naxã ya norü poxwa rü norü pücha, erü ngẽma poxwagagu rü püchagagu nixĩ i mexü̃ i õna nangṍxü̃ rü taguma nangewemüxü̃.

Chacaría 5:11

Rü yexguma nüma ga yema Tupanaarü orearü ngeruxü̃ i daxũcüã̱x rü choxü̃ nangãxü̃ rü ñanagürü: —Babiróniaanewa nanangegü erü ngẽxma tá nanaxügü ya wüxi ya napata. Rü ngẽxguma marü yanguxgu ya yima napata, rü wüxi i norü nachicaétügu tá nanaxǘgü ya yima pexchi —ñanagürü.

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Ãẽ̱xgacügü ga guxchaxü̃güarü mexẽxẽruü̃gü 2:14

Rü yemaca̱x ga nüma ga Cori ya Tupana rü poraãcü yema Iraétanüxü̃maxã nanu rü nüxna nixũgachi nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga Iraéanearü ngaicamagu ngẽxmagüxü̃ rü guxü̃guma nüxü̃ naporamaegüxü̃ca̱x. Rü nüma ga Iraétanüxü̃ rü taxucürüwama nügü ínapoxü̃gü.

Ãẽ̱xgacügü ga guxchaxü̃güarü mexẽxẽruü̃gü 3:8

Rü yemagagu nixĩ ga Cori ya Tupana ga Iraétanüxü̃maxã nanuxü̃ rü Cucháü̃-richataíü̃ ga Mechopotámiaarü ãẽ̱xgacüme̱xẽwa nayexmagüxẽẽãxü̃. Rü 8 ga taunecü yema ãẽ̱xgacüme̱xẽwa nayexmagü rü nüxü̃́ napuracüe ñu̱xmata wena Cori ya Tupanana nacua̱xãchie rü nüxü̃ naca̱a̱xü̃gü nax ínanguxü̃xẽẽãxü̃ca̱x. Rü nüma ga Cori ya Tupana rü Otoniéxü̃ naxuneta nax Iraétanüxü̃xü̃ ínanguxü̃xẽẽxü̃ca̱x. Rü Otonié rü Quená nane nixĩ. Rü nüma ga Quená rü Caréxenexẽ ga rübumaecü nixĩ.

Ãẽ̱xgacügü ga guxchaxü̃güarü mexẽxẽruü̃gü 4:2

Rü yemaca̱x ga nüma ga Cori ya Tupana rü wüxi ga Canaáü̃tanüxü̃ ga ãẽ̱xgacü ga Yabíü̃me̱xẽgu nanayixẽxẽ ga yema Iraétanüxü̃. Rü nüma ga Yabíü̃ rü ĩane ga Achóxarü ãẽ̱xgacü nixĩ. Rü yema norü churaragüarü ãẽ̱xgacü rü Chíchara nixĩ ga naéga. Rü nüma ga Chíchara rü Aróche-goíü̃gu naxãchiü̃.

1 Chamué 5:2

Rü ñu̱xũchi norü tupana ga Dagóü̃patagu nayaxǘcuchigü. Rü Dagóü̃chicüna̱xãxü̃tagu nanaxǘgü.