Danié 1:19 - Tupanaarü Ore

¹⁹ Rü nüma ga ãẽ̱xgacü rü namaxã nidexa ga guxü̃ma ga yema ngextü̱xüxü̃gü. Rü natanüwa rü nataxuma ga texe ga Daniémaxã, rü Ananíamaxã, rü Michaémaxã, rü Acharíamaxã wüxiguxü̃ ga norü cua̱xwa. Rü yemaca̱x ga nüma ga ãẽ̱xgacü rü nanade ga yema ãgümücü ga ngextü̱xüxü̃gü nax norü ngü̃xẽẽruü̃gü yixĩgüxü̃ca̱x.

Danié 1:19 Iomraidhean Croise

Danié 1:5

Rü nüma ga Nabucudonochó rü norü duü̃xü̃güxü̃ namu nax guxü̃ma ga ngunexü̃gügu yema ngextü̱xüxü̃güna naxãgüãxü̃ca̱x ga yematama õna ga nümatama nangṍxü̃ rü bínu ga nümatama yaxaxãcü. Rü yemaacü tomaepü̱x ga taunecü meama nanangúexẽxẽ nax yemawena ãẽ̱xgacüaxü̃́ napuracüexü̃ca̱x.

Ucu̱xẽgüchiga 22:29

Yíxema mea puracüxe, rü ãẽ̱xgacügüaxü̃́ tá tapuracü, rü taxũtáma ngexü̃rüüxü̃ i duü̃xü̃axü̃́ tapuracü.

Naanearü ügüchiga 41:46

Rü nüma ga Yúche rü 30 ga taunecü nüxü̃́ nayexma ga yexguma Faraóü̃ ga Equítuanearü ãẽ̱xgacüpe̱xewa nagagüãgu rü nüma ga Faraóü̃ namücüxü̃ yangucuchixẽẽgu. Rü nüma ga Yúche rü Faraóü̃xü̃ narümoxẽ rü inaxũãchi. Rü guxü̃ma ga Equítuanegu nixũãgüchigü.

Yeremía 15:19

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽxguma cha̱u̱xca̱x cutaegu̱xgu, rü wena tá cuxü̃ chayaxu rü choxü̃́ tá cupuracü. Rü ngẽxguma chi nüxü̃ curüxoxgu nax natüca̱xmamare quidexamarexü̃, rü chi nüxü̃ quixuxgu i ore i aixcüma mexü̃, rü cuma tá nixĩ i aixcüma chorü orearü uruxü̃ quixĩxü̃. Rü name i nüma i duü̃xü̃gü cuxca̱x nawoegu, natürü tama name nax cuma naxca̱x cutaeguxü̃.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Danié 1:6

Rü yema ngextü̱xüxü̃gütanüwa nayexmagü ga Danié rü Ananía rü Michaé rü Acharía. Rü nümagü rü Yudátanüxü̃ nixĩgü.

Danié 1:7

Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 1:18

Rü yexguma marü yanguxgu ga yema uenü ga ãẽ̱xgacü ga Nabucudonochó nagu unetaxü̃ nax nape̱xewa nagagüãxü̃ca̱x ga guxü̃ma ga yema ngextü̱xüxü̃gü ga ãẽ̱xgacüarü puracüca̱x ngúexü̃, rü nüma ga yema ãẽ̱xgacüarü duü̃xü̃güeru rü ãẽ̱xgacüpe̱xewa nanagagü ga yema ngextü̱xüxü̃gü.

Danié 2:13

Rü yexguma marü naxunagügu ga yema ãẽ̱xgacüarü mu rü norü churaragü rü Daniéca̱x rü namücügüca̱x rü ta nadaugü nax nadaiaxü̃ca̱x.

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Danié 1:4

Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.